Luka 18

Ikifwanikisyo kya nkikulu umfwile nundongi

1Popapo alinkubabula ikifwanikisyo ikya kubanangisya

2ukuti, fikuti biputege bwila kisita kukatala. Alinkuti: Alimo yumo undongi nkaya kamo, uyu akantilaga Kyala, uyu

3akabapasyaga nabandu. Lelo alimo nkaya mumo unkikulu umfwile, uyu agilaga bwila kumyake alinkuti: Ulindongelaga

4ugwa nongwa yangu. Umwene pakwanda akalondaga; loli ulwanyuma alinkwiyobesya mwene alinkuti: Napa ndikuntila

5Kyala, napa linga ndikubapasya abandu, lelo papo unkikulu umfwile uyu ikusisya ilyoyo, nikundongelaga, ukuti panyuma

6angisakungatasyaga bo ikungilila bwila. Umwene uMalafyale alinkuti: Amumpilikisye isi ikuyoba undongi unniongafu uyu.

7Kali Kyala atisakubalongela abasaligwa bake aba bikulila kumyake pamusi na pakilo, aba umwene mfisalyoyo kumyabo?

8Nikubabula une nikuti, isakubalongela mbibimbibi itolo. Napa bo siye, Nnyamundu bo ikwisa, kali isakulwagamo ulwitiko nkisu?

UmFarisai nunsongesyasongo

9Alinkubabula bamo, aba bisubilaga bene ukuya bagolofu

10nukubasyokela abangi ikifwanikisyo iki, alinkuti: Abandu babili balinkufyuka ukubuka mwa Tempeli kukwiputa; yumo

11ali mFarisai, uyungi ali nsongesyasongo. UmFarisai alinkwima alinkwiputa mundumbula yake alinkuti: Gwe Kyala, nikugwa ulupi kumyako papo ngaya bo abandu abangi, iminyambuta, abaniongafu, abalogwe, pamo ukufwana bo

12unsongesyasongo uyu. Nikufipika ifindu kabili mundungu gumo, nikupagula ifya pilongo muli fyosa ifi nikukaba.

13Loli unsongesyasongo alinkwima pabutalipo, alinkusita nukwinula amaso gake kumwanya; loli alinkwikoma pakipambaga alinkuti: Gwe Kyala, uliyaga nikisa kuli une ne ntulanongwa.

14Nikubabula une nikuti: Uyu yo asulukaga kukaya kake bo ayobigwe ubugolofu ukunkinda uyungi yula. Namanga gwesa uyu linga ikwiyimika mwene, yo isakwisigwaga; kangi uyu linga ikwiyisya mwene, yo isakwimikigwaga.

Yesu ikubasaya abana

(Mat. 19,13-15; Mar. 10,13-16)

15Popapo lelo balinkuntwalila abanike ukuti abapalamasyege; loli abafundigwa bo basibwene sisisi, balinkubakemela.

16Umwene Yesu alinkubabilikila alinkuti: Amubalekege abanike bisege kumyangu, mungabakanisyaga; buno ubutwa bwa

17Kyala bwa babo bali bo bababa. Naloli nikubabula une nikuti: Gwesa uyu linga atikubwambilila ubutwa bwa Kyala bo umwanike, yo atisakwingilamo siku.

Ubumi bwa bwila nubupalapala bwa kyuma

(Mat. 19,16-30; Mar. 10,17-31)

18Popapo undagili yumo alinkundalusya alinkuti: Gwe Mmanyisi, gwe nnunu, mbombe fiki ifya kwingilila pakilingo

19kya bumi bwa bwila? Umwene Yesu alinkumbula alinkuti: Nongwa ya fiki kunjoba ubununu? Akayapo nayumo unnunu,

20loli yumoywene, yo yu Kyala. Ingomelesyo usimenye, isya kuti: Ungalogwaga, ungagogaga, ungahiyaga, ungayaga nketi

21gwa butungulu, umwimikege uguso nunyoko. Umwene alinkuti: Syosa sisisi nsikongile ukufuma mu mbukeke

22bwangu. Lelo Yesu bo asipilike sisisi, alinkumbula alinkuti: Ukali gwagilwe kamokene, ulisya fyosa ifi uli nafyo, ubapege abalondo, po kwisakuyaga nikyuma kumwanya; na po gwisege

23ungongege. Umwene bo apilike lilili, alinkwenda nuku-

24sulumania fiyo; namanga ali nkabi fiyo. Umwene Yesu bo ambwene, alinkuti: Bo bupala buki abenekyuma ukwingila

25mbutwa bwa Kyala! Namanga kupepepo ingamila ukwingila pakina ka sindano, ukukinda unkabi ukwingila mbutwa bwa

26Kyala. Loli abene aba bapilikaga balinkuti: Po ywani abagile

27ukupona lelo? Umwene alinkuti: Isi sibatolile abandu,

28Kyala yo sikantola. Popapo Peteri alinkuyoba alinkuti:

29Keta, uswe tufilekile fyosa ifyitu, tukukongile ugwe. Umwene alinkubabula alinkuti: Naloli nikubabula une nikuti, akayako nayumo umundu uyu ayilekile inyumba, pamo unkasi, pamo abamyabo, pamo abapapi, pamo abana, panongwa ya butwa

30bwa Kyala, uyu atisakwambililaga ifingi ukukinda nkabalilo aka, na nkisu iki kikwisaga ubumi bwa bwila.

Yesu ikuyobela ngani ulwa butatu isya bufwe bwake

(Mat. 20,17-19; Mar. 10,32-34)

31Popapo alinkubega kalongo na babili bala, alinkubabula alinkuti: Keta, tukufyuka ukubuka mu-Yerusalemu, ukuti mo sikamalikilege syosa isi sisimbigwe nabakunguluka isya

32Nnyamundu. Namanga isakubikigwaga mmaboko ga bapanja, mo isakwangaliligwaga nukuyweluligwa, kangi isakuswe-

33ligwaga namata, abene bisakunkomaga nifikoti, bende nuku-

34ngoga. Loli pisiku lya butatu isakusyukaga. Abene balinkusita nukusyagania sisisi; ilisyu lilili lyafisigwe kumyabo, bakasimenye nisi syayobigwaga.

Yesu ikumbumbulusya umfwamaso

(Mat. 20,29-34; Mar. 10,46-52)

35Lelo bo asegelile mu-Yeriko, umfwamaso yumo alitugele

36pambali panjila, asumaga ifya bususilwa; umwene bo apilike ikilundilo kikukinda, alinkulalusya alinkuti: Fyo findu fiki

37fififi? Abene balinkumbula balinkuti: Yo Yesu gwa mu-

38Nazareti ikukinda. Umwene alinkukolela alinkuti: Yesu

39gwe nnya Davidi, ulimbakisyaga. Abene aba balongwile nkyeni balinkunkomela ukuti abatame; loli umwene alinkukindilila fiyo ukukolela alinkuti: Gwe nnya Davidi, ulimba-

40kisyaga. Popapo Yesu alinkwima, alinkulagila ukuti bantwale

41kumyake. Lelo bo asegelile, alinkundalusya alinkuti: Kulonda ukuti ngubombele sya fiki? Umwene alinkuti: Mala-

42fyale, natigi ngetege. Umwene Yesu alinkumbula alinkuti:

43Ketaga lelo, ulwitiko lwako lukupokile. Nakalinga itolo alinkuketa, alinkunkonga nukuntufya Kyala. Popapo abandu bosa bo basibwene sisisi, balinkumpala Kyala.

Currently Selected:

Luka 18: NYY

Highlight

Copy