1 BaKorinti 4
4
Imbombo syabo abatumigwa nkyeni mwa Kyala
1Umundu gwesa atumanyege ukuya twe babombi ba Kristi, kangi ukuya twe balindilila-sya-kubutitu sya Kyala.
2Bunobuno lelo isi sikulondigwa mbalindilili, syo sya kuti
3umundu abonekege ukuya nsubiligwa. Une loli ndikubikilako umoyo napanandi, nalinga nikulongigwa nanumwe, nalinga nikulongigwa nubulongi bwa pakisu, himma, na
4yuyune ndikwilonga nimwene. Namanga ngibonamo simo une, loli syope sitikumba ubugolofu sisisi, loli uyu ikundonga
5une yo yu Ntwa. Bo bunobuno lelo mungalongelaga ngani bo pakali, tasi isege uNtwa; yo uyu isakusibikaga mbwelu isi sibilile mungisi, isakusitupusyaga ninyinogono sya mundumbula; po umundu gwesa isakwambililaga ulwimiko lwake kwa Kyala.
6Lelo mwe bamyitu, nsilabisye sisisi kumyangu na kwa Apolo panongwa syinu, ko kuti mmyitu mo mumanyililemo ukuti mungasikindaga isi sisimbigwe, ko kuti angayangako nayumo ugwa kwitukifya muli yumo, bo ikukindana nuyungi.
7Namanga ywani akupelile ugwe ukuya pasima? Uli nafyo fiki ifi ukambilila? Loli linga gwambilile, po kwitufya fiki
8kufwana ukalyambilile? Mwikutile ngani, mukabile ngani; mwipelile ukuya batwa bo uswe tupondilwe. Kwali kununu linga mwalipelile batwa, ko kuti nanuswe twipelege batwa
9pamopene nanumwe. Namanga nikwinogona ukuti Kyala atwimike uswe twe batumigwa ukuya ba kusulo, tuliti tuli bandu ba kufwa itolo. Buno twipelile ukuya kasumo ka
10kukisekesya ikisu nabandumi, nabandu. Uswe tuli bakonyofu itolo panongwa ya Kristi, loli umwe muli namahala itolo mwa Kristi; uswe tuli bonywa, loli umwe muli ba maka;
11umwe muli bimikigwa, loli uswe tuli basyokeligwa. Ukwisakufika na kulilino kuno, tuli ninjala kangi tumilwe, kangi tukaya nifya kufwala, tukubulikigwa nifibuli, kangi tukaya
12napabuyo napamo; tukwiyula nikubomba imbombo namaboko gitu; apa tukutukigwa po tukusaya, apa tukufwimigwa
13po tukufisa ilyoyo, apa tukuheluligwa, po tukutengulila; twipelile ukuya mindu itolo gya nkisu, kangi twipelile kiko kya tundu tosa ukwisakufika na kulilino kuno.
Ukusoka nukumanyisya kwa bapapi
14Apa nikubasimbila sisisi ndikuti mbasusyege, himma, loli
15nikubasoka bo abana abaganigwa. Buno napa linga mwayaga nabamanyisi baelifu kalongo (10,000) mwa Kristi, pope mukaya nabisemwe bingi; namanga yo une mbapapile mwa
16Yesu Kristi munjila ya Ibangeli. Nikubapyelesya lelo ukuti
17mukongege munyiho syangu. Fyobene nabatumile Timoti kumyinu, uyu yo mwanangu unganigwa kangi unsubiligwa muNtwa; yo isakubakumbusyaga injila syangu isi nendelaga mwa Kristi, bo mumo nikumanyikisya mosamosa mfipanga
18fyosa. Baliko bamo aba bikwitufya, bikufwana bikuti
19ndikwisako kumyinu; loli nisakwisa kumyinu mbibimbibi linga uNtwa itike; po nisakubamanyaga aba bikwitufya,
20gomma amasyu gabo, loli amaka gabo. Namanga ubutwa
21bwa Kyala bukaya mmasyu, loli buli mmaka. Bule mukulonda fiki? Kali nisege kumyinu ningili, pamo nisilege ndugano na mwa mbepo untengamoyo?
Currently Selected:
1 BaKorinti 4: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
