Yohani 20

Ukusyuka kwa Yesu

(Mat. 28,1-10; Mar. 16,1-8; Luk. 24,1-12)

1Lelo pisiku lya kwanda lya ndungu, Maria ugwa mu Magdala alinkutemelela ukubuka kwipumba bo kukali

2nukukya, alinkwakwaga ilibwe liseguligwepo pipumba. Popapo alinkubopa ukubuka kwa Simoni Peteri, na kumfundigwa uyungi uyu Yesu alinganile, alinkubabula alinkuti: Bansosisyemo uNtwa mwipumba, lelo tukamanya nakuno bambikile.

3Popapo Peteri alinkusoka pamopene numfundigwa uyungi

4yula, balinkubuka kwipumba. Balinkubopa bo babili, loli umfundigwa uyungi yula alinkubopa alinkundekelela Peteri,

5alinkutala ukufika kwipumba; alinkwinama nukwinangila,

6alinkugibona imyenda, loli alinkusita nukwingila. Popapo yope Simoni Peteri uyu ankongaga alinkufika, alinkwingila

7mwipumba; alinkugibona imyenda mumo, nikitambala iki kyali pantu pamyake, kyo kikali pamopene nimyenda, loli

8kyaliniengenie pasima itolo. Popapo yope umfundigwa uyungi, uyu atalile ukufika kwipumba alinkwingila, alinkuketa,

9alinkwitika. Namanga bakali bakasyagenie isi sisimbigwe

10ukuti: Fikuti asyukege mbafwe. Popapo abafundigwa bala balinkugomoka kangi ukubuka kumyabo.

Yesu ikunsetukila Maria gwa mu-Magdala

(Mar. 16,9-11)

11Umwene Maria loli alyimile panja pipumba alilaga; lelo bo

12akali ikulila, alinkwinama alinkuketa mwipumba; alinkubabona abandumi babili aba bafwele imyenda imyelu, batugesye yumo kuntu yumo kumalundi, apa gwalambalele umbili gwa

13Yesu. Abene balinkundalusya balinkuti: Gwe nkikulu, kulila fiki? Umwene alinkuti: Papo bansosisyepo uNtwa

14gwangu, kangi ngamanya nakuno bambikile. Lelo bo ayobile sisisi, alinkusyutukila kunyuma, alinkumbona Yesu imile; loli

15alinkusita nukummanya ukuti yo Yesu. Umwene Yesu alinkundalusya alinkuti: Gwe nkikulu, kulila fiki? Kundonda ywani? Umwene papo atigi yo ndindililangunda, alinkumbula alinkuti: Malafyale, linga yo ugwe umpimbile, po ulimbulaga

16kuno umbikile ukuti ngansosyepo. Umwene Yesu alinkuko- lela alinkuti: Maria! Umwene alinkusyutuka, alinkuyobela

17nkiHiburi alinkuti: Rabuni, (ko kuti Mmanyisi). Popapo Yesu alinkumbula alinkuti: Ungambalamasyaga, buno ngali ukufyuka kwa Tata; loli bukaga kubamyitu ukababulege ukatigi: Nsumwike kwa Tata, uGwisemwe; kwa Kyala

18gwangu, kangi Kyala gwinu. Popapo Maria ugwa mu-Magdala alinkubuka, alinkwakubapangila abafundigwa alinkuti: Numbwene uNtwa, nukuti ambulile syosa sisisi.

Yesu ikubasetukila abatumigwa

(Mat. 28,16-20; Luk. 24,36-49; Mar. 16,14-18)

19Lelo namayolo, pisiku lilyo ilya kwanda ilya ndungu, bo inyigi sigaligwe muno balimo abafundigwa, panongwa ya kuhatila abaYuda, popapo Yesu alinkwisa, alinkwima pakati,

20alinkubabula alinkuti: Ulutengano luyege nanumwe. Lelo bo ayobile lilili, alinkubanangisya amaboko gake napalubafu. Popapo abafundigwa balinkusekela bo bambwene uNtwa.

21Umwene Yesu alinkwandisya kangi alinkuti: Ulutengano luyege nanumwe; bo mumo Tata alindumile une, nanine

22mo mumo nikubatuma nanumwe. Lelo bo ayobile lilili, alinkubaputila umuyi alinkuti: Amwambililege Mbepo

23Mwikemo. Aba linga mukubaswa inongwa, bo baswegigwe;

24aba linga mutikubaswa, bo bakaswegigwa. Loli Tomasi, yumo muli bala kalongo na babili, uyu batigi yo Didimo,#Didimo ko kuti mbasa.

25akali nabo apa Yesu isaga. Popapo abafundigwa abanine balinkumbula balinkuti: Tumbwene uNtwa; loli umwene alinkubabula alinkuti: Linga ngagaketa amakoko ga misumali mmaboko gake, linga ngabikamo ulobe muno gyalimo imisumali, nukubika ikiboko kyangu palubafu lwake, ndisakwitikamo siku.

Yesu ikunsetukila Tomasi

26Lelo bo gakindile amasiku lwele, popapo abafundigwa bake balinkuya mumo kangi, yope Tomasi alinkuya nabo. Alinkwisa Yesu bo inyigi sigaligwe, alinkwima pakati alinkuti:

27Ulutengano luyege nanumwe. Popapo alinkumbula Tomasi alinkuti: Twala ulobe lwako kuno, ukete amaboko gangu, lwala nikiboko kyako ubike palubafu lwangu; ungayaga

28nsitakwitika, loli gwitikege itolo. Umwene Tomasi alinkwamula alinkuti: Gwe Ntwa gwangu, gwe Kyala gwangu!

29Umwene Yesu alinkumbula alinkuti: Gwitike papo umbwene une? Basangalufu aba bitike bo bakaketa.

30Umwene Yesu alinkupela ifika ifingi fi fingi nkyeni mbafu-

31ndigwa bake, ifi fikasimbigwamo mwa kalata uyu. Loli ifi fyo fisimbigwe ukuti mwitikege, ukuti Yesu yo Kristi uMwana gwa Kyala; kangi ukuti bo mwitike, muyege nubumi mungamu yake.

Currently Selected:

Yohani 20: NYY

Highlight

Copy