Imbombo sya batumigwa 5

Anania na Safira

1Loli umundu yumo uyu ali yo Anania ingamu, pamopene

2nunkasi Safira, balinkulisya ikisu kyabo. Umwene alinkutapulako indalama, yope nunkasi asimenye; popapo ikiyabo kimo alinkukitwala, alinkukibika mmalundi ga batu-

3migwa. Popapo Peteri alinkumbula alinkuti: Anania, fiki Setano iswile mundumbula yako, ukuti unsyobege Mbepo Mwikemo, apa kutapulako indalama sya kisu iki gulisyaga?

4Apa gwali nakyo po kikali kyako? Kangi bo kyulisigwe, kikali mmaka gako? Syo usibikile syaki sisisi mundumbula yako? Ungatigi ubasyobile abandu, himma, loli unsyobile Kyala.

5Umwene Anania bo agapilike amasyu gagaga, alinkugwa pasi, alinkufwa. Popapo ulutende ulukulumba lulinkubaga bosa

6aba bapilikaga. Popapo abalumyana balinkusumuka, balinkunniembetelela mmyenda, balinkusoka nagwe, balinkwakunsyila.

7Lelo bo tukindile utubalilo tutatu, popapo yope unkasi

8alinkwingila kisitakumanya isi syabonike. Popapo Peteri alinkundalusya alinkuti: Mbula linga mo mumo mwalyuli-

9kisye ikisu kyinu? Umwene alinkuti: Ena mo mumo. Popapo Peteri alinkumbula alinkuti: Fiki mwitikene ukungela Mbepo gwa Ntwa? Keta amalundi ga aba bali pakunsyila undumego gali pakifigo, bikuya pakukupimba nanungwe.

10Nakalinga itolo alinkungwila mmalundi, alinkufwa; lelo bo bikwingila abalumyana, balinkwaga afwile. Popapo balinku-

11mpimba balinkwakunsyila pamopene nundume. Popapo ulutende lu lwingi lulinkukyaga ikipanga kyosa, na kuli bosa aba basipilikaga sisisi.

Ifika fya batumigwa

12Ifika mfiswigu fi fingi filinkubombigwa mbandu namaboko ga batumigwa; bosa balinkuya ndumbula yimoyene mwibalasa

13lya Solomoni. Mbandu abangi alinkusita nukuyapo nayumo ugwa kukiba ukongana nabo, loli abandu balinkubimika fiyo.

14Abene aba bamwitikaga uNtwa, ifilundilo ifya banyambala

15nifya bakikulu filinkongelelapo ukukinda; po apa balinkubapimbila ababine mmipulo, balinkubalambalika pafitala na pandato, ukuti bo Peteri ikukinda, nalinga nsyungulu gwake,

16gubagege bamo. Popapo balinkubungana bope nabandu aba ntwaya utu tunsyungutile Yerusalemu; balinkubatwala ababine naba bakubilwaga nimbepo inyali, bosa itolo balinkubumbulusigwa. Peteri na Yohani bikwima nkyeni ndukomano

17Popapo alinkusumuka umputi unkulumba pamopene na bosa aba bali nagwe (aba nkapanga ka baSadukai), kalinkubaga

18akabini, balinkubakola abatumigwa, balinkubigalila nnyumba

19ya bannyololo. Loli ugwandumi gwa Ntwa alinkwigula inyigi sya nyumba ya bannyololo pakilo, alinkubasosya panja,

20alinkubabula alinkuti: Amubukege mukimege nikubabula abandu mwa Tempeli amasyu gosa aga bumi bububu.

21Abene bo bapilike sisisi, balinkubuka mwa Tempeli bo bukukya balinkumanyisya. Popapo alinkwisa umputi unkulumba naba bali nagwe, balinkubilikila ulukomano lwa bakulumba ba banyʼIsraeli, balinkutuma indumi kunyumba ya bannyololo, ukuti batwa-

22ligwege. Abene ababombi bo bayilekufika, balinkusita nukubaga munyumba ya bannyololo, popapo balinkugomoka,

23balinkubabula balinkuti: Inyumba ya bannyololo tuyagile nyigale kanunu itolo, bope mbalindilili bimile pafifigo, loli bo

24twigwileko, tukamwagamo nayumo nkati. Umwene undindilila-Tempeli nabaputi abakulumba bo bapilike amasyu gagaga, balinkwalangana itolo, ukuti syo sikuyaga bulebule sisisi.

25Popapo alinkwisa umundu yumo alinkubapangila alinkuti: Keta, abandu aba mwabigalile nnyumba ya bannyololo,

26bimile mwa Tempeli bkubamanyisya abandu. Popapo undindilili alinkubuka nababombi alinkwakubega, loli komma kumaka, namanga babatilaga abandu ukuti bangisakubatikaga

27namabwe. Lelo bo babatwele, balinkubimika nkyeni nduko-

28mano. Popapo umputi unkulumba alinkubalalusya alinkuti: Tubakanisye fiyo ukuti mungamanyikisyaga mungamu yiyiyi, keta lilino mumwiswisye Yerusalemu nulumanyisyo lwinu,

29mukulonda ukutwala ilopa lya mundu uyu pamyitu. Popapo Peteri nabatumigwa balinkubamula balinkuti: Umundu fikuti

30antilege Kyala ukukinda abandu. Kyala gwa batata alinsyusisye Yesu, uyu umwe mwalingogile, pala muntulikege paki-

31piki; umundu uyu, yo uyu Kyala amwimke nikiboko kyake ikililo, ukuya Ndongosi, kangi Mpoki gwa kwisakubapa

32abanyʼIsraeli ulupinduko, nubuswe bwa nongwa. Lelo nanuswe twipelile ukuya baketi ba nongwa sisisi, pamopene na Mbepo Mwikemo, uyu Kyala abapele aba bikumpilika.

33Lelo bo bapilke sisisi, popapo silinkubalasa munda, balinku-

34londa ukubagoga. Popapo yumo ugwa ndukomano, umFarisai, uyu ali yo Gamalieli ingamu, ummanyisyandagilo uyu bamwimikaga abandu bosa, alinkwima ndukomano, alinkulagila ukuti abandu aba basosigwe panja kukabalilo akanandi,

35alinkubabula alinkuti: Mwe banyambala mwe baIsraeli, syo

36mwandege isi mukuya pakubabombela abandu aba, buno mmasiku aga gakindile, alinkusumuka Toida, alinkwiyoba mwene ukuya yo mundu yumo unkulumba, uyu balinkunkonga abanyambala aba baliti bali ba mia bana (400), umwene yo agogigwe, bosa aba bamwitikaga balinkunyambanika; sili-

37nkwipela ukuya sya itolo. Panyuma pali uyu alinkusumuka Yuda ugwa mu-Galilai, mmasiku ga kubaligwa abandu, alinkubakwaba abandu ikilundilo ukuti bankongege munyuma; yope alinkufwa, kangi bosa aba bamwitikaga balinkunyamba-

38nika. Po apa lilino nikubabula une nikuti: Amubepukilege abandu bababa, mubalekege; buno isi linga binogwine, pamo

39isi bikubomba sifumile mbandu, po sisakufubaga; loli linga sifumile kwa Kyala, po mutisakusitolaga, ukuti mungisakwa-

40gigwa ukuya balwa na Kyala. Abene balinkumwitika. Lelo bo babakolile abatumigwa, balinkubakoma, balinkubakanisya ukuti bangayobelaga mungamu ya Yesu; balinkubalekesya.

41Popapo balinkusokamo ndukomano nulusekelo, papo balyagile

42ukuti kubabagile ukuywelukila pangamu ya Yesu. Bwila itolo balinkusita nukuleka ukumanyisya nukufumusya inongwa mwa Tempeli na nnyumba syabo, inongwa inunu isya Yesu ukuya yo Kristi.

Currently Selected:

Imbombo sya batumigwa 5: NYY

Highlight

Copy