1 BaKorinti 3
3
Ukutapukana kukukemeligwa
1Nanine mwe bamyitu, ngabagile ukuyoba nanumwe bo abandu aba bali mwa Mbepo, loli ndinkuyoba nanumwe
2bo abandu aba mbili, bo ba bafyele mwa Kristi. Ndinkubanwesya ulukama, fyomma ifindu ifikafu; buno mukabagile
3ukufyambilila; na lilino pope mukabagila, buno na lilino mukali muli ba mbili. Namanga linga mmyinu mukali muli nakabini kangi mukulwa, kali lelo bo mukaya ba mbili
4aba bikwendela ulwa bundu? Buno linga yumo ikuti ndi gwa Pauli, uyungi ikuti ndi gwa Apolo, po lelo mukaya bandu
5itolo? Umwene Apolo mfiki? Yope Pauli mfiki? Nikuti babombi itolo, muli aba mwalwagilemo ulwitiko; yumoyumo
6bo mumo uNtwa anjabile. Une nabyele, Apolo alinkonelela,
7umwene loli Kyala yo alinkumesya. Fyobene umbyali na yu
8monelelamisi ba itolo, loli Kyala yo uyu ikumesya. Popapo lelo uyu ikubyala na uyu ikonelela bali yumoywene, loli yumoyumo isakwambililaga ifihombigwa ukufwana nimbombo
9yake. Namanga uswe tuli babombanisi na Kyala; umwe mwe ngunda gwa Kyala, mwe buyenge bwa Kyala.
Imbombo syabo abamanyisi
10Ukufwana nipyana lya Kyala ili mbegigwe, nalisye ulwalo bo unjengi unkulumba ugwa mahala, uyungi ikuyengapo pamwanya; loli umundu gwesa aketege bununu muno
11ikuyengela. Namanga nayumo akabagila ukwalisyapo ulwalo ulungi mumbali muli ulu lwalyalikisigwe ngani, ulu yo yu
12Yesu Kristi. Loli linga yumo ikuyenga palwalo lululu, nalinga sahabu,#sahabu, bamo bikuti gold. nalinga fesa,#fesa, bamo bikuti silva. nalinga mabwe amapala,
13nalinga mipiki, nalinga lisu, nalinga ndete, umundu gwesa imbombo yake yisakubonekaga itolo pabwelu; namanga ilisiku fila lisakuyibonesyaga pabwelu; buno yisakukinguligwaga mu mmoto, gu moto go gwisakuyigelaga imbombo ya
14mundu gwesa ukuti yili bulebule. Uyu linga imbombo yake iyi ayengilepo pamwanya yiponile, yo isakwambililaga ifiho-
15mbigwa. Uyu linga imbombo yake yipile, yo isakupondwaga; umwene loli yo isakuponaga, loli isakufwanaga endilemo mmoto.
16Umwe mukamanya ukuti muli Tempeli gwa Kyala, nukuti
17Mbepo gwa Kyala atugele mmyinu? Uyu linga ikonanga
Tempeli gwa Kyala, yo Kyala isakumonangaga; namanga
Tempeli gwa Kyala yo mwikemo, uyu yo yuyumwe.
18Nayumo angisyobaga mwene. Linga yumo mmyinu ikwiyinogona ukuya gwa mahala nkisu iki, yo aliipelaga
19nkonyofu itolo, ukuti ayege gwa mahala. Namanga amahala ga nkisu kikiki bukonyofu itolo kwa Kyala. Buno lisimbigwe
20ili likuti: Aba mahala ikubakolela mbukomu bwabo; kangi nili likuti: UNtwa asimenye inyinogono sya ba mahala ukuya
21sya itolo. Popapo lelo nayumo angitukifyaga mbandu.
22Namanga fyosa fyinu; nalinga yo Pauli pamo Apolo, pamo Kefa, pamo ikisu, pamo ubumi pamo ubufwe, pamo ifi filiko lilino, pamo ifi fikwisaga; fyosa itolo fyinu yuyumwe;
23umwe loli muli ba yu Kristi, yope Kristi gwa yu Kyala.
Currently Selected:
1 BaKorinti 3: NYY
Highlight
Share
Copy
Want to have your highlights saved across all your devices? Sign up or sign in
Nyakyusa Ngonde New Testament (Ulwitikano Ulupya) © United Bible Societies, 1966.
