Imbombo sya batumigwa 1
1
Amasyu ga bwandilo
1Mwa kalata gwa kwanda, gwe Teofili, mo nakusimbilemo syosa isi Yesu alyandile ukubomba nukumanyisya,
2ukufika pisiku ili afyusigwaga kumwanya, bo abalagilile
3mwa Mbepo Mwikemo abatumigwa aba abasalile; kuli aba inangisyangako umumi itolo nifimanyilo fya kummanyilamo fi fingi, bo afumile pakukubilwa, apa abasetukilaga amasiku amalongo mana (40), nukubabula isya butwa bwa Kyala.
4Lelo bo ali pamopene nabo, alinkubalagila alinkuti: Mungasokangamo mu-Yerusalemu, loli mulugulilege ulufingo lwa
5Tata, ulu mwalupilike kumyangu; buno Yohani osyaga namisi, loli umwe mwisakosigwaga mwa Mbepo Mwikemo, bo gakakindapo amasiku mingi.
Yesu ikufyuka kumwanya
(Mar. 16,19-20; Luk. 24,50-53)
6Abene lelo bo babungene, balinkundalusya balinkuti: Gwe Ntwa, pakabalilo kako po kwisakungomolelaga Israeli ubutwa
7bwake? Umwene alinkubamula alinkuti: Sikaya syinu ukukimanya ikyinja nakabalilo aka Tata apimile mmaka gake
8mwene. Loli mwisakwambililaga amaka bo Mbepo Mwikemo abisile, po mwisakuyaga baketi bangu mu-Yerusalemu na mosa mu-Yudai, na mu-Samaria, ukufika kuno kimalikile
9ikisu. Umwene bo ayobile sisisi, alinkufyusigwa bo bikuketa,
10ilibingu lilinkunsosyako kumaso gabo. Lelo bo bandusamile bo ikubuka kumwanya, popapo balinkunyomoka abandu babili
11bimile papo, bafwele imyenda imyelu, bikuti: Mwe bandu ba mu-Galilai, mwimile fiki nukuketa kumwanya? Yesu yuyuyu, uyu afyusigwe kumwanya ukufuma kumyinu, isakwisaga bo mumo mumbonile ukubuka kumwanya.
Ukusaligwa kwa ntumigwa gwa kalongo na bubili
12Popapo balinkugomoka ukubuka mu-Yerusalemu, ukufuma pakyamba iki batigi kya misyunguti, iki kili pabupipi na
13Yerusalemu, pantambo gwa njila ya pa-Sabati. Lelo bo bingile, popapo balinkufyuka kunyumba ya kwiyulu, kuno batusyaga ba-Peteri na Yohani, Yakobu na Andrea, Filipu na Tomasi, Bartolomai na Matai, Yakobu unnya Alfai na Simoni
14unZiloti, na Yuda unnya Yakobu. Bosa bababa balinkumilisya ukwiputa nindumbula yimoyene, pamopene nabakikulu, na Maria unna gwa Yesu, nabamyabo ba Yesu.
15Mmasiku gago, Peteri alinkwima pakati pabanine; (ikilundilo kyaliti kyali pabandu imia yimo namalongo mabili (120),)
16alinkubabula alinkuti: Mwe binangu, syabagile ukuti isi sisimbigwe sisege, isi Mbepo Mwikemo asiyobile ngani nkanwa mwa Davidi, isya Yuda uyu abalongolile aba banko-
17laga Yesu; namanga yope abaliligwe lumo nanuswe, ayabi-
18ligwe ikiyabo kyake mumbombo iyi. (Loli umundu yuyuyu alyulile ikisu nifihombigwa fya buniongafu, alinkugwila bukupama, alinkupufuka pakati, ubula bwake bosa bulinkoneka.
19Sisisi silinkwenda nukufumuka kuli bosa aba bali mu-Yerusalemu, fyobene ikisu kila kilinkupegwa iya Hakeldama munjo-
20belo yabo; ko kuti kisu kya ilopa). Namanga sisimbigwe mwa kalata gwa nyimbo sya Israeli ukuti:
Akaya kake kipelege ukuya kisame,
Kangi nayumo angayengangamo mumo;
nilya kuti:
Yope nimbombo yake fikuti apyanilengepo uyungi.
21Lelo mbandu aba bendaga nanuswe akabalilo kosa aka uNtwa
22Yesu ingilaga nukusoka mmyitu, ukwanda palosyo lwa Yohani, ukwisakufika pisiku fila afyusigwege kumwanya ukufuma kumyitu, fikuti yumo mmyabo ayege nketi gwa
23kusyuka kwake pamopene nanuswe. Popapo balinkubabika babili, Yosefu uyu batigi yo Barsaba, uyu imbegwa ali yo
24Yusti, na Matia. Popapo balinkwiputa balinkuti: Gwe Ntwa, gwe mmanyandumbula sya bosa, utunangisyege uyu
25unsalile muli aba babili, ugwa kupyanilapo pabubombeli ubu, na pabutumigwa ubu abulekile Yuda, apa abukaga pabuyo
26bwake yuyo. Popapo balinkubabikila ubulagusi, ubwene ubulagusi bulinkunkola Matia; popapo alinkubaliligwa lumo nabatumigwa kalongo na yumo.
Currently Selected:
Imbombo sya batumigwa 1: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
