Marko 11
11
Yesu ikwingila mu-Yerusalemu
(Mat. 21,1-11; Luk. 19,28-40; Yoh. 12,12-19)
1Lelo bo bikusegelela mu-Yerusalemu, pabupipi na Betfage na Betania, pakyamba kya misyunguti, alinkubatuma abafundigwa bake babili alinkubabula alinkuti:
2Amubukege nkaya aka muningene nako, bo mukwingila mutisakuhabapo ukuyaga imwana ya mhunda yikungigwe, iyi nayumo akitogamo siku, yo mukayabule, mukayitwale.
3Linga yumo ikubalalusya ikuti: Fiki mukubomba bo sisisi? mukatigi; uMalafyale ikuyilonda, atisakuhabapo ukuyigo-
4molela papapa kangi. Popapo balinkubuka, balinkwakuyaga imwana ya mhunda yikungigwe pakifigo panja pansebo,
5balinkuyabula. Loli bamo aba balyimile papo balinkulalusya balinkuti: Mukubomba fiki apa mukuyabula imwana ya
6mhunda? Balinkubabula bo mumo Yesu abalinganikisye,
7popapo balinkubitikisya. Balinkuntwalila Yesu imwana ya mhunda, balinkuyalisyapo imyenda gyabo, umwene alinkwito-
8gapo. Bingi balinkwalisya imyenda gyabo munjila, abangi
9utusamba twa mani utu bakonyolaga mmigunda. Aba balongwile nkyeni, naba bakongaga balinkukolela balinkuti:
Hosiana, nsayigwa uyu ikwisila mungamu ya Ntwa;
10Busayigwa ubutwa ubu bukwisaga ubwa tata Davidi,
Hosiana kumwanya!
11Popapo alinkwakufika mu-Yerusalemu, alinkwakwingila mwa Tempeli. Alinkukelengania nukufiketa fyosa, lelo papo alyagile bwilile, po alinkusoka alinkubuka mu-Betania nabakalongo na babili bala.
Unkuyu unsitaseke
(Mat. 21,18-19)
12Nulubunju bo bafumile mu-Betania, injala yandumaga.
13Alinkugubona unkuyu pabutali guli namani, alinkubuka ukuti pamo ikufyagangamo fimo; bo afikile akafyagilemo nafimo
14loli gene ga mani, papo kakali kabalilo ka kupa iseke. Popapo alinkugubula alinkuti: Nayumo angisakulyamo iseke mmyako siku. Abafundigwa bake balinkusipilika sisisi.
Yesu ikumwelusya Tempeli
(Mat. 21,12-17; Luk. 19,45-48; Yoh. 2,13-22)
15Balinkwakufika mu-Yerusalemu. Bo ikwingila mwa Tempeli, alinkwanda ukubakagamo mwa Tempeli aba bulisyaga naba bulaga, alinkukupusya ifitalati fya busaniandalama,
16nifikota fya bulisyangunde; akalimwitikisye nayumo ukuki-
17sania mwa Tempeli bo apimbile fimo. Alinkubamanyisya alinkuti: Bule sikasimbigwa ukuti: Inyumba yangu yikuyobigwaga ukuya nyumba ya kwiputilamo ifikolo fyosa? Umwe
18loli muyipelile mbako ya minyambuta. Abaputi abakulumba nabamanyakalata bo bapilike, balinkulonda isya kungogelamo, loli balinkutila, namanga ikilundilo kyosa kyaswigaga kuli isi
19amanyisyaga. Bo bwilile, alinkusokamo nkaya.
Amaka ga lwitiko
(Mat. 21,20-22)
20Lelo nulubunju bo bikukinda, balinkwaga unkuyu gumile
21gosa ukufuma kusi kumisi. Peteri alinkukumbuka, alinkumbula alinkuti: Rabi, unkuyu ugu gwagugunile gumile.
22Umwene Yesu alinkubamula alinkuti: Amuyege nulwitiko
23mwa Kyala. Naloli nikubabula une nikuti, gwesa uyu linga ikukibula ikyamba iki ikuti: Gwipimbe ukitage munyanja! linga atikwilamwa mundumbula yake, loli ikwitika ukuti
24sikwisaga isi ikuyoba, po sisakumwisilaga. Po apa nikubabula nikuti: Syosa isi linga mukwiputa nukusuma, mwiti-
25kege itolo ukuti mwambilile, po sikubisilaga. Linga mwimile mukwiputa, muyege ba kuswa syosa isi mukindene numundu, ukuti yope uGwisemwe kumwanya abaswege nanumwe ubu-
26sobi bwinu. Loli linga mutikuswa, po yope uGwisemwe kumwanya atisakubaswaga ubusobi bwinu.
Yesu ikulalusigwa isya maka gake
(Mat. 21,23-27; Luk. 20,1-8)
27Popapo balinkwisa kangi mu-Yerusalemu. Lelo bo ikusyungutila mwa Tempeli, balinkwisa kumyake abaputi abaku-
28lumba nabamanyakalata nabakulumba, balinkumbula balinkuti: Maka maki aga kubombela isi? Ywani akupele
29amaka ga kubombela sisisi? Umwene Yesu alinkubabula alinkuti: Nanine nikubalalusya ilisyu limo; munyamule po nanine nikubabulaga amaka ga uyu ngubombelamo sisisi.
30Ulosyo lwa Yohani kali lwafumile kumwanya pamo kubandu?
31Munyamule. Balinkuyobesania balinkuti: Linga tukuti lwafumile kumwanya, isakutigi po fiki mukamwitigaka lelo?
32Loli kali tutigi lwafumile kubandu? — batilaga ikilundilo, namanga bosa balimbwene Yohani ukuya nkunguluka gwa
33naloli. Balinkumwamula Yesu balinkuti: Tukamanya. Popapo Yesu alinkubabula alinkuti: Po nanine ndikubabulaga amaka ga uyu nikubombelamo sisisi.
Currently Selected:
Marko 11: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
