Matai 25

Ikifwanikisyo kya balindwana kalongo

1Nkabalilo kala, ubutwa bwa kumwanya bwisakuyaga bo abalindwana kalongo, aba begaga inyale syabo,

2balinkusoka ukubuka kukwaganila numwegankikulu. Bahano nkilundilo kyabo bali bakonyofu, bahano bali ba mahala.

3Abakonyofu bala balinkwega inyale, balinkusita nukwega

4amafuta; loli aba mahala bala balinkwega amafuta mfyela,

5pamopene ninyale syabo. Lelo bo akabile ukwisa umwegi,

6popapo bosa balinkusipuka, balinkugona utulo. Lelo pakilo pakati po yilinkukutwa iya kuti: Keta, umwegankikulu isile,

7amusokege kukumwambilila. Popapo abalindwana bosa bala

8balinkusumuka, balinkusitendekesya inyale syabo. Abene abakonyofu bala balinkuyoba kuba mahala balinkuti: Mulitu-

9papo gamo amafuta ginu, buno inyale syitu sikusima. Loli aba mahala balinkwamula balinkuti: Himma, pamo gatisakutufwana nanuswe nanumwe, loli kununu ukuti mubukege

10kubulisi ko mukiyulilege. Lelo bo bikubuka kukula, po umwegankikulu alinkwisa, abene aba balitendekisye balinkwi-

11ngila nagwe mbwegi; kukifigo kulinkwigaligwa. Kunyuma balinkwisa abalindwana abangi bala, balinkukolela balinkuti:

12Malafyale, Malafyale, ulitwigulilako. Umwene loli alinkwamula alinkuti: Naloli nikubabula umwe nikuti: Ngabamaya

13umwe. Bunobuno lelo amuyege maso, namanga mukalimanya ilisiku, kope nakablilo mukakamanya.

Ikifwanikisyo kya batalenti

(Luk. 19,11-27)

14Namanga sifwene bo umundu uyu bo ikusumuka injila, alinkubabilikila abatumwa bake, alinkubalekela ifyuma fyake.

15Yumo alinkumpa batalenti bahano, yumo babili, nuyungi talenti yumo, alinkubapa yumoyumo mumo bayilile amahala

16gabo; popapo alinkubuka. Nakalinga itolo uyu alyambilile batalenti bahano alinkubuka alinkwakwendesya, alinkukaba

17batalenti abangi bahano. Bunobuno na yula ugwa batalenti

18babili alinkukaba abangi babili. Umwene loli uyu alyambilile talenti yumo, alinkubuka, alinkwakukumba pasi, alinkufisa

19ulutalama lwa malafyale gwake. Lelo bo pagonilepo fiyo, popapo umalafyale gwa batumwa bala alinkwisa, ukuti atende-

20kesye nabo inongwa ya kyuma kyake. Umwene uyu alyambilile batalenti bahano alinkwisa, alinkutwala batalenti abangi bahano, alinkuyoba alinkuti: Malafyale gwalindekile batalenti

21bahano, keta, mbasisye batalenti abangi bahano. Umalafyale gwake alinkuti: Ubombile kanunu gwe ntumwa gwe mwikili ugwe, gwali mwikili pafinandi, nisakukubikaga pafingi; ingi-

22laga ndusekelo lwa malafyale gwako. Uyu alyambilile batalenti babili alinkwisa alinkuti: Malafyale, gwalindekile bata-

23lenti babili, keta, mbasisye batalenti abangi babili. Popapo umalafyale alinkuti: Ubombile kanunu gwe ntumwa gwe mwikili ugwe, gwali mwikili pafinandi, nisakukubikaga pafingi;

24ingilaga ndusekelo lwa malafyale gwako. Alinkwisa yope uyu alyambilile talenti yumo alinkuti: Malafyale, nakumenye ukuya gwe mundu umpalapala, kutondola na muno ukaso-

25pilemo, kangi kubungania na muno ukanyambeniemo. Popapo ndinkupasya, ndinkubuka nukwakufisa talenti gwako mu-

26mfu; keta, alʼiki ikyuma kyako. Umwene umalafyale gwake alinkumwamula alinkuti: Gwe ntumwa gwe mbibi, gwe molo ugwe; gwalimenye ukuti ngutondola na muno ngasopilemo,

27ngubungania na muno nganyambeniemo? Po angali ubapele ikyuma kyangu aba bikubisya, lelo bo nisile angali nikwegela

28lumo nisi kibesye. Amupokege lelo talenti gwake, mumpepo

29uyu ali nabo batalenti kalongo. Buno gwesa uyu ali nako, yo isakupegwaga, fisakulefukaga itolo. Loli uyu akaya nako,

30yo nakako ali nako isakupokigwaga. Amuntagege untumwa ugwa itolo uyu panja mungisi; mo yisakuyaga nguto ndupu nulusyegetulo lwa mino.

Ilisiku lya bulongelo

31Lelo bo Nnyamundu ikwisa mbukulumba bwake, pamopene nabandumi bake bosa, po isakutugasyaga paikota kyake

32ikya bukulumba. Po ifikolo fyosa fisakubunganaga nkyeni mmyake; po umwene isakubapagulaniaga, bo apa untimi

33ikusipagulania ingʼosi nimbene; isakusibikaga ingʼosi kuililo

34nimbene kukimama. Popapo uNtwa isakuyobaga naba kuililo isakutigi: Isaga mwe basayigwa ba Tata, amubwingilengepo ubutwa ubu mwatendekekesigwe ukufuma mbwandilo

35bwa kisu. Buno bo ndi ninjala, mulinkuswila; bo ndi nikyumilwa, mulinkunwesya; bo ndi nhesya, mulinkunya-

36mbilila; bo ndi itolo igya kufwala, mulinkufwika; bo ndi mbine, mulinkwisa kukungeta; bo ndi nnyumba ya bannyo-

37lolo, mulinkwisa kumyangu. Po abagolofu bisakumwamulaga bisakutigi: Gwe Ntwa, gwali ninjala ndili tulinkukuswila,

38pamo bo gumilwe tulinkukunwesya? Twakubwene gwali nhesya ndili tulinkukwambilila, pamo gwali itolo igya kufwala

39tulinkukufwika? Kangi twakubwene ndili uli mbine, pamo

40uli nnyumba ya bannyololo, tulinkwisa kumyako? Po umwene uNtwa isakubamulaga isakutigi: Naloli nikubabula une nikuti, apa linga mwalimbombile yumo unnandi fiyo

41mbamyitu aba, po mwambombelaga yo yuyune. Lelo po isakubabulaga bope aba kukimama isakutigi: Amusokepo pamyangu mwe bagunigwa umwe, amubukege mmoto gwa bwila ugu atendekekesigwe ngani umohesi nabandumi bake;

42buno bo ndi ninjala, mulinkusita nukuswila; bo ndi nikyu-

43milwa, mulinkusita nukunwesya; bo ndi nhesya, mulinkusita nukunyambilila; bo ndi itolo igya kufwala, mulinkusita nukufwika; bo ndi mbine, na nnyumba ya bannyololo muli-

44nkusita nukwisa kukungeta. Po bope bisakumwamulaga bisakutigi: Gwe Ntwa, twakubwene ndili ukuti uli ninjala, gumilwe, uli nhesya, uli itolo igya kufwala, uli mbine, pamo

45uli nnyumba ya bannyololo lelo tukabubombile? Po umwene isakubamulaga isakutigi: Naloli nikubabula umwe nikuti: Bo mumo mukalimbombile yumo mbanandi fiyo aba, muka-

46limbombile yo une. Abene aba bo bisakubukaga kulufundo lwa bwila, loli abagolofu bisakubukaga kubumi bwa bwila.

Currently Selected:

Matai 25: NYY

Highlight

Copy