Marko 5

Ugwa mbepo inyali unGeraseni

(Mat. 8,28-34; Luk. 8,26-39)

1Popapo balinkwakufika kwisilya ilingi ilya nyanja, nkisu

2kya baGeraseni. Lelo bo asokile mwiboti, alinkwaganila

3numundu ugwa mbepo inyali uyu afumile mmapumba, muno ayaga bwila. Akalipo nayumo uyu abagile ukumpinya,

4nalinga giye minyololo, papo ka kingi apinyigwaga nimbingu niminyololo, umwene alinkugilatulania iminyololo nukusiti-

5kania imbingu, akaliko nayumo ugwa kundambika. Bwila itolo pamusi na pakilo alinkuya mmapumba na mfyamba,

6alinkukuta nukwitikania namabwe. Lelo bo ambwene Yesu pabutali, alinkumbopela nukwakumbungulukila, alinkukuta

7fiyo alinkuti: Tuli buki nanine nanungwe, Yesu gwe Mwana gwa Kyala Unkinde? Nikukuyigila mwa Kyala ukuti,

8ungafundaga. Papo alimbulile atile: Gwe mbepo inyali

9ugwe, sokamo mmundu uyu. Yesu alinkundalusya alinkuti: Gwani ingamu? Umwene alinkwamula alinkuti: Yo une

10Kilundilo, papo tuli bingi. Alinkumpyelesya fiyo ukuti

11angabakagaga nkisu kila. Lelo gwalipo papo untimo unku-

12lumba ugwa ngulube isi syalyaga nkyamba; popapo silinkumpyelesya silinkuti: Ututume mungulube ukuti mo twingi-

13lege. Umwene alinkusitikisya. Popapo imbepo inyali silinkusoka silinkwakwingila mungulube. Bunobuno untimo, ugu gwali pa baelifu babili (2,000), gulinkugulutukila kulu-

14panga nukwitaga munyanja, gulinkwibila. Abene aba batimaga balinkubopa, balinkwakusifumusya nkaya akakulumba na ntwaya utunandi. Popapo abandu balinkwisa kukusiketa

15isi syabonike. Balinkufika apa alipo Yesu, balinkumbona ugwa mbepo inyali uyu ali yo kilundilo atugesye, afwele imyenda, kangi atengene itolo; po lulinkubaga ulutende.

16Abene aba basibwene sisisi, balinkubapangila isi syalimwagile

17ugwa mbepo inyali nisya ngulube. Popapo balinkwanda

18ukumpyelesya ukuti asokemo nkisu kyabo. Umwene bo ikwipaka mwiboti, popapo yula ali nimbepo inyali alinku-

19mpyelesya ukuti ayege pamopene nagwe. Loli alinkunkana alinkuti: Bukaga kumyinu kubakamugo, ukababulege isi

20akubombile uNtwa, na muno akupakikisye. Popapo alinkubuka alinkwanda ukusifumusya mu-Dekapoli isi Yesu alimbombile; abandu bosa balinkuswiganika.

Umwana gwa Yairi undindwana, nunkikulu ugwa nyibuko ya ilopa

(Mat. 9,18-26; Luk. 8,40-56)

21Umwene Yesu bo alobwike mwiboti bo afikile kangi kwisilya ilingi, ikilundilo ikikulumba kilinkubungana kumyake;

22umwene ali pambali panyanja. Popapo alinkwisa yumo mbakulumba ba Sinagogi, uyu ingamu ali yo Yairi. Bo

23ambwene alinkubunguluka mmalundi mmyake. Alinkumpyelesya fiyo alinkuti: Akanangu akalindwana kali pakusililika, isaga ukakabikepo amaboko gako ukuti kapone, kayege

24kumi. Popapo alinkubuka nagwe; abandu ikilundilo ki kingi itolo balinkunkonga nukukulufania nagwe.

25Lelo alipo unkikulu uyu ali ninyibuko ya ilopa ifyinja

26kalongo na fibili, akubilwe fiyo mbaganga ba bingi, mo abululukisye ikyuma kyake kyosa kisita kubumbuluka, loli

27iyene yilinkukindilila ukubala. Bo apilike isya Yesu, popapo alinkufumila munyuma mbandu, alinkugupalamasya umwenda

28gwake. Namanga atigi: Pope linga ngipalamasisye na gi

29myenda gyake nisakupona. Nakalinga inyibuko ya ilopa yilinkuma, alinkwiyagania mumbili gwake ukuti aponile

30kulufundo lula. Nakalmga Yesu bo iyagenie ukuti amaka gasokilemo mmyake, alinkukisyutukila ikilundilo alinkuti:

31Ywani agipalamasisye imyenda gyangu? Popapo abafundigwa bake balinkwamula balinkuti: Ukibwene ikilundilo iki kukulufania nakyo, kangi kuti ywani ambalamasisye?

32Umwene alinkukelengania ukuti amwage uyu abombile sisisi.

33Loli unkikulu ulutende lulinkumwaga, alinkutetema papo amenye isi syalimwagile, alinkwisa nukubunguluka nkyeni

34mmyake, alinkumbula syosa isya mbwanaloli. Popapo alinkumbula alinkuti: Gwe mwanangu, ulwitiko lwako lukupokile; bukaga nulutengano, bumbulukaga kulufundo lwako.

35Lelo bo akali ali pakuyoba, po balinkwisa abandu ba nkulumba gwa Sinagogi yula balinkuti: Umwanako afwile, fiki

36ukali kumumilisya uMmanyisi? Loli Yesu alinkusita nukubikilako umoyo ilisyu ili bayobaga, alinkumbula unkulumba gwa Sinagogi alinkuti: Ungayaga nulutende, gwitikege itolo.

37Alinkusita nukumwitikisya nayumo umundu ukunkonga, loli bene ba ba-Peteri na Yakobu, na Yohani ugwamyabo gwa

38Yakobu. Popapo alinkwakwingila nnyumba ya nkulumba gwa Sinagogi, alinkwaga njwego ntupu gwa bingi aba balilaga

39ifwa nukukuta fiyo. Bo ingile alinkuti: Mukuywega fiki nukulila? Umwanike akafwa, himma, agonile itolo utulo.

40Abene balinkunseka. Umwene bo abakagile panja bosa, alinkumwega ugwise gwa mwanike, nunna, naba bali nagwe,

41alinkwingila muno alimo umwanike. Lelo bo ankolile umwanike ikiboko, alinkuyoba alinkuti: “Talita kumi”, ko kuti:

42Gwe kalindwana ugwe, nikukubula nikuti sumuka. Nakalinga akalindwana kalinkusumuka, kalinkwenda, namanga kali nifyinja kalongo na fibili. Popapo balinkutenguka

43ikitengusi ikikulumba. Umwene alinkubakanisya fiyo alinkuti: Mungambulaga nayumo inongwa sisisi: kangi alinkuti bakape ifyakulya.

Currently Selected:

Marko 5: NYY

Highlight

Copy