Marko 8

Ukuswiligwa kwa bandu baelifu bana (4,000)

(Mat. 15,32-39)

1Mmasiku gala, bo kibungene kangi ikilundilo ikikulumba, Akalipo nafimo ifyakulya, po alinkubabilikila abafundigwa

2bake, alinkubabula alinkuti: Ikisa kinyagile une panongwa ya kilundilo, buno balindile nanine amasiku matatu kangi

3bakaya nafyo nafimo ifyakulya. Linga nikubasumusya ukubuka kumyabo kisita kubaswila, bisakufwa ulusyu munjila,

4buno bamo bafumile kubutali. Abafundigwa bake balinkumwamula balinkuti: Afyage kugu umundu ifindu ifya

5kubafwana abandu aba ndukubo muno? Umwene alinkubalalusya alinkuti: Muli nafyo ifisyesye filinga? Balinkuti: 6Fihano na fibili. Alinkulagila ukuti abandu ikilundilo kyosa batugale pasi. Popapo alinkwega ifisyesye fihano na fibili fila, alinkugwa ulupi, alinkumenyania nukubapa abafundigwa bake ukuti babayabaniege; abene balinkukitegelekesya ikilu-

7ndilo. Bali nato tope nutuswi tunandi: bo atusayile, alinku-

8babula ukuti babayabaniege tope. Balinkulya balinkwikuta, balinkusala utumenya utu basyesye ifibo fihano na fibili.

9Aba balile baliti bali pa baelifu bana (4,000). Popapo alinku-

10basumusya. Po umwene alinkwingila mwiboti pamopene nabafundigwa bake, balinkwakufika nkisu kya Dalmanuta.

Yesu ikukana ukunangisya ikika

(Mat. 12,38-42; 16,1-4; Luk. 11,16.29-32; 12,54-56)

11Popapo abaFarisai balinkubuka papo alipo, balinkwanda ukukanikana nagwe ulukani, balondaga kumyake ikika ikifuma

12kumwanya, ukuti bangele. Alinkwitangula munda alinkuti: Bulebule abandu ba lilino aba bikulonda ikika? Naloli nikubabula une nikuti: Abandu ba lilino aba batisakupegwa

13nakimo ikika. Umwene alinkubaleka papo, alinkwipaka mwiboti, alinkuloboka isilya lila.

Yesu ikubakemela ubusitalwitiko mbafundigwa bake

(Mat. 16,5-12; Luk. 12,1)

14Abene abafundigwa bake balibibwe ukwega ifindu, bakali

15nako nakamo mwiboti, loli ikisyesye kimokyene. Alinkubasoka alinkuti: Amukete, mwandege unkese gwa baFarisai

16nunkese gwa Herodi. Popapo balinkuyobesania balinkuti:

17Kingamo papo tukaya nifisyesye! Umwene Yesu bo asya-genie, alinkubabula alinkuti: Mukuyobesania fiki ukuti mukaya nifisyesye? Mukali ukusyagania, sikali ukubakola

18na ulu? Bo busito buki indumbula syinu? Amaso go muli nago, mutikuketa? Imbulukutu syo muli nasyo, mutiku-

19pilika? Mutikukumbuka? Pala mbamenyaniege ifisyesye fihano abandu baelifu bahano (5,000), mwasalile nukwisusya utumenya ifibo filinga? Abene balinkuti: Kalongo na fibili.

20Fyope fihano na fibili fila kubandu baelifu bana (4,000), mwasalile nukwisusya utumenya ifibo filinga? Abene bali-

21nkuti: Fihano na fibili. Umwene alinkubabula alinkuti: Mukali mukasyagania na ulu?

Yesu ikumbumbulusya umfwamaso gwa mu-Betsaida

22Balinkwakufika mu-Betsaida. Popapo balinkuntwala kumyake umfwamaso, balinkumpyelesya ukuti ampalamasye.

23Alinkunkola ikiboko umfwamaso, alinkuntetesya ukusoka nagwe nkaya; bo answelile amata mmaso nukumbikapo ama-

24boko, alinkundalusya alinkuti: Bule kufibona fimo? Umwene alinkwinula amaso alinkuti: Nikubabona abandu baliti

25mipiki, bikwenda. Alinkumbikapo kangi amaboko pamaso, popapo alinkuketa, alinkuya nnunu itolo, alinkuketa fyosa na

26kubutali. Umwene Yesu alinkuntuma kumyabo alinkuti: Komma ukupagukila nkaya muno.

Peteri ikunjoba Yesu ukuya yo Kristi

(Mat. 16,13-20; Luk. 9,18-21; Yoh. 6,66-71)

27Popapo Yesu alinkubuka pamopene nabafundigwa bake ntwaya twa mu-Kaisaria Filipi. Bo ikwenda munjila alinkubalalusya abafundigwa bake alinkuti: Abandu apa bikunjoba

28une bikuti ne ani? Balinkumwamula balinkuti: Bamo bikuti gwe Yohani Umosi, abangi bikuti gwe Elia, nabangi bikuti gwe

29yumo mbakunguluka. Umwene alinkubalalusya alinkuti: Umwe loli mukuti ne ani? Peteri alinkumwamula alinkuti:

30Ugwe gwe Kristi. Umwene alinkubakanisya fiyo ukuti syo bangambulaga nayumo umundu.

Yesu ikuyobela ngani isya kufwa nukusyuka kwake

(Mat. 16,21-23; Luk. 9,22)

31Popapo alinkwanda ukubamanyisya alinkuti: Fikuti Nnyamundu akubilwege fiyo, nukukanigwa nabakulumba nabaputi abakulumba nabamanyakalata, nukugogigwa, kangi bo gaki-

32ndile amasiku matatu asyukege. Alinkuliyoba ilisyu ili pabwelu itolo. Popapo Peteri alinkusagukapo nagwe, alinkwanda

33ukunkanisya. Umwene bo asyutwike nukubaketa abafundigwa bake, alinkunkemela Peteri alinkuti: Kinda kunyuma kumyangu Setano! buno utikwinogona isya Kyala, loli kwinogona si sya bandu itolo.

Isya kunkonga Yesu

(Mat. 16,24-28; Luk. 9,23-27)

34Alinkukibilikila ikilundilo pamopene nabafundigwa bake, alinkubabula alinkuti: Uyu linga ikulonda ukwisa munyuma mmyangu, yo fikuti ikanege itolo, apimbege ikikohekano

35kyake, angongege. Namanga uyu linga ikuti abuponesye ubumi bwake, yo isakubutagaga; loli uyu linga ikubutagila ubumi bwake mmyangu, na panongwa ya Ibangeli, yo isaku-

36buponesyaga. Napa linga umundu akikabaga kyosa ikisu, po kyampaga fiki linga mo apekisye mumo itolo ubumi bwake?

37Umundu abagile ukuhomba fiki ifya kububangila ubumi

38bwake? Uyu linga ikuya nisoni kumyangu na kumasyu gangu, mbandu ba lilino abasimisi nabatulanongwa aba, yope na Nnyamundu isakuyaga nisoni kumyake, bo ikwisa mbukulumba bwa Gwise pamopene nabandumi abikemo.

Currently Selected:

Marko 8: NYY

Highlight

Copy