Luka 20

Yesu ikulalusigwa isya maka gake

(Mat. 21,23-27; Mar. 11,27-33)

1Loli musi gumo bo ali pakubamanyisya abandu mwa Tempeli, nukulumbilila inongwa inunu, popapo balinkusegelela kumyake abaputi abakulumba, nabamanya-

2kalata pamopene nabakulumba, balinkundalusya balinkuti: Utubule, go maka maki aga kubombela sisisi? Kangi ywani

3akupele amaka gagaga? Umwene alinkubamula alinkuti:

4Nanine nikubalalusyaga ilisyu limo, munyamule. Ulosyo lwa Yohani, kali lwafumile kumwanya pamo kubandu?

5Balinkuyobesania balinkuti: Linga tukuti lwafumile kumwa-

6nya, isakutigi: Po fiki mukamwitikaga lelo? Linga tukuti lwafumile kubandu, po abandu bosa bisakututika namabwe;

7namanga sibakolile ukuti Yohani ali nkunguluka. Abene

8balinkwamula, ukuti bakamenye kuno lwafumile. Popapo Yesu alinkubabula alinkuti: Po nanine ndikubabulaga amaka aga nikubombela sisisi.

Ikifwanikisyo kya ngunda gwa mafilu

(Mat. 21,33-46; Mar. 12,1-12)

9Popapo alinkwanda ukubabula abandu ikifwanikisyo iki alinkuti: Umundu yumo abyele ungunda gwa mafilu, alinkubasima abalimi aba kunhomba; alinkubuka kukisu ikingi, ko

10alinkwakutugala akabalilo akatali. Lelo bo kafikile akabalilo, alinkuntuma untumwa kubalimi ukuti bakampepo iseke simo sya mungunda gwa mafilu; loli abalimi balinkunkoma nuku-

11nkaga kisita kumpapo nafimo. Popapo alinkwandisya kangi, alinkuntuma untumwa uyungi; yope na yuyuyu balinku-

12nkoma, balinkunjwelula nukunkaga kisita kumpa nafimo. Alinkwandisya kangi, alinkuntuma ugwa butatu; yope na yuyuyu

13balinkumfulasya, balinkuntaga panja. Popapo umwenengunda gwa mafilu alinkuti: Ndubulege lelo? Nikuntumaga yu mwanangu unkundwe, pamo yo bikwakuntilaga.

14Abene loli abalimi bo bambwene, balinkuyobesania balinkuti: Uyu yo mwenekilingo, isaga tungoge, ukuti ikilingo kiyege

15kyitu. Popapo balinkuntaga panja pangunda gwa mafilu, balinkungoga. Kali isakutigi fiki nabo lelo umwenengunda

16gwa mafilu? Isakwisa nukubapyuta abalimi bala; ugwene ungunda gwa mafilu go isakubapaga abangi. Abene bo basipilike sisisi, po balinkuti: Himma, syo singisaga sisisi!

17Umwene alinkubaketa alinkuyoba alinkuti: Likusanusya fiki ilisyu ili lisimbigwe, ili likuti:

Ilibwe ili balisyokile abayengi,

Lyo lipelile ukuya ibwe ikulumba lya panguto?

18Gwesa uyu linga ikugwa pibwe lilyo, yo isakutayanikaga; kangi uyu linga nkungwila, yo lisakuntakaniaga.

Isya kusonga kwa Kaisari

(Mat. 22,15-22; Mar. 12,13-17)

19Popapo abamanyakalata nabaputi abakulumba balinkulonda ukunkola pakabalilo kako, loli balinkubatila abandu; namanga

20basyagenie ukuti abayobaga babo nkifwanikisyo iki. Popapo balinkuntegelela, balinkubatuma abatendesi ukuti bakafwanege bagolofu, ko kuti bakankolelege mmasyu gake, nukuti baka-

21mbikege mmaka na mbulagili bwa ndindililakisu. Abene balinkundalusya balinkuti: Mmanyisi, tumenye ukuti kuyoba nukumanyikisya mbugolofu, kangi utikubasalila abandu mbundu bwabo, loli kumanyikisya injila ya Kyala mbwanaloli.

22Bule, kutubagile ukusonga isongo kwa Kaisari, pamo mma?

23-24Loli umwene alinkubwagania ubukomu bwabo, alinkubabula alinkuti: Amunangisye denari, ali nikifwani kyani,

25nubusimbe hwani? Balinkuti: Bwa Kaisari. Umwene alinkubabula alinkuti: Po ngimba ifya Kaisari fyo mumpege

26Kaisari, ifya Kyala mumpege Kyala. Abene balinkupondwa ukunkolela mmasyu gake nkyeni mbandu, balinkuswiga itolo ukwamula kwake, popapo balinkubatama.

Isya kusyuka

(Mat. 22,23-33; Mar. 12,18-27)

27Popapo balinkwisa kumyake abaSadukai bamo, aba bikuti kukayako ukusyuka mbafwe; balinkundalusya balinkuti:

28Mmanyisi, Mose atusimbile atile: Linga ugwamyabo gwa mundu ikufwa ikundeka unkasi kisita mwana, fikuti ugwamyabo amwingilengepo, ukuti ampapilege abana ugwamyabo.

29Balipo lelo abanyamundu bahano na babili; untasi alinkwega

30unkikulu, alinkufwa unsitamwana. Yope ugwa bubili,

31nugwa butatu balinkumwingilapo; bunobuno bosa bahano na

32babili balinkufwa kisita kuleka abana. Kunyuma yope unki-

33kulu alinkufwa. Kali mbusyuka, unkikulu isakuyaga gwa aliku? Namanga bo bahano na babili balimwegilemo.

34Umwene Yesu alinkubabula alinkuti: Abana ba nkisu iki

35bikwega nukwegigwa; loli aba kubabagile ukukikaba ikisu kila, nukusyuka mbafwe, bo batikwegamo kangi batikwe-

36gigwamo. Namanga batikufwamo siku, papo bali bo abandumi, kangi bana ba yu Kyala; bipelile ukuya banya

37kusyuka. Loli isya kuti abafwe bikusyusigwaga, yope na yu Mose asinangisye pakisyanju pala, apa ikunjoba uNtwa ukuya yo Kyala gwa Abrahamu, Kyala gwa Isaka, kangi ukuya yo

38Kyala gwa Yakobu. Umwene akaya yo Kyala gwa bafwe,

39loli gwa bumi; buno bosa itolo bumi kumyake. Popapo abamanyakalata bamo balinkumwamula balinkuti: Mmanyisi,

40uyobile kanunu. Namanga alinkusita nukuyapo nayumo ugwa kukiba ukundalusya simo.

Ukulalusya isya Kristi

(Mat. 22,41-46; Mar. 12,35-37)

41Popapo alinkubabula alinkuti: Syo bikuyoba bulebule apa

42bikuti Kristi nnya Davidi? Buno Davidi yuyo mwa kalata gwa nyimbo sya Israeli ikuti:

UNtwa ayobile kuNtwa gwangu atile:

Itugasya kukiboko kyangu ikililo,

43Ukafikege papo nikubapelaga abalugu bako

Ukuya kikota kya kubikapo amalundi gako.

44Linga Davidi ikunjoba ukuya yo Ntwa, po atʼayege mwanake bulebule?

Ukusokigwa nsya bamanyakalata

(Mat. 23,1-36; Mar. 12,38-40; Luk. 11,37-54)

45Popapo alinkubabula abafundigwa bake bo bikupilika bosa

46abandu alinkuti: Mwandege nabamanyakalata, aba biganile ukufwala imiselekesye imitali bo bikusyungutila, kangi biganile ukuti abandu babaponiege musokoni, biganile nukutugasya pafikota fya bukulumba mmaSinagogi, nukutugasya pafikota ifya bwimikigwa pakulya ifindu fya palusekelo.

47Aba bikulya inyumba sya bakikulu abafwile, bo kuno bikwilabasya ukwiputa inyiputo indali. Bababa bisakwambililaga ulufundo ulukulumbapo.

Currently Selected:

Luka 20: NYY

Highlight

Copy