Marko 14

Ukuyobana isya kungoga Yesu

(Mat. 26,1-5; Luk. 22,1-2)

1Loli gasyele amasiku mabili ukwisa ikyaka kya Pasa nikya fisyesye ifisitankese. Popapo abaputi abakulumba, nabamanyakalata balinkulonda injila ya kunkolelamo

2mbukomu, ukuti bangoge. Namanga batigi: Pangayaga po pakyaka, ukuti kungisakuyapo ukulundukana kwa bandu.

Yesu ikupakigwa inyemba mu-Betania

(Mat. 26,6-13; Yoh. 12,1-8)

3Lelo bo ali mu-Betania nnyumba ya Simoni ugwa bukoma, bo ali pakulya, alinkwisa kumyake unkikulu, uyu ali nikipake kya nyemba imbala fiyo inunga, isitakongania nakamo, alinku-

4goga ikipake alinkumonelela pantu. Loli balipo bamo aba bakalalile aka munda, balinkuti: Fiki ukonanga bunobuno

5inyemba? Namanga inyemba isi syabagile ukulisigwa ukukinda pa badenari imia itatu (300), angali bapegigwe abalondo.

6Balinkumumanila unkikulu. Umwene Yesu alinkuti: Amundeke, fiki mukuntamya? Buno ambombile akabombo aka-

7nunu; namanga abalondo muli nabo bwila, apa linga mwiganile, mubagile ukubabombela inunu, loli une mutikuyaga

8nanine bwila. Abombile sisyo abagile ukubomba, agupakile

9ngani umbili gwangu inyemba sya kusyilila. Naloli nikubabula une nikuti, mosa muno likulumbiligwaga nIbangeli nkisu kyosa, isi abombile unkikulu yuyuyu, sisakuyobigwaga ukuya sya kunkumbukilamo.

Ubusyobi bwa Yuda

(Mat. 26,14-16; Luk. 22,3-6)

10Popapo Yuda ugwa mu-Karioti, yumo mbakalongo na babili bala, alinkubuka kubaputi abakulumba ukuti ambikege

11mmaboko gabo. Abene bo bapilike balinkusekela, balinkwitikana nagwe ukuti bisakumpaga indalama. Alinkulonda akabalilo akanunu aka kumbikila mmaboko gabo.

Ifindu fya mayolo ifya bumalikisyo

(Mat. 26,17-30; Luk. 22,7-23; Yoh. 13,21-30; 1 Kor. 11,23-25)

12Lelo pisiku ilitasi lya fisyesye ifisitankese, apa babolaga akangʼosi ka Pasa, abafundigwa bake balinkumbula balinkuti: Kulonda ukuti tubukege poki pakukutendekekesya ubulilo

13bwa Pasa? Alinkubatuma abafundigwa bake babili, alinkubabula alinkuti: Amubukege nkaya, isakwaganilaga nanumwe umundu uyu apimbile indeko ya misi; yo mukankongege,

14muno mwagile ikwingila, mukayobege numwenenyumba mukatigi: uMmanyisi ikuti: Yili kugu inyumba yangu iya

15kulilamo une Pasa pamopene nabafundigwa bangu? Umwene isakubanangisyaga inyumba inywamu ya kwiyulu, iyi baya-

16lisye nukuyitendekesya; mo mukatutendekekesyege. Popapo abafundigwa balinkubuka, balinkwakufika nkaya, balinkwakusyaga bo mumo ababulile, mo balinkutendekesya Pasa.

(Mat. 26,20-25; Luk. 22,21-23; Yoh. 13,21-30)

17Popapo lelo namayolo alinkwisa nabo kalongo na babili

18bala. Lelo bo bitugele pakulya, Yesu alinkuti: Naloli nikubabula une nikuti, yumo mmyinu uyu ikulya nanine,

19isakumbikaga mmaboko ga balugu. Popapo balinkwanda ukusulumania, balinkuyoba nagwe yumoyumo balinkuti:

20Kali njege yo une? Umwene alinkubabula alinkuti: Yumo mbakalongo na babili, uyu ikuyubikisya nanine ndwangabya.

21Nnyamundu yo asumwike bo papo asimbiligwe, loli hitata kumundu uyu ikumbikaga Nnyamundu mmaboko ga balugu! Kwayaga kununu ukusitakupapigwamo umundu yula.

(Mat. 26,26-29; Luk. 22,14-20; 1 Kor. 11,23-25)

22Lelo bo bali pakulya, alinkwega ikisyesye, alinkwiputa, alinkukimenyania, alinkubapa alinkuti: Ele, iki go gu mbili

23gwangu. Alinkwega ikinwelo, alinkugwa ulupi, alinkubapa,

24bosa balinkunwelamo. Alinkubabula alinkuti: Iki lyo ilopa

25lyangu ilya lwitikano, ili likubonekelaga ba bingi. Naloli nikubabula une nikuti, ndisakwandisyamo ukunwa ifya museke sya mafilu, ukwisakufika pisiku ili nisakunwaga ifipya

26mbutwa bwa Kyala. Bo bimbile ulwimbo lwa lutufyo, balinkusoka ukubuka kukyamba kya misyunguti.

Yesu ikuyobela ngani isya kwikinya abafundigwa bake

(Mat. 26,31-35; Luk. 22,31-34; Yoh. 13,36-38)

27Popapo Yesu alinkubabula alinkuti: Mwesa mwisakwikinya, namanga lisimbigwe ilya kuti: Nisakunkoma untimi, po

28ingʼosi sisakunyambanikaga. Loli bo nsyukile, nisakuba-

29longolelangapo ukubuka mu-Galilai. Umwene Peteri alinkuyoba nagwe alinkuti: Napa linga bosa bikwikinya, loli une

30ngabagila. Yesu alinkumbula alinkuti: Naloli nikukubula une nikuti, ikilo kikiki, bo ningongobe yikali ukubilikila

31kabili, kwisakwikana kumyangu katatu. Umwene alinkukindililapo ukuyoba alinkuti: Nalinga natigi mfwege nanungwe, pope ndisakwikana kumyako. Bosa nabanine balinkuyoba bo lilili.

Yesu mu-Getsemani

(Mat. 26,36-46; Luk. 22,39-46)

32Popapo balinkwakufika pabuyo ubu batigi Getsemani; alinkubabula abafundigwa bake alinkuti: Amutugale papapa

33tasi nipute. Alinkubega ba-Peteri na Yakobu na Yohani, alinkubuka nabo. Popapo alinkwanda ukutenguka nuku-

34lalamuka indumbula, alinkubabula alinkuti: Umoyo gwangu gusulumenie ubusulumanie bwa bufwe; amuyege papapa,

35muyege maso. Bo akindilepo nkyeni panandi, alinkwitaga pasi, alinkwiputa ukuti linga sitikaga, akabalilo aka kanki-

36ndaga, alinkuti: Abba, Tata, syosa mbepe itolo kumyako; ulikikisyaga ikinwelo iki kumyangu; bomma ubwigane

37bwangu, loli ubwako. Alinkwisa, alinkubaga bagonile utulo; alinkuyoba na Peteri alinkuti: Simoni, ugonile utulo?

38Utoligwe ukuya maso akabalilo kamokene? Amuyege maso mwiputege, ukuti mungingilaga ndugelo; imbepo sya nkati

39syo sitike, loli umbili go monywa. Popapo alinkubuka kangi,

40alinkwakwiputa gago. Bo isile kangi alinkwaga bagonile utulo, namanga amaso gabo gali masito nutulo; balinkusita

41nukumanya ilya kumwamula. Alinkwakwisa kangi ulwa butatu, alinkubabula alinkuti: Amugonege lelo mutusyege! — Simalike. Akabalilo kisile; keta Nnyamundu ikubikigwaga

42mmaboko ga batulanongwa. Amusumukege tubuke; keta uyu ikumbikaga mmaboko ga balugu ali pipi.

Ukukoligwa kwa Yesu

(Mat. 26,47-56; Luk. 22,47-53; Yoh. 18,2-11)

43Lelo bo akali ikuyoba, nakalinga itolo alinkwisa Yuda, yumo mbakalongo na babili, ali nikilundilo kya bandu aba bakolile inyubo ningili; bafumile kubaputi abakulumba, na kuba-

44manyakalata, na kubakulumba. Uyu ambikaga mmaboko gabo, abapele ikimanyilo atile: Uyu linga nikumfipa bo yo

45yuyo; mukankolege fiyo mubukege nagwe. Lelo bo afikile, nakalinga alinkumbopela alinkuti: Rabi;#Rabi, ko kuti Mmanyisi. popapo alinku-

46mfipa. Abene balinkugolosya amaboko balinkunkola.

47Yumo muli aba balyimile papo, alinkukwaba ulubo lwake, alinkunsenga untumwa gwa mputi unkulumba, alinkumwa-

48ngula imbulukutu. Popapo Yesu alinkubamula alinkuti: Muliti mwisile nkulikola inyambuta, apa mutwele inyubo

49ningili kukungola une? Bwila nayaga nanumwe mwa Tempeli apa namanyisyaga, mulinkusita ukungola; loli fikuti isi

50sisimbigwe mwa bakalata syo sisege. Popapo balinkundeka bosa balinkubopa.

Undumyana uyu abopile

51Lelo undumyana yumo uyu alibigile ikilundo ikyelu kyene

52alinkunkonga, yope balinkunkola; umwene loli alinkuguleka umwenda, alinkubopa unsitakufwala nakamo.

Ukulongigwa kwa Yesu kumputi unkulumba

(Mat. 26,57-68; Luk. 22,54-55.63-71; Yoh. 18,12-14.19-24)

53Popapo balinkuntwala Yesu kumputi unkulumba; balinkubungana bosa abaputi abakulumba, nabandu abakulumba,

54nabamanyakalata. Umwene Peteri alinkunkonga pabutalipo, ukwakufika ndupaso lwa mputi unkulumba; alinkutugasania

55nababombi pakota umoto. Popapo abaputi abakulumba, nabalukomano bosa balinkulonda ubuketi bwa kuntobekesya

56Yesu ukuti bangogege, loli balinkupondwa; namanga bingi banjobaga ubuketi bwa butungulu, loli ubuketi bwabo buli-

57nkusita nukwitikana. Bamo balinkwima, balinkunjobela ubu-

58keti bwa butungulu balinkuti: Uswe twalimpilike bo ikuti: Mbagile ukumpangula Tempeli, uyu abombigwe namaboko, kangi bo gakindile amasiku matatu nende nukunjenga uyungi

59unsitakubombigwa namaboko. Pope ubuketi bwabo bulinku-

60sita nukwitikana. Popapo alinkusumuka umputi unkulumba, alinkwima pakati, alinkundalusya Yesu alinkuti: Utikwamula

61nasimo muli isi bikukohela ugwe? Umwene alinkuya mye itolo alinkusita nukwamula nalimo. Umputi unkulumba alinkundalusya kangi alinkuti: Ngimba ugwe gwe Kristi

62uMwana gwa Mwenelutufyo? Yesu alinkuti: E, yo une, kangi mwisakumbonaga Nnyamundu atugele kukililo kya

63Mwenemaka, ikwisa namabingu ga kumwanya. Popapo umputi unkulumba alinkunyafulania imyenda gyake alinkuti:

64Tukubulonda bwaki ubuketi ubungi? Mugapilike amahelu; bule mukuti fiki umwe? Popapo balinkulonga bosa ilya kuti

65afwege. Popapo bamo balinkwanda ukunswela amata, balinkunkinga kumaso nukumbulika, balinkuyoba balinkuti: Oko, kunguluka lelo! Nababombi bope balinkunkoma namapi.

Peteri ikunkana Yesu

(Mat. 26,69-75; Luk. 22,56-62; Yoh. 18,15-18.25-27)

66Umwene Peteri bo ali pasi ndupaso, popapo alinkwisa yumo

67undindwana mbabombi ba mputi unkulumba; alinkumbona Peteri bo ikota umoto, alinkundusamila alinkuti: Nanungwe

68gwali pamopene na Yesu unNazareti. Loli umwene alinkukana alinkuti: Ngammanya, kangi ndikusyagania isi kuyoba. Alinkusoka panja pakifigo; po ingongobe yilinkubilikila.

69Undindwana yula bo ambwene, alinkwanda ukuyoba kangi

70kuli aba balyimile papo alinkuti: Uyu mwinabo. Umwene alinkukana kangi. Bo pakindilepo panandi, aba balyimile papo balinkuyoba kangi na Peteri balinkuti: Naloli bo banino

71balabala, kabuno uli nGalilai. Popapo alinkwanda ukwiguna nukuyiganika alinkuti: Ngammaya umundu uyu mukunjoba.

72Nakalinga ingongobe yilinkubilikila ulwa bubili. Popapo Peteri alinkulikumbuka ilisyu ili Yesu alimbulile atile: Bo ingongobe yikali ukubilikila kabili, kwisakwikana kumyangu katatu. Bo inogwine, alinkulila fiyo.

Currently Selected:

Marko 14: NYY

Highlight

Copy