Imbombo sya batumigwa 17

Mu-Tesalonike

1Popapo balinkukisania mwʼAmfipoli, na mwʼApolonia, balinkwakufika mu-Tesalonike, muno yalimo iSinagogi

2ya baYuda. Umwene Pauli alinkwingila muno balimo, bo mumo abombelaga bwila; alinkukanikana nabo isya mwa

3kalata baSabati batatu. Alinkubigulila nukubanangisya isya kuti: Kristi fikuti akubilwege nukusyuka mbafwe; nukuti: Yesu yuyuyu, uyu nikubafumukisya umwe, yo yu Kristi.

4Popapo bamo silinkubakola, balinkuya pamopene na Pauli na Sila, nabaGriki aba bantilaga Kyala ba bingi fiyo, nabakikulu

5abalongosi ba bingi. Loli abaYuda kalinkubaga akabini, balinkubega bamo abandu aba mwalo itolo aba musokoni, balinkubabungania ukuya Ifilundilo, balinkukasambulania akaya, balinkuyisiganila inyumba ya Yasoni, balinkulonda

6ukubatwala nkyeni mbandu. Lelo bo bakabaga, popapo balinkunkwaba Yasoni nabamyabo bamo, balinkubatwala nkyeni nabakulumba ba kaya, balinkukolela balinkuti: Abandu

7aba bakisambulenie ikisu kyosa, bisile kope na kuno, bo aba Yasoni abambilile; bosa bababa bikubomba isi sikindene nindagilo sya Kaisari, bikuti aliko untwa uyungi, uyu bikuti

8yo Yesu. Popapo abandu bosa pamopene nabakulumba ba

9nkaya, bo bapilike sisisi, balinkunyomoka fiyo. Abene bo begile ifya nkole#ifya nkole: bamo bikuti ifya kukolela. ukufuma kwa Yasoni nabanine, popapo balinkubalekesya.

Mu-Beroya na mwʼAteni

10Popapo nakalinga itolo abamyabo balinkubasumusya ba-Pauli na Sila pakilo ukubuka mu-Beroya, abene bo bafikile

11balinkukisania mu-Sinagogi ya baYuda. Abene bababa loli bali namahala ukubakinda aba mu-Tesalonike; namanga balyambililaga ilisyu nimdumbula yosa, balinkubenesya baka-

12lata bwila itolo, ukuti basimanye linga bo sili. Lelo ba bingi balinkwitika, nabakikulu abaGriki abimikigwa, nabanyambala

13ba bingi. Loli abaYuda aba mu-Tesalonike, bo bapilike ukuti Pauli ikulumbilila ilisyu lya Kyala na mu-Beroya, popapo mope balinkubuka, balinkwakubonanga inyinogono nukufisambu-

14lania ifilundilo. Popapo abamyabo balinkunsumusya Pauli nakalinga ukubuka kunyanja; loli Sila na Timoti balinkusyala

15mumo. Abene aba bansindikilaga Pauli balinkwakumbika mwʼAteni; bo bambilile isya kubalagilila ba-Sila na Timoti ukuti bankongege nakalinga, popapo balinkugomoka.

16Umwene Pauli bo ikubagulila mwʼAteni, umoyo gwake

17gulinkukalala fiyo bo agile akaya kiswile nififwani. Popapo alinkukanikana mbaYuda nabatila Kyala mu-Sinagogi, naba

18aganilaga nabo bwila musokoni. Popapo balinkwaganila nagwe bope abaganamahala abaEpikuri nabaStoiki, bamo balinkuti: Ikulonda ukuyoba sya fiki undweti uyu? Abangi balinkuti: Aliti mfumusya bakyala abahesya. — Namanga

19alumbililaga isya Yesu nisya kusyuka. Popapo balinkumwega, balinkubuka nagwe pa Areopagi balinkuti: Kali ubagile ukutulingania ulumanyisyo ulupya ulu kulufumusya?

20Buno hesya itolo isi utwele mumbulukutu syitu; fyobene

21tukulonda ukusimanya muno siyilile. Namanga bosa abʼAteni nabahesya aba hayaga mumo, bakalondaga nasimo isingi isya kwiyangakisya, loli syene isya kuyoba nukupilikisya isya tundu utupya.

Amasyu ga Pauli pa Areopagi

22Popapo Pauli alinkwima pakati pa Areopagi alinkuti: Mwe bandu ba Ateni, muli syosa isi ngetile, nagile ukuti mukindilile

23ukubatila bakyala; papo bo ngusyungutila nukufiketa ifi mukwiputako, nkyagile kyope nikigemo iki sisimbigwepo isya kuti: KWA KYALA UNSITA KUMANYIGWA. Lelo uyu mukwiputako kisita kummanya, yo uyu nikubafumukisya.

24Kyala uyu apelile ikisu na ifi filimo mumo, namanga umwene papo yo Ntwa kumwanya na pasi, atikugonamo mwa batempeli

25abayengigwa namaboko; kangi atikubombeligwa namaboko ga bandu, ukuti afwanege agilwe fimo; buno umwene yo uyu

26ikubapa ubumi bosa, numuyi, na fyosa itolo. Umwene ifikolo fyosa fya bandu afipelile ukufuma mmundu yumoywene, ukuti fiyengege posa pamwanya pakisu, alinkubabikila ngani

27utubalilo twabo, nimipaka gya buyengo bwabo, ukuti bandondege Kyala, nukuti pamo bapusanikege nukumwaga, napapo

28umwene akaya pabutali pali yumoyumo mmyitu. Namanga mu mmyake yuyo tuli bumi, tukwenda, kangi tuliko; bo apa bope abagulanyimbo binu bamo bayobile batile: Buno nanuswe tuli ba luyungu lwake.

29Lelo papo nanuswe tuli ba luyungu lwa Kyala, tunginogonaga ukuti ubwa Kyala bufwene na sahabu pamo na fesa,#sahabu na fesa, bamo bikuti gold na silva. pamo nibwe, ifi fisongoligwe nubumaganyi pamo ninyinogono sya

30bandu. Utwene utubalilo twa busitakumanya, to Kyala atulekile itolo, loli lilino ikubalagila abandu bosa, mosamosa

31ukuti bapindukege, papo alyimikile ngani ilisiku ilya kwisakukilongelapo ikisu mbugolofu, mmundu uyu alimwimikile ngani. Sisisi syo asisisimikisye kubandu bosa apa ansyusyaga mbafwe.

32Abene lelo bo bapilike isya kusyuka mbafwe, bamo balinkumobela, loli abangi balinkuti: Syo twisakukupilikisyaga

33kangi pabungi sisisi. Popapo Pauli alinkusokamo nkilundilo

34kyabo, alinkubuka. Loli abandu bamo balinkuya pamopene nagwe, balinkwitika; muli babo alimo yope Dionisi ugwʼAreopagi, nunkikulu uyu ali yo Damari ingamu, nabangi aba bali nabo.

Currently Selected:

Imbombo sya batumigwa 17: NYY

Highlight

Copy