Marko 10

Isya kulekana mbwegi

(Mat. 19,1-12; Luk. 16,18)

1Popapo alinkusokapo, alinkwakufika nkisu kya mu-Yudai nisilya lila lya Yordani; po ifilundilo filinkubungana kumyake kangi. Umwene alinkubamanyisya kangi

2bo mumo abombelaga bwila. Popapo abaFarisai balinkwisa kumyake, balinkundalusya linga kubagile umundu ukundeka

3unkasi. Syali sya kungela. Umwene alinkubamula alinkuti:

4Mose abalagile atile fiki? Balinkumwamula balinkuti: Mose

5alitikisye ukusimba kalata gwa kulekana nukunsosya. Umwene Yesu alinkubabula alinkuti: Panongwa ya bukafu bwa ndu-

6mbula syinu po apa abasimbilaga ululagilo lululu. Loli ukufuma pabwandilo bwa bupeli, abapelile unnyambala

7nunkikulu. Ko kuno umundu isakundekaga ugwise nunna,

8isakumumililaga yu nkasi, lelo bo babili, bababa bisakuyaga mbili gumogwene. Bunobuno lelo halekile ukuya babili

9himma, loli bipelile mbili gumogwene. Lelo aka linga akakungisenie Kyala, ko angakatatulaniaga nayumo umundu.

10Kangi nnyumba abafundigwa balinkundalusya inongwa sisisi. 11Umwene alinkubabula alinkuti: Gwesa uyu linga ikulekana 12nunkasi nukwegana nuyungi, bo alogilwe nagwe. Yope nunkikulu linga ikulekana nundume ikwegana nuyungi, bo alogigwe.

Yesu ikubasaya abana

(Mat. 19,13-15; Luk. 18,15-17)

13Popapo balinkuntwalila abanike ukuti abapalamasyege,

14abafundigwa balinkubakemela. Loli Yesu bo asibwene, silinkunkalalisya, alinkubabula alinkuti: Amubalekege abanike bisege kumyangu, mungabakanisyaga; buno ubutwa bwa

15Kyala bwa babo bali bo bababa. Naloli nikubabula une nikuti, gwesa uyu linga atikubwambilila ubutwa bwa Kyala

16bo umwanike, yo atisakwingilamo siku. Popapo alinkubapagata, alinkubabikapo amaboko alinkubasaya.

Undumyana unkabi ikulonda ubumi bwa bwila

(Mat. 19,16-22; Luk. 18,18-23)

17Bo ikusumuka ikwenda munjila, umundu yumo alinkumbopela, alinkufugama nkyeni mmyake alinkundalusya alinkuti: Gwe Mmanyisi gwe nnunu, mbombe fiki ifya

18kwakwingilila pakilingo kya bumi bwa bwila? Umwene Yesu alinkuti: Nongwa ya fiki kunjoba ubununu? Akayako

19nayumo unnunu loli yumoywene, yo yu Kyala. Ingomelesyo usimenye isi sikuti: Ungagogaga, ungalogwaga, ungahiyaga, ungayaga nketi gwa butungulu, ungasyobaga, umwimikege

20uguso nunyoko. Umwene alinkumbula alinkuti: Mmanyisi, syosa sisisi nsikongile ukufuma mu mbukeke bwangu.

21Umwene Yesu bo ikunketa alinkungana, alinkumbula alinkuti: Gwagilwe kamokene; bukaga ukulisye fyosa ifi uli nafyo ubapege abalondo, po kwisakuyaga nikyuma kumwanya; na

22po gwisege ungongege. Popapo alinkwiluka kumaso bo apilike ilisyu lilili, alinkubuka nubusulumanie, namanga ali nikyuma ikingi fiyo.

Ubupalapala bwa bukabi

(Mat. 19,23-30; Luk. 18,24-30)

23Popapo Yesu alinkukelengania, alinkubabula abafundigwa bake alinkuti: Bo bupala buki abakabi ukwisakwingila mbutwa

24bwa Kyala! Abene abafundigwa balinkuswiga kumasyu gake. Umwene Yesu alinkwandisya ukwamula, alinkuyoba nabo alinkuti: Mwe bamwe, bo bupala buki ukwingila mbutwa

25bwa Kyala, aba bikusubila pabukabi! Kwayaga kupepe ingamila ukwenda pakina ka sindano, ukukinda unkabi

26ukwingila mbutwa bwa Kyala. Abene balinkukindilila ukutenguka, balinkuyobesania balinkuti: Po ywani abagile

27ukupona lelo? Yesu alinkubenesya, alinkubabula alinkuti: Abandu bo sibatolile sisisi, loli Kyala yo sikantola; namanga

28Kyala yo nasimo sikantola. Popapo Peteri alinkwanda ukuyoba nagwe alinkuti: Keta uswe tufilekile fyosa tukukongile

29yuyugwe. Umwene Yesu alinkuti: Naloli nikubabula une nikuti, akayako nayumo umundu uyu ayilekile inyumba, pamo abamyabo pamo abalumbu, pamo unna pamo ugwise, pamo abana, pamo imigunda panongwa yangu na panongwa ya

30Ibangeli, unsitakwambilila ifya malongo kalongo; lilino nkabalilo kakaka ikwambililaga inyumba, nabamyabo, nabalumbu, nabanna, nabana, mmigunda — pamopene nukufwimigwa —,

31na nkisu iki kikwisaga ubumi bwa bwila. Bingi abatasi bisakuyaga ba munyuma, aba munyuma bisakuyaga batasi.

Yesu ikuyobela ngani ulwa butatu isya bufwe bwake

(Mat. 20,17-19; Luk. 18,31-34)

32Balinkwenda munjila, balinkufyuka ukubuka mu-Yerusalemu, umwene Yesu alinkulongola nkyeni. Abene balinkuswiganika, naba bakongaga balinkutila. Popapo alinkubega kangi aba kalongo na babili bala, alinkwanda ukubabula isi

33syayaga pakumwisila. Alinkubabula alinkuti: Keta tukufyuka ukubuka mu-Yerusalemu, mo Nnyamundu isakubikigwaga mmaboko ga baputi abakulumba nabamanyakalata; bo bisakulongaga ilya kuti afwege, bisakwakumbikaga mma-

34boko ga bapanja; bo bisakumwangalilaga, nukunswela amata, bisakwakunkomaga nifikoti nukungoga; loli pisiku lya butatu isakusyukaga.

Ukusuma ulwimiko lwa nkisu

(Mat. 20,20-23)

35Popapo balinkusegelela kumyake abanya Zebedai, Yakobu na Yohani, balinkuyoba nagwe balinkuti: Mmanyisi, tuku-

36londa ukuti isi tukusuma utubombele. Umwene alinkubabula

37alinkuti: Mwalondaga ukuti mbabombele isya fiki? Balinkuti: Utupege ukuti yumo atugalege kukililo, yumo kuki-

38mama mbukulumba bwako. Loli Yesu alinkubabula alinkuti: Mukasimanya isi mukusuma. Mubagile ukunwa ikinwelo iki nikuya pakunwa une, pamo ukosigwa ulosyo ulu nikuya

39pakosigwa une? Balinkuti: Ena tubagile. Umwene Yesu alinkubabula alinkuti: Ikinwelo iki nikunwa nanumwe kyo mwisakunwaga, nulosyo ulu nikosigwa lo mwisakosigwaga;

40loli isya kutugala kukililo na kukimama kyangu, syo sikaya mmyangu ukubapa, sya babo batendekekesigwe ngani.

Ubukulumba bwa naloli

(Mat. 20,24-28; Luk. 22,24-27)

41Lelo bo bapilike aba kalongo bala, balinkwanda ukubaka-

42lalila ba-Yakobu na Yohani. Popapo Yesu alinkubabilikila, alinkuyoba nabo alinkuti: Mumenye ukuti aba bikuyobigwa ukuya balagili ba bapanja bikubalambikila ulwa butwa, bope

43nabakulumba babo bikubombela kumaka. Loli bo sitisakuyaga bunobuno mmyinu; uyu linga ikulonda ukuya nku-

44lumba mmyinu, yo ayege mbombi gwinu, kangi uyu linga ikulonda ukuya ntasi mmyinu, yo ayege ntumwa gwa bosa.

45Namanga yope na Nnyamundu akalisile nkubombeligwa, loli nkubombela nukubuninga ubumi bwake ukuya buhangi bwa bingi.

Ukubumbuluka kwa Bartimai umfwamaso

(Mat. 20,29-34; Luk. 18,35-43)

46Popapo balinkufika mu-Yeriko. Bo ikusoka mu-Yeriko nabafundigwa bake nikilundilo ikikulumba, Bartimai unnya Timai, umfwamaso unsuma fyabususilwa, atugele panjila

47pambali. Bo apilike ukuti yo Yesu gwa mu-Nazareti, alinkwanda ukukolela alinkuti: Yesu gwe nnya Davidi,

48ulimbakisyaga. Bingi balinkunkanisya ukuti abatame; umwene loli alinkongelapo ukukolela alinkuti: Gwe nnya

49Davidi, Yesu, ulimbakisyaga. Yesu alinkwima, alinkuti: Amumbilikile. Po balinkumbilikila umfwamaso balinkuti:

50Ukibege itolo, sumuka ikukukolela. Popapo alinkugutaga

51umwenda gwake, alinkunyela alinkwisa kwa Yesu. Umwene Yesu alinkumwamula alinkuti: Gwatigi ndubule nanungwe? Umfwamaso alinkumbula alinkuti: Rabuni,#Rabuni, ko kuti gwe Mmanyisi. natigi ngetege.

52Umwene Yesu alinkumbula alinkuti: Bukaga, ulwitiko lwako lukuponisye. Nakalinga itolo alinkwenda nukuketa, alinkunkonga munjila.

Currently Selected:

Marko 10: NYY

Highlight

Copy