Marko 13
13
Yesu ikuyobela ngani isya kubulutuka kwa Tempeli
(Mat. 24,1-2; Luk. 21,5-6)
1Lelo bo ikusoka mwa Tempeli, yumo mbafundigwa bake alinkumbula alinkuti: Mmanyisi, uswige amabwe
2aga ninyumba isi! Umwene Yesu alinkumbula alinkuti: Usibwene inyumba ingulumba isi? Litisakulekigwa ilibwe pamwanya pibwe ilinine ilisitakubulutuligwa.
Ubutolwe ubu bukwisaga
(Mat. 24,3-25; Luk. 21,7-24; Mat. 10,17-22)
3Lelo bo atugesye pakyamba kya misyunguti ukuningana na Tempeli, ba-Peteri, Yakobu, Yohani na Andrea, bo biyekile,
4balinkundalusya balinkuti: Ulitubulaga, kali sisisi syo sisakuyako ndili, nikimanyilo kya kwisakumanyilamo ukuti syosa
5sisisi sisegelile ukumalika kyo kiliku? Umwene Yesu alinkwanda ukubabula alinkuti: Mwandege, nayumo angisakubaso-
6fyaga. Bingi bisakwisilaga mungamu yangu, bisakutigi: Une
7ne yuyo, nukubasofya ba bingi. Linga mukupilika isya bwite nutupango twa bwite, mungisakunyomokaga; syo fikuti sisege
8sisisi, loli bukaya bo bumalikisyo. Namanga ikikolo kisakukisambukilaga ikikolo ikinine, bope ubutwa nubutwa ubunine; twisakuyako nutusenyenda mbuyo mbuyo, ninjala yope yisakugwaga; sisisi bo bwandilo bwa kukubilwa.
9Loli mwandege mwiketege. Buno bisakubabikaga pabulongi, mwisakukomigwaga mmaSinagogi, kangi mwisakutwaligwaga nkyeni mbalindililakisu na nabatwa panongwa yangu,
10ukuti luyege lo lusisimikisyo kumyabo. Fikuti tasi inongwa
11inunu silumbiligwege nifikolo fyosa. Linga bikubatwala nukubabika mbulongi, mungiyayilaga ngani isi mwisakwakuyobaga, loli syosa isi mwisakupegigwa nkabalilo kalakala syo mukayobege; namanga mukaya yo umwe mwe mukwakuyo-
12baga, loli yo Mbepo Mwikemo. Buno ugwamyabo isakumohelaga ugwamyabo ukuti afwege, ugwise isakumohelaga umwanake ukuti afwege, bope nabana bisakubasambukilaga
13abapapi nukubagoga. Mwisakubengigwaga nabandu bosa panongwa ya ngamu yangu; loli uyu linga ikumilisya ukufika kubumalikisyo, yo isakupokigwaga.
(Mat. 24,15-28; Luk. 21,20-24)
14Loli linga mwisilekwaga ulonangiko ulupela kinyanyasi lwimile apa lukabagile, — uyu linga ikubala yo asyaganiege —,
15po aba bali mu-Yudai bakabopelege mfyamba; uyu linga ali pamwanya panyumba yo angasulukaga, kangi angingilaga
16nkwega fimo nnyumba yake; na uyu ali mungunda angago-
17mokelaga kunyuma kukwega umwenda gwake. Hitata kuba-
18kikulu abafifuba naba bikongesya pisiku lilalila! Loli
19amwiputege ukuti singisakubonekaga mmapepo. Namanga mmasiku gago bwisakuyako ubutolwe bo ubu bukabonekamo siku, ukufuma mu mbwandilo bwa kupela, mumo Kyala ape-laga, ukufika kulilino kuno, kangi butisakuyangako siku.
20Linga uNtwa akagatumulaniaga amasiku gala, angali akayapo nayumo umundu ugwa kupona; loli panongwa ya basaligwa
21aba abasalile, agatumulenie amasiku gago. Pakabalilo kako linga yumo ikubabula ikuti: Keta Kristi uyu kuno, pamo yula
22kula, mungisakwitikaga. Buno bisakusumukaga bakristi ba butungulu, nabakunguluka ba butungulu, bisakupelaga ifika mfiswigu, ukuti linga sibagile babasofyege nabasaligwa.
23Loli umwe mwandege; mbabulile ngani syosa.
Ubumalikilo bwa kisu
(Mat. 24,29-31; Luk. 21,25-28)
24Loli mmasiku gago bo bukindile ubutolwe bula, ilisuba
25lisakwinaga, numwesi gutisakusosyaga ulumuli lwake; syope nindondwa sisakusatukaga ukufuma kumwanya, gope namaka
26aga gali kumwanya gisakuyunganikaga. Panyuma lelo, bisakumbonaga Nnyamundu bo ikwisa mmabingu namaka amingi
27nubukulumba. Po isakubatumaga abandumi, nukubabungania abasaligwa bake ukufuma kumibelo gyo mina, ukufuma kubumalikisyo bwa kisu ukwakufika kubumalikisyo bwa kumwanya.
Isya kuya maso
(Mat. 24,32-36.42; Luk. 21,29-33)
28Amumanyilege ikifwanikisyo munkuyu; apa linga ulusamba lwake lutulwile nukusefuka amani, po mukumanya ukuti
29umpingo gusegelile. Bunobuno nanumwe apa linga mukusibona sisisi ukwisa, mumanyege ukuti ali pipi, ali pakifigo.
30Naloli nikubabula une nikuti, ingulilo ya lilino iyi yitisaku-
31yongaga yosa, bo tasi syosa sisisi sikaboneka. Ikya kumwanya nikya pasi fyo fisakuyongaga, loli amasyu gangu gatisakuyongaga.
(Mat. 24,36-44; Luk. 12,35-40; 17,26-37)
32Loli isya isiku lilalila, nakabalilo kalakala, nayumo umundu akasimanya, bope nabandumi ba kumwanya, yope na yu
33Mwana, loli mwene yu Gwise. Mwandege muye maso! Buno mukakamanya akabalilo ukuti kisakuyaga ndili.
34Sifwene bo umundu uyu ikwenda injila; ikuyileka inyumba yake, ikubapa abatumwa bake amaka, uyu nakabombo kake uyu nakabombo kake, nukundagila undindililakifigo ukuya
35maso. Muyege maso lelo; papo mukakamanya akabalilo aka umwenenyumba ikwisilaga, ukuti pamo namayolo, pamo pakilo
36pakati, pamo bo sikukolela, pamo nulubunju; ukuti angisa-
37kubambulania itolo bo ikwisa, nukubaga muli ntulo. Isi nikubabula umwe, syo nikubabula bosa: Amuyege maso.
Currently Selected:
Marko 13: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
