Imbombo sya batumigwa 2

Ukupegwa Mbepo Mwikemo

1Lelo bo lisile ilisiku lya Pentekosti, popapo bosa balinkuya

2pamopene mbuyo bumobwene; nakalinga itolo akogo kalinkufuma kumwanya, kalinkufwana kobela kwa mbelo

3unkulumba; kalinkwisula nnyumba yosa iyi batugelemo. Popapo silinkubabonekela indimi isi siliti sya moto, syo silinkwi-

4tapulania, silinkutugala pali bosa yumo yumo; bosa balinkwisula Mbepo Mwikemo, balinkwanda ukuyobela mundimi isingi itolo, bo mumo Mbepo abapaga ukusiyoba.

5Lelo balimo abaYuda aba batugele mu-Yerusalemu, nabandu aba bantilaga Kyala, bo bafumile nifikolo fyosa kusi

6kumpalanga. Lelo bo akogo aka kapilikigwe, po ifilundilo filinkubungana, filinkwalangana itolo, namanga umundu

7gwesa alinkubapilika bikuyobela ndulimi lwake. Bosa balinkutenguka balinkuswiganika, balinkuti: Keta, bosa aba

8bikuyoba papapa bakaya baGalilai? Syo sili bulebule apa uswe tukupilika uyu injobelo yake, uyu iyake, iyi apapigwe

9nayo? Twe baPariti twe baMedi na twe baElamiti, na twe tuyengile mu-Mesopotamia, mu-Yudai na mu-Kapadokia,

10mu-Ponti na mwʼAsia, mu-Frigia na mu-Pamfilia, mwʼEgipti na mfisu fya Libia ifi fipalamene na Kireni, na twe baRoma twe bahesya, twe baYuda na twe bingisigwa mbuYuda,

11twe baKreti na twe baArabu; tukubapilika bikusiyobela

12mundimi syitu imbombo ingulumba isya Kyala. Bosa balinkutenguka balinkwalangana itolo, balinkulalusania bali-

13nkuti: Kali sikunangisya fiki sisisi? Loli abangi silinkuya sya seko kumyabo, balinkuti: Bagalile ubwalwa bwa mafilu.

Amasyu ga Peteri pa Pentekosti

14Loli Peteri alinkwima nabakalongo na yumo bala, alinkwinula ilisyu lyake, alinkubabula alinkuti: Mwe bandu ba mu-Yudai, na mwesa mwe mukutugala mu-Yerusalemu, syo musimanyege sisisi, kangi amugapilikisyege amasyu gangu;

15buno abandu aba bakagala bo mumo mukwinogonela, na-

16manga lilino kabalilo ka butatu, lubunju itolo. Loli isi syo isi asiyobaga unkunguluka Yoeli apa atigi:

17Bo ikuyoba bunobuno Kyala ikuti:

Mmasiku ga kusulo, nisakubonelelaga Mbepo gwangu abandu bosa,

Po abaninu abalumyana nabalindwana bisakukungulukaga,

Abalumyana binu abatubwa bisakufibonaga ifisetuka;

Bope nabakulumba binu bisakugogwaga injosi;

18Ena, bope abatumwa bangu abanyambala nabakikulu

Nisakubonelelaga Mbepo gwangu mmasiku gago,

Bende mbukunguluka.

19Nisakupelaga ifiswigu kumwanya kumpalanga,

Nifika pasi pakisu,

Ilopa numoto numuyi gwa lyosi.

20Ilisuba lisakugalabukaga ukuya ngisi,

Numwesi ukuya ilopa,

Bo likali ukwisa ilisiku lya Ntwa ilikulumba ilisisya.

21Po gwesa uyu isakuyiyobaga ingamu ya Ntwa, isakupokigwaga.

22Mwe banyambala mwe baIsraeli, amugapilikisyege amasyu aga: Yesu gwa mu-Nazareti, umundu uyu Kyala abakingulile pabwelu nimbombo isya maka, mfiswigu nifika, ifi Kyala afipelelaga mmyake yuyo nkati mmyinu, bo apa musimenye

23na yuyumwe; umundu uyu Kyala alinsosisye bo mumo alinogonile nukumanyila ngani liyolo, yo mwalinkomile pakikohekano nukungoga namaboko ga bandu abilandagilo;

24yo uyu Kyala alinsyusisye bo amwabwile muno igonjaga

25mbufwe, namanga ubufwe bukabagile ukunkola. Buno Davidi ikuyoba ikuti:

Nikumbona uNtwa nkyeni mmyangu bwila,

Namanga ali kukiboko kyangu ikililo,

Ukuti nangayunganikaga.

26Fyobene indumbula yangu yilinkwikyela,

Nululimi lwangu lulinkululutila,

Kangi umbili gwangu gukuyaga ndusubilo;

27Namanga umoyo gwangu utikugulekaga mbusyuka,

Kangi utikwitika ukuti uMwikemo gwako alubonege ulonangiko.

28Unangisye injila sya bumi,

Kunyisusyaga ulusekelo nikyeni kyako.

29Mwe banyambala mwe bamyitu umwe, mbagile ukubabula pabwelu itolo isya mwisukulu gwitu Davidi, ukuti afwile nukusyiligwa, kangi ilipumba lyake tuli nalyo ukufika kulilino

30kuno. Lelo papo umwene ali nkunguluka, kangi amenye ukuti Kyala alinjigile uluyigo, ukuti yimo imbeyu ya munsana

31mmyake yisakutugalaga pakikota kyake ikya butwa, umwene alinkusibonela ngani, nukusiyoba isya kusyuka kwake Kristi, ukuti akalekigwe mbusyuka, nukuti umbili gwake gukalubwene

32ulonangiko. Yesu yuyuyu, yo uyu Kyala alinsyusisye, syo isi

33twesa tuli baketi. Lilino lelo apa imikigwe afyusigwe kukiboko ikililo ikya Kyala, apa ambilile kuGwise ulufingo lwa Mbepo Mwikemo, popapo onile isi mukusibona nukusipilika.

34Buno Davidi akafyukako kumwanya, loli umwene ikuyoba ikuti:

UNtwa ayobile kuNtwa gwangu atile: Itugasya kukiboko kyangu ikililo;

35Ukafikege apa nikubabikaga abalugu bako kusi kumalundi gako.

36Lelo fikuti inyumba yosa ya Israeli bamanyege kisita kwilamwa, ukuti Kyala ampelile Yesu, uyu mwankomelaga pakikohekano ukuya Ntwa, kangi ukuya yo Kristi.

37Lelo bo bapilike sisisi, popapo silinkubalasa mundumbula, balinkumbula Peteri nabatumigwa abangi balinkuti: Mwe

38bamyitu, po tubombege fiki? Popapo Peteri alinkubabula alinkuti: Amupindukege, mosigwege mwesa mungamu ya Yesu Kristi, ukuti mubwage ubuswe bwa mbibi syinu, po

39mwisakwambililaga ikikungilwa kya Mbepo Mwikemo. Buno ulufingo ulu lwinu, nabaninu, kangi lwa bosa naba kubutali,

40bosa aba ikubabilikila uNtwa Kyala gwitu. Alinkubasisimikisya namasyu agangi ga mingi, alinkubasoka alinkuti: Amwi-

41pokege kungulilo iniongafu iyi. Lelo aba balyambilile ilisyu lyake, bo balinkosigwa; pisiku lilyo balinkongelapo abandu

42aba baliti bali baelifu batatu (3,000). Balinkulumilila ulumanyisyo nubulilanisi bwa batumigwa, nkumenyania ikisyesye, na munyiputo.

Ubulilanisi bwa baKristi aba kwanda

43Popapo bosa lulinkubaga ulutende; kangi ifiswigu nifika

44fi fingi filinkupeligwa nabatumigwa. Bosa aba balitike bali-

45nkuya pamopene, fyosa balinkulilanila; balinkulisya ifisu fyabo nifyuma fyabo, balinkubayabania bosa, bo mumo

46umundu gwesa agililwaga. Bwila balinkumilisya ukuya pamopene mwa Tempeli, balinkumenyania ikisyesye nnyumba nnyumba, balinkulya ifindu nulusekelo nindumbula isanga-

47lufu, balinkuntufya Kyala, balinkuya bakundwe kubandu bosa. Umwene uNtwa bwila itolo alinkongelapo ukubingisya nkipanga aba bapokigwaga.

Currently Selected:

Imbombo sya batumigwa 2: NYY

Highlight

Copy