Marko 12

Ikifwanikisyo kya ngunda gwa mafilu

(Mat. 21,33-46; Luk. 20,9-19)

1Popapo alinkwanda ukuyoba nabo mfifwanikisyo alinkuti: Umundu alimile ungunda gwa mafilu, alinkusyungusya ulupaso, alinkukumba ikina kya kukamilamo amafilu, alinkuyenga ikisonge,#ikisonge, bamo bikuti ingasya. alinkubasima abalimi aba kunho-

2mba, alinkubuka kukisu ikingi. Lelo bo akabalilo kafikile, alinkuntuma untumwa kubalimi bala, ukuti akamwegeleko

3kubalimi iseke simo sya mungunda gwa mafilu. Balinkunkola, balinkunkoma nukunkaga kisita kumpapo nafimo.

4Kangi alinkwandisya ukubatumila untumwa uyungi, umwene

5yo balinkuntika untu nukunjwelula. Kangi alinkuntuma uyungi, yo balinkungoga; nabangi ba bingi, bamo balinku-

6bakoma, abangi balinkubagoga. Asyele nagwe yumoywene, umwanake undumyana unkundwe kumyake; pabumalikisyo yo alinkubatumila alinkuti: Umwanangu yo bisakumwimi-

7kaga. Abene loli abalimi balinkuyobana balinkuti: Uyu yo mwenekilingo, isaga tungoge, po ikilingo kikuyaga kyitu.

8Popapo balinkunkola nukungoga, balinkunsosya mungunda

9gwa mafilu, balinkwakuntaga panja. Isakubombaga fiki umwenengunda? Isakwisaga nukubagoga abalimi bababa,

10ende nukubapa abangi ungunda gwa mafilu. Mukabalamo siku mwa kalata apa pikuti:

Ilibwe ili balisyokile abayengi,

Lyo lipelile ukuya ibwe ikulumba lya panguto;

11Iyi yo mbombo ya Ntwa,

Kangi ya kuswigisya kumaso gitu?

12Balinkulonda ukunkola, loli balinkukitila ikilundilo, papo bamenye ukuti nkifwanikisyo kikiki abayobaga babo. Balinkundeka balinkubuka.

Isya kusonga kwa Kaisari

(Mat. 22,15-22; Luk. 20,20-26)

13Popapo balinkuntumila bamo abaFarisai pamopene nabanya

14Herodi, ukuti bankolele ilisyu lya nkanwa. Bo bislie, balinkuyoba nagwe balinkuti: Mmanyisi, tumenye ukuti uli gwa naloli, utikumpasya umundu, namanga utikubasalila abandu mbundu bwabo, loli kumanyisya injila ya Kyala mbwanaloli. Bule, kubagile ukusonga isongo kwa Kaisari pamo mma?

15Tusongege kali tungasongaga? Lelo bo abubwene ubusyobi bwabo alinkubabula alinkuti: Mukungela fiki? Amundwalile

16denari yumo ngete. Popapo balinkutwala yumo. Umwene alinkubalalusya alinkuti: Kyani ikifwani iki, nubusimbe ubu

17hwani? Balinkuti: Kya Kaisari. Popapo Yesu alinkubabula alinkuti: Ifya Kaisari fyo mumpege Kaisari, ifya Kyala mumpege Kyala. Popapo balinkuswiganika itolo.

Isya kusyuka

(Mat. 22,23-33; Luk. 20,27-40)

18Popapo balinkwisa kumyake abaSadukai, aba bikuti kuka-

19yako ukusyuka mbafwe, balinkundalusya balinkuti: Mmanyisi, Mose atusimbile atile: Linga ugwamyabo gwa mundu ikufwa, ikundeka unkasi kisita mwana, fikuti ugwamyabo

20amwingilengepo, ukuti ampapilege abana ugwamyabo. Baliko abanyamundu bahano na babili. Untasi alinkwega unkikulu,

21alinkufwa bo nsalabala itolo; alinkwenda nukumwingilapo ugwa bubili, yope alinkufwa unsalabala itolo; nugwa butatu

22bububo; bosa bahano na babili balinkufwa abasalabala itolo.

23Kunyuma kuli bosa yope nunkikulu alinkufwa. Bo bikusyuka, isakuyaga nkasi gwa aliku? Buno bosa bahano na babili

24balimwegile ukuya nkasi gwabo. Umwene Yesu alinkubamula alinkuti: Mukaya mo mumo mukusoba, apa mukamanya isi sisimbigwe mwa kalata, gope namaka ga Kyala

25mukagamanya? Buno bo bikusyuka mbafwe, batikwega kangi batikwegigwa, loli bikuya bo abandumi ba kumwanya.

26Loli isya kusyusigwa mbafwe, mukabalamo mwa kalata gwa Mose, pakisyanju apa Kyala ayobege atigi: Yo une ne Kyala gwa Abrahamu, Kyala gwa Isaka, kangi ne Kyala gwa Yakobu?

27Akaya yo Kyala gwa bafwe, loli gwa bumi. Mukusoba fiyo.

Ululagilo ulukinde ubukulumba

(Mat. 22,34-40; Luk. 10,25-28)

28Popapo ummanyakalata yumo alinkwisa, uyu apilikisyaga bo bikukanikana. Bo amenye ukuti abamwile kanunu, alinkundalusya alinkuti: Lo lukomelesyo luliku ulukinde

29kunine syosa? Umwene Yesu alinkwamula alinkuti: Ulukinde lo ulu lukuti: Pilika gwe Israeli, uNtwa Kyala gwitu yo

30Ntwa yuyo mwene, unganege uNtwa Kyala gwako nindumbula yako yosa, numoyo gwako gosa, namahala gako gosa, namaka

31gako gosa. Ulunine lo ulu lukuti: Unganege unnino bo apa gwiganile gwimwene. Lukayako ulukomelesyo ulungi uluku-

32lumba ukusikinda sisisi. Popapo ummanyakalata alinkumbula alinkuti: Utalwisye Mmanyisi, uyobile isya naloli ukuti ali

33yumoywene, akayako uyungi loli yuyo mwene; kangi ukungana yuyo nindumbula yosa, nukwinogona kwako kosa, namaka gako gosa, nukungana unnino bo apa gwiganile gwimwene, ko kugakindile namakemo gosa amokye, namakemo

34gosa itolo. Umwene Yesu bo ambwene ukwamula isya mahala, alinkuyoba nagwe alinkuti: Ukaya patali nubutwa bwa Kyala. Akalipo nayumo unkifu ugwa kundalusya kangi.

Ukulalusya isya Kristi

(Mat. 22,41-46; Luk. 20,41-44)

35Umwene Yesu bo ikumanyisya mwa Tempeli, alinkuti: Bikuyoba bulebule abamanyakalata apa bikuti Kristi yo nnya

36Davidi? Buno Davidi yuyo ayobile mwa Mbepo Mwikemo ukuti:

UNtwa ayobile kuNtwa gwangu atile:

Itugasya kukiboko kyangu ikililo,

Ukafikege apa nikubabikaga abalugu bako kusi kumalundi gako.

37Umwene Davidi ikunjoba ukuya yo Ntwa, po ayege mwanake bulebule? Ikilundilo kya bandu ikikulumba kilinkumpilika nulusekelo.

Ukusokigwa nsya bamanyakalata

(Mat. 23,1-36; Luk. 11,37-54; 20,45-47)

38Lelo ndumanyisyo lwake alinkuyoba ilya kuti: Mwandege nabamanyakalata, aba biganile ukufwala imiselekesye imitali bo bikusyungutila, nukuti abandu babaponiege musokoni,

39nukutugasya pafikota fya bukulumba mmaSinagogi, nukutugasya pabuyo ubwimikigwa pakulya ifindu fya palusekelo;

40aba bikwiputa inyuputo indali isya kulabasya, bo kuno bikulya inyumba sya bakikulu abafwile; bababa bisakwambililaga ulufundo ulukulumbapo.

Akabupe ka nkikulu umfwile

(Luk. 21,1-4)

41Popapo umwene alinkutugasya alinkuningana nikya kusopelamo indalama, alinkukiketa ikilundilo bo ikusopamo indalama. Abakabi ba bingi balinkusopamo si nyingi.

42Yope nunikulu yumo umfwile, undondo, alinkwisa alinkuso-

43pamo utusenti tubili utu tuli pa hela yimo. Popapo alinkubabiliila abafundigwa bake alinkubabula alinkuti: Naloli nikubabula une nikuti, unikulu umfwile, undondo uyu, yo

44asopilemo ukubainda bosa aba basopilemo, buno bosa aba basopilemo, begile ukufuma muli ifi fiyelile, loli umwene uyu mbulondo bwake, asopilemo fyosa ifi ali nafyo mbumi bwake bosa.

Currently Selected:

Marko 12: NYY

Highlight

Copy