Luka 19
19
Zakai
1Popapo alinkwingila mu-Yeriko.
2Lelo bo ikukisania, keta, alipo umundu yumo uyu ali yo Zakai ingamu, yo
3ali nkulumba mbasongesyasongo, kangi ali nkabi. Alinkulonda ukunketa Yesu muno ayilile, loli alinkutoligwa panongwa
4ya kilundilo, namanga ali mpimba. Popapo alinkubopela nkyeni, alinkwakukwela munkuyu ukuti mo akanketelege,
5namanga ayaga pakukinda papo. Umwene Yesu bo afikile pabuyo bula, alinkuketa mmwanya alinkumbula alinkuti: Zakai, sulukaga mbibimbibi; namanga fikuti umusyugu
6ndugalemo nnyumba yako. Popapo alinkusuluka mbibi-
7mbibi itolo, alinkumwambilila nulusekelo. Lelo bo basibwene sisisi, balinkwibunesya bosa balinkuti: Ingile, atugasenie
8numundu untulanongwa. Umwene Zakai alinkwima, alinkumbula uMalafyale alinkuti: Keta Malafyale, nikuyabaga ikyuma kyangu pakati ukubapa abalondo, linga kuli yumo mbokile fimo mbusyobi, yo nikungomokesyangapo kana.
9Umwene Yesu alinkumbula alinkuti: Umusyugu ubupoki bubonike nnyumba iyi, buno yope na yuyuyu nnya Abrahamu.
10Namanga Nnyamundu isile nkukalonda nukukapoka aka kasobile.
Ikifwanikisyo kya kubasya indalama
(Mat. 25,14-30)
11Lelo bo basipilike sisisi, alinkongelapo ukubabula ikifwanikisyo, namanga asegelile mu-Yerusalemu, kangi papo binogonaga ukuti ubutwa bwa Kyala bukubonekaga nakalinga.
12Popapo alinkubabula alinkuti: Umundu yumo ugwa nkikolo ikifumuke, abukaga kukisu kya kubutali kukwambilila ubutwa
13nukugomoka kangi. Popapo alinkubabilikila abatumwa bake kalongo, alinkubapa indalama kalongo, alinkubabula alinkuti:
14Amubasyege ukufika papo nisakwisilaga. Loli abandu ba nkaya aka alimo balimbengile, balinkutuma indumi munyuma mmyake, balinkuti: Tutikundonda umundu uyu ukuti ayege
15ntwa gwitu. Umwene lelo bo abukabile ubutwa bwake, popapo alinkugomoka; alinkulagila ukuti babilikiligwe abatumwa aba abapele indalama, ukuti amanye muno basibakisye.
16Popapo untasi alinkusegelela kumyake alinkuti: Malafyale,
17ulutalama lwako lubesye indalama isingi kalongo. Umwene alinkumbula alinkuti: Uyile gwe ntumwa gwe nnunu; papo gwali mwikili pakandu akanandi, popapo lelo kuyaga ndagili
18pamwanya patwaya kalongo. Ugwa bubili alinkwisa alinkuyoba alinkuti: Malafyale, ulutalama lwako lukabile indalama
19isingi ihano. Yope yuyuyu alinkumbula alinkuti: Nanungwe
20uyege pamwanya patwaya tuhano. Uyungi alinkwisa alinkuti: Malafyale, keta, ulu lo lutalama lwako, ulu napinyile nkita-
21mbala; buno nakutilaga papo uli mundu mpalapala, kwega itolo nifi ukabikapo, kangi kutondola nifi ukasopilemo.
22Umwene alinkumbula alinkuti: Nisakukulongelaga si sya nkanwa mmyako, gwe ntumwa gwe mbibi ugwe. Gwalimenye ukuya ne mundu ne mpalapala, ngwega nifi ngabikilepo,
23kangi ngutondola nifi ngasopile, po gwalekile fiki ukubika ulutalama lwangu kuli aba bikubasya? Lelo une bo nisile,
24angali ngwegela lumo nisi lukabile. Popapo alinkubabula babo balyimile papo alinkuti: Amwegege ulutalama ulu
25kumyake, mumpege uyu ali nasyo indalama kalongo. Abene balinkumbula balinkuti: Malafyale, ali nasyo indalama
26kalongo! Nikubabula une nikuti: Gwesa uyu linga ali nafyo fimo yo ikupegigwaga, loli uyu akaya nafyo nafimo, yo
27nifi ali nafyo fisakwegigwaga. Abene loli abalugu bangu bala, aba bakandondaga une ukuya ntwa gwabo, bo mubatwale kuno, mubabolege nkyeni mmyangu.
Yesu ikwingila mu-Yerusalemu
(Mat. 21,1-11; Mar. 11,1-11; Yoh. 12,12-19)
28Lelo bo ayobile sisisi, popapo alinkulongola ukufyuka ku-
29Yerusalemu. Lelo bo asegelile mu-Betfage, na mu-Betania, kukyamba iki bikuti kya misyunguti, popapo alinkubatuma
30abafundigwa bake babili, alinkuti: Amubukege nkaya aka muningene nako; bo mukwingila mumo, mukwakuyaga imbunda imwana yikungigwe, iyi nayumo umundu akitogamo
31siku; yo mukayabule, mukayitwale. Linga yumo ikubalalusya ikuti: Mukuyabula yaki? po mukatigi: UMalafyale
32ikuyilonda. Bo babukile aba batumigwe, balinkwakusyaga
33bo mumo ababulile. Lelo bo bikuyabula imwana ya mhunda, popapo abenenayo balinkubalalusya balinkuti: Mukuyabula
34yaki imbunda imwana? Abene balinkuti: UMalafyale ikuyi-
35londa. Balinkuyitwala kwa Yesu. Popapo balinkwalisya imyenda gyabo pamwanya pambunda imwana, balinkunkwe-
36syapo Yesu. Lelo bo ikwenda, balinkwalisya imyenda gyabo
37munjila. Bo asegelile ukufika pabusulufu bwa kyamba kya misyunguti, popapo ikilundilo kyosa kya bafundigwa kilinkusekela nukumpala Kyala nakogo akakulumba, kumbombo syosa
38isya maka, isi basibwene, balinkuti:
Nsayigwa uNtwa uyu ikwisila mungamu ya Ntwa;
Ulutengano kumwanya, nulwimiko kumwanya kubukinde.
39Popapo abaFarisai bamo aba nkilundilo balinkumbula bali-
40nkuti: Gwe Mmanyisi, bakemele abafundigwa bako. Umwene alinkubamula alinkuti: Nikubabula une nikuti, linga babateme bababa, po amabwe gisakukolelaga.
Yesu ikundilila Yerusalemu
41-42Lelo bo asegelile ikukabona akaya, alinkukalilila, alinkuti: Linga gwasimanyaga nungwe umusyugu isya kukupelela
43ulutengano! Loli lilino sifisigwe kumaso kumyako. Buno gikwisaga amasiku, aga abalugu bako bisakuyengaga ililinga
44lya kukusyungutila, bisakukufwambililaga kosa kosa, bisakukubulutulaga ugwe nabanako aba bali nkati mmyako, batisakulilekaga nalimo ilibwe pibwe ilinine mmyako, papo ukakamenye akabalilo aka kakwisile.
Yesu ikumwelusya Tempeli
(Mat. 21,12-17; Mar. 11,15-19; Yoh. 2,12-17)
45Popapo alinkwakwingila mwa Tempeli, alinkwanda ukuba-
46kagamo aba bulisyaga; alinkubabula alinkuti: Lisimbigwe ilya kuti: Inyumba yangu yikuyaga nyumba ya lwiputo, loli umwe muyipelile mbako ya minyambuta.
47Umwene alinkumanyisya bwila mwa Tempeli. Loli abaputi abakulumba, nabamanyakalata, nabakulumba ba bandu
48balinkulonda ukungoga. Loli balinkusita nukusyaga nasimo isya kumbombela; namanga abandu bosa bamumililaga nukumpilikisya.
Currently Selected:
Luka 19: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
