Imbombo sya batumigwa 6
6
Ukusaligwa kwa bandu bahano na babili
1Lelo mmasiku gago, bo abafundigwa bikongelapo ukubala, kwalipo ukwibunesya nabaGriki kubaHiburi, papo bibwaga
2ukubabombela abakikulu abafwile amasiku gosa. Popapo abakalongo na babili bala balinkukibilikila ikilundilo kya bafundigwa, balinkubabula balinkuti: Kukaya kununu uswe
3ukulileka ilisyu lya Kyala, nukufibombela ifindu. Lilino lelo mwe bamyitu, amusalege mmyinu abandu bahano na babili, aba bafumwike ubununu, aba biswile Mbepo namahala, ukuti
4bo tubabikege pambombo yiyiyi. Loli uswe tukulumililaga
5ulwiputo, nukulibombela ilisyu. Ilisyu lilili lilinkubakyela bosa aba nkilundilo, popapo balinkubasala ba-Stefani, umundu uyu aliswile ulwitiko na Mbepo Mwikemo, na Filipu na Prokori, na Nikanori na Timoni, na Parmena na Nikolai
6umwingisigwa mbuYuda gwa mwʼAntiokia; bo balinkubabika nkyeni mbatumigwa. Lelo bo biputile, balinkubabikapo amaboko.
7Popapo ilisyu lya Kyala lilinkubala, nubwingi bwa bafundigwa bulinkongelapo ukubala fiyo mu-Yerusalemu; kyope ikilundilo ikikulumba ikya baputi kilinkulukonga ulwitiko lula.
Ukunkalalila Stefani
8Umwene Stefani, uyu aliswile ilipyana namaka, yo alinku-
9pela ifiswigu nifika ifikulumba mbandu. Lelo bamo aba mu-Sinagogi, iyi batigi ya babuke, naba mu-Kireni na mu-Aliksandria, naba mu-Kilikia, naba mwʼAsia, balinkusumuka
10pakukanikana na Stefani, loli bakabagile ukutolana namahala
11ga Mbepo ifi ayobelangamo. Popapo balinkubapala abandu ukuti mukatigi: Tumpilike umundu uyu bo ikuyoba amasyu
12aga kunhelula Mose na Kyala; balinkubasambulania abandu, nabakulumba nabamanyakalata, bo balinkummotokela balinku-
13nkola, balinkuntwala nkyeni ndukomano, balinkubimika abaketi ba butungulu aba batigi: Umundu yuyuyu atikuleka ukuyoba amasyu ga kupahelula pabuyo ubwikemo ubu,
14napalulagilo; buno tumpilike bo ikuyoba ikuti: Yesu gwa mu-Nazareti uyu, isakuponangaga pabuyo ubu nukusyandula
15inyiho isi atupele Mose. Lelo bo bandulalile bosa aba bali ndukomano, balinkwaga ikyeni kyake kili bo ikyeni kya gwandumi.
Currently Selected:
Imbombo sya batumigwa 6: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
