Imbombo sya batumigwa 18

Mu-Korinti

1Panyuma pali sisisi, po Pauli alinkusokamo mwʼAteni,

2alinkubuka mu-Korinti. Mo alinkumwaga unjuda yumo uyu ali yo Akwila ingamu, uyu apapiligwe mu-Ponti; yo afikaga itolo ukufuma mwʼItali pamopone nunkasi gwake Prisila, papo Klaudi alagile ukuti abaYuda bosa basokemo

3mu-Roma. Umwene Pauli alinkufika kumyabo, lelo papo bali ba mbombo yimoyene, alinkugona pamyabo, balinkubomba pamopene; namanga imbombo yabo bali basonahema.

4Bwila pa-Sabati alinkukanikana nabo mu-Sinagogi, alinkugela ukubatobesya abaYuda nabaGriki.

5Lelo bo Sila na Timoti basulwike ukufuma mMakedonia, popapo Pauli alinkwikolania fiyo nukulumbilila; alinkubasisi-

6mikisya abaYuda ukuti Yesu yo yu Kristi. Lelo bo bikupinga nukunhelula, popapo alinkukungʼunda imyenda gyake alinkubabula alinkuti: Ililopa lyinu liyege pamitu gyinu, une ndi

7mwelu itolo, ukwanda lilino nikulabilaga kubapanja. Popapo alinkusokapo papo, alinkwingila nnyumba ya mundu yumo uyu ali yo Titi Yusti, uyu antilaga Kyala, uyu inyumba yake

8yapalamene niSinagogi. Loli Krispi, unkulumba gwa Sinagogi, alinkumwitika uNtwa ninyumba yake yosa; bope naba-

9Korinti ba bingi bo bapilike, balinkwitika nukosigwa. Popapo uNtwa alinkumbula Pauli nkisetuka pakilo alinkuti: Unga-

10tilaga, loli yobaga itolo ungabatamaga; namanga une ndi nanungwe, nayumo atisakulwaga nanungwe nukukufulasya,

11buno ndi nabo abandu ba bingi nkaya muno. Umwene alinkugona mumo ikyinja kimo nimyesi ntandatu, alinkumanyisya ilisyu lya Kyala mmyabo.

Galio na Pauli

12Umwene Galio bo akolile ubulindilili bwa mwʼAkaya, popapo abaYuda balinkumotokela Pauli, balinkuntwala pabu-

13longelo, balinkuti: Umundu uyu ikubasonga abandu ukuti

14biputege kwa Kyala ukukindana nululagilo. Umwene Pauli bo ikuti ninule imilomo gyake, popapo Galio alinkubabula abaYuda alinkuti: Mwe baYuda umwe, linga umundu uyu abombile imbibi simo ingulumba, pamo ubukomu bumo

15ububibi, po nabagile ukupilikisya inongwa yinu. Loli papo nagile lukani itolo ulwa masyu, ningamu, nululagilo lwinu, po amusiketege yuyumwe; une ngigana ukuya gwa kusilonga

16-17sisisi. Popapo alinkubakagapo pabulongelo. Popapo bosa balinkunkola Sosteni, unkulumba gwa Sinagogi, balinkunkomela pa pabulongelo, umwene Galio alinkusita nukusibikilako umoyo sisisi.

Pauli ikugomokela ku-Siria

18Panyuma pali sisisi, Pauli alinkugonapo amasiku mingi, lelo popapo alinkulagana nabamyabo. Alinkuloboka ukubuka mu-Siria, balinkubuka nagwe ba-Prisila na Akwila. Mu-Kenkrea mo alinkumwa inywili syake, namanga syali sya

19luyiganiko. Balinkufika mwʼEfesi, mo alinkubaleka abanine; umwene loli alinkwingila mu-Sinagogi, alinkukanikana naba-

20Yuda. Abene bo bansumile ukuti agonepo akabalilo akatali,

21alinkukana; loli bo ikulagana nabo alinkuti: Ngwakwisaga kangi kumyinu linga Kyala itike. Popapo alinkwipaka

22mungalaba ukufuma mwʼEfesi, alinkubuka. Lelo bo afikile mu-Kaisaria, alinkufyuka, alinkwakukiponia ikipanga; popapo

23alinkusuluka ukubuka mwʼAntiokia. Lelo bo agonilepo, alinkusumuka ukubuka, alinkwakupulungania nkisu kya Galati na Frigia muno fikonganile, alinkubakasya abafundigwa bosa.

Apolo mwʼEfesi

24Lelo popapo alinkwisa mwʼEfesi unjuda yumo uyu ali yo Apolo, uyu apapiligwe mwʼAliksandria, umwengo itolo

25ukuyoba inongwa, kangi uyu abamenye fiyo bakalata. Yo amanyisigwe injila ya Ntwa; kangi papo mbepo ampyaga fiyo munda, alinkugolosya itolo ukuyoba nukumanyisya isya

26Yesu; napapo alumenye lwene lu losyo lwa Yohani. Popapo alinkwanda ukusiyoba itolo nubukifu mu-Sinagogi. Lelo bo Prisila na Akwila bampilike balinkumwega, balinkukindapo

27ukugolosya ukundingania injila ya Kyala. Lelo bo ikulonda ukuloboka ukubuka mwʼAkaya, popapo abamyabo balinkunkasya, balinkubasimbila kalata abafundigwa ukuti bamwambililege. Lelo bo afikile, alinkubatula fiyo aba balipelile

28ukuya bitiki mu mwipyana. Namanga umwene abatobesyaga fiyo abaYuda pabwelu itolo, alinkubanangisya ukufuma mwa bakalata ukuti Yesu yo Kristi.

Currently Selected:

Imbombo sya batumigwa 18: NYY

Highlight

Copy