Marko 6

Yesu ikusyokeligwa mu-Nazareti

(Mat. 13,53-58; Luk. 4,16-30)

1Popapo alinkusokapo, alinkwisa nkisu kyake, naba-

2fundigwa bake balinkunkonga. Lelo pa-Sabati alinkwanda ukumanyisya mu-Sinagogi. Bingi bo bapilike, balinkuswiganika balinkuti: Syo asyagile kugu sisisi? Go mahala maki aga apegigwe uyu? Buno nifika ifikulumba ikufipela

3mmaboko gake! Uyu akaya yo nsongolafipiki, umwana gwa Maria, unkulu gwa ba-Yakobu na Yose na Yuda na Simoni? Kangi abalumbu bakaya bo aba tuli nabo papapa? Popapo

4balinkwikinya mmyake. Umwene Yesu alinkubabula alinkuti: Unkunguluka atikupondwa ulwimiko, loli mwene

5nkaya kake, na mbakamu bake, na nnyumba yake. Po apa alinkusita nukupelamo kimo ikika mumo, kwene ku kubabikapo amaboko ababine banandi itolo nukubabumbulusya.

6Alinkuswiga ukusitakwitika kwabo.

Ukutumigwa kwa batumigwa kalongo na babili

(Mat. 10,5-15; Luk. 9,1-6; 10,1-12)

7Popapo alinkusyungutila ntwaya alinkumanyisya. Alinkubabilikila bala kalongo na babili, alinkwanda ukubatuma babili babili. Alinkubapa amaka ga kusilambika imbepo

8inyali, kangi alinkubalagila ukuti bangakolelaga nafimo munjila, loli yene yi ngili itolo; fyomma ifindu, yomma

9ninyambi, syomma nisenti mumpango; loli bafwalege ifipapa 10mmalundi, nukuti bangafwalaga imiselekesye mibili. Kangi alinkubabula alinkuti: Munyumba yosa iyi linga mukwakwingilamo, mukayege mumo ukufika papo mukwakusokangamo.

11Posa apa linga batikubambilila nukubapilikisya, bo mukusokapo mukakungʼundege ulufumbi lwa kusi kumalundi ginu,

12luyege lo lusisimikisyo kumyabo. Popapo balinkubuka,

13balinkwakulumbilila isya lupinduko, balinkusisosya imbepo inyali si nyingi, balinkubapaka inyemba ababine ba bingi, balinkubabumbulusya.

Ukufwa kwa Yohani Umosi

(Mat. 14,1-12; Luk. 3,19-20; 9,7-9)

14Yope untwa Herodi alinkupilika sisisi, papo ingamu ya Yesu yafumwike; alinkuti: Yo Yohani Umosi asyukile mbafwe, yo nongwa iyi amaka amakulumba aga gikubomba

15imbombo mmyake. Bamo balinkuti: Yo Elia, abangi balinkuti: Nkunguluka afwene bo yumo mbakunguluka.

16Loli bo asipilike Herodi alinkuti: Uyu yo Yohani uyu nali-

17mbolile untu, yo uyu asyukile. Namanga Herodi atumile kukunkola Yohani, alimpinyile munnyololo panongwa ya Herodia unkasi gwa gwamyabo Filipu; uyu abopile nagwe.

18Namanga Yohani alimbulile Herodi atile: Syo mwiko ugwe

19ukuya nunkasi gwa gwamyinu. Herodia alinkumfinga ukuti

20nimgoge, loli alinkutoligwa; namanga Herodi antilaga Yohani, papo alimmenye ukuya mundu ungolofu kangi mwikemo, popapo alinkumpoka. Lelo bo ikumpilikisya

21alinkunyomoka fiyo, loli alinkumpilikisya nulusekelo. Lelo lilinkwisa ilisiku ilinunu, ili Herodi agabilikile amafumu gake, nabalongosi ba bwite, nabimikigwa ba mu-Galilai, ku kulya ifindu fya palusekelo lwa kukumbukila ukupapigwa

22kwake. Popapo alinkwingila kana Herodia alinkumoga, alinkunkyela Herodi naba balyaga nagwe. Popapo untwa alinkumbula undindwana alinkuti: Sumaga aka gwiganile

23kumyangu, nikukupaga. Alinkuyigila alinkuti: Nalinga fiki ifi kusuma nikukupaga, nalinga nikukutapulila ubutwa bwangu

24pakati. Popapo alinkusoka alinkwakundalusya unna alinkuti: Nsumege fiki? Umwene alinkuti: Untu gwa Yohani Umosi.

25Nakalinga alinkukuya ukwingila muno alimo untwa alinkwakuti: Nikulonda ukuti lululu umbege untu gwa Yohani

26Umosi mwibeseni. Popapo untwa alinkusulumania fiyo, loli papo ayiganike, kangi panongwa ya bandu aba balyaga nagwe,

27akalondaga ukunsusya. Popapo untwa alinkuntuma yumo unsikali, alinkundagila ukuti akege untu gwake. Umwene alinkubuka alinkwakumbola untu nnyumba ya bannyololo;

28alinkutwala untu gwake mwibeseni, alinkumpa undindwana.

29Umwene undindwana alinkwakumpa unna. Lelo bo bapilike abafundigwa bake, balinkwisa, balinkugupimba umfimba balinkugubika mwipumba.

Ukugomoka kwa batumigwa

(Mat. 14,13-14; Luk. 9,10)

30Popapo abatumigwa balinkwaganila apa alipo Yesu, bali-

31likumbula syosa isi babombaga nisi bamanyisyaga. Umwene alinkubabula alinkuti: Isaga mwibene tukiyekele pabusitabandu ukuti mukatusyepo panandi. Papo balipo bingi aba bisaga nukubuka, kalinkusita nukuyapo akabalilo ka kulila

32ifindu. Popapo balinkwenda mwiboti, balinkwakwiyekela

33pabusitabandu. Abene abandu balinkubabona bo bikubuka, bingi balinkubamanya; popapo balinkukuya ukufuma ntwaya tosa balinkwenda iya pisilya, balinkwakubatalila ukufika.

34Lelo bo asokilemo, alinkukibona ikilundilo ikikulumba, po ikisa kilinkumwaga, namanga bali bo si ngʼosi isi sikaya nuntimi. Popapo alinkwanda ukubamanyisya si nyingi.

Ukuswiligwa kwa bandu baelifu bahano (5,000)

(Mat. 14,15-21; Luk. 9,11-17; Yoh. 6,1-13)

35Bo ilisuba litembelile fiyo, abafundigwa bake balinkwisa kumyake balinkuti: Apa po palukubo, kangi ubusiku bwilile;

36basumusye babukege mumbali mmigunda na ntwaya, ukuti

37bakiyulilege fimo ifyakulya. Umwene alinkubamula alinkuti: Amubapepo yuyumwe ifyakulya. Abene balinkuti: Kingamo tubuke tukule ifindu ifya pa badenari imia ibili (200), ukuti

38tubapege balyege? Umwene alinkubalalusya alinkuti: Muli nafyo ifisyesye filinga? Amubukege mukakete. Bo basya-

39genie balinkuti: Fihano, niswi ibili. Alinkubalagila ukuti babatugasye pasi bosa, mfibugutila mfibugutila, palisu ilibisi.

40Popapo balinkutugasya mungindi mungindi, simo amalongo 41mahano, simo amalongo kalongo. Popapo alinkwega ifisyesye fihano fila niswi ibili sha, alinkuketa kumwanya, alinkugwa ulupi, po alinkufimenyania ifisyesye, alinkubapa abafundigwa bake ukuti babayabaniege, syope niswi ibili alinkubayabania

42-43bosa. Balinkulya balinkwikuta bosa. Balinkubungania utumenya, balinkwisusya ifibo kalongo na fibili, tope na tu

44tumenya twa nswi. Abene aba balyaga ifisyesye, bali pa baelifu bahano (5,000) abanyambala.

Yesu ikwenda pamwanya panyanja

(Mat. 14,22-27; Yoh. 6,16-21)

45Popapo alinkubafimbilisya abafundigwa bake ukwipaka mwiboti, ukutalapo ukubuka isilya lila mu-Betsaida, bo

46umwene tasi ikukisumusya ikilundilo. Bo alagene nabo,

47alinkufyuka pakyamba pakwiputa. Lelo bo bwilile namayolo, iliboti lilinkuya pakati panyanja, umwene alinkuya mwene

48pisilya. Alinkubabona bikutamigwa ukufiga, namanga umbelo gwabapingaga. Paliti pali po pakabalilo ka buna, muno bikubalila aba bikulindilila pakilo, alinkubaga bo ikwenda

49pamwanya panyanja, alondaga ukukisania. Abene bo bambwene ikwenda pamwanya panyanja, balinkuti kingamo

50nsyuka, balinkukuta; papo bosa balimbwene, po balinkutetema. Nakalinga alinkuyoba nabo alinkuti: Amukibege

51itolo yo une, komma ukutetema. Alinkwipaka mwiboti muno balimo, popapo umbelo gulinkubota. Abene balinkutenguka

52munda, balinkuswiganika fiyo; namanga bakasyagenie isya fisyesye fila, loli indumbula syabo syali ngafu.

AbaGenesareti ba bingi bikubumbuluka

(Mat. 14,34-36)

53Lelo bo bambwike kwisilya, balinkwakufika mu-Gene-

54sareti, balinkulibika iliboti pabununu. Bo bikusoka mwiboti,

55nakalinga abandu balinkummanya. Balinkubopela mosa nkisu kila, balinkwanda ukubapimbila mundato ababine, kosa kuno

56bapilikaga ukuti aliko. Mosa muno abukaga, ntwaya utunandi na ntwaya utukulumba na mmigunda, balinkubabika ababine musokoni; balinkumpyelesya ukuti bapalamasyege nalinga kipeto kya mwenda gwake; bosa aba bampalamasyaga balinkupona.

Currently Selected:

Marko 6: NYY

Highlight

Copy