Luk 8

1Penūri imo iyi yemnavan ra sĭti sū, ĭm nimote sū, mementorenūwisah memanūasūmperi nam navosavos ugi lō isen Nōbū; movun Twelv dal iyi; 2movasiven mori iyi yemumkororīgives marugi ōv naviatindi, mōv netūrumurō, Mēri, nalĭg isen, Makdalene, ōv naviatindi seven dūmūve pelah marugi, ĭm Yōana, 3retepon isen Kūsa, sī nivūo isen Herod, ĭm Sūsana, ĭm sikat mōmū, mori dūmūtorugat iran ugi ovun se isenda. 4Mōv numpūn lō dūmorūnevelum pugi marugi ovun sĭti, im pol sugkū semsimak tamas iyi yemenūwi sī parabel, memokū,

5Sī neteme yive woraseviugi novsen isen, ĭm pol sugkū iyi yemnaseviugi, nugkon dūmol ra telugon selat, dūmavanwi, movun menok ūnēĭ dūmūsumupmūvugi.

6Im nugkon dūmol ra vetūnam, mūtepū, mūmetū, popowo tawi dumpon.

7Im nugkon dūmol ra ōv nemrataū, mōv nemrataū dūteli mūtenĭsevi.

8Im nugkon dūmol ra nemap aremi, mūmūtepū, mōmūvūo wun hunder, ĭm potnin siteven. Iyi yemenūwi imosū memtorenūwisah, memokū, Iyi sī im telugon isen wororigi, aremi iyi umandĭgi.

9Movun nūrie isen dūmūtagkeli iyi, mūmōkū, Sie imo parabel? 10Miyi yemenūwi, memokū, Umampugkūm worokili ovun netiumpunwara ra lō isen Nōbū; kō, punora mōmū, ra ovun parabel; ma sugkū irora mori umagesi, ūtūonelavenūri; mirora mori ūinandĭgi, wamgīugi.

11Parabel imo; novsen, nam isen Nōbū; mirora ra telugon selat; oveteme mori ūmandĭgi; 12penūri, Diabolo umampelum, mumpĭpelah nam marugi nowanda, memagkū nagkū ontavnirigi wamkorēōwara.

13Mirora ra vetūnam; oveteme mori pol sūgkū ūmandĭgi, umampi nam ugi navos; ĭm tawi noatnin isenda, umuntavnirigi lap, ĭm pol sugkū nevīesesat ugi, irora wawisep.

14Im imo mori dūmol ra ōvun nĭmrataū; irōra morī dūmūrĭgi mūmūve, mūmalekĭgi ōv netevotarū, nōete, ĭm navos ra nemap, mirora ōv numperumti.

15Im imo ra nemap aremi; irora mori gi nōwanda ĭtne, sog ĭm aremi, dūmūrĭgi nam, mūmnafĭnte, mōmampūo, mūmnatekisah.

16Tawi sī umentūgon lamp mūmeseni gi nūrah, kū umantipe ra netnīn nevlok; iyi umantipe ra woretipe ma irora mori ūmampelum ūnisog wagesi nilara. 17Siemesū umantiumpeni, wamsok; ĭm siemesū ūmeseni, wagesi, magkili ugi. 18Kĭmi, ūfĭnte nokowo kūmandigi; ĭt iyi sī umantipe isen, ampugi mōmū; miyi sī otōmantipe isen, ampi parugi imo iyi umagkū isen.

19Im dineme isen, ĭm ravensieme dūmūvelum pugi, mirora tawi faneteme worumpotipot iyi, popowo agi tentūrū. 20Im sī yemenūwi pugi memokū, Dinum, ĭm rapmisīeme ūmantūrū ilat mūmnakiugi magesok. 21Miyi yemtamsi memenūwi punora, memokū, Name, ĭm ravūgsīeme! irora mori ūmandĭgi nam isen Nōbū, mūmnumpi.

22Im sī dan iyi yemesuki bōt dal ovun nūrie isen; miyi yemenūwi punora, memokū, Kos kalentavugones ran tok, mirora dūmūve. 23Im polekū dūmavan iyi yemselah mōmalēpo? ĭm nemetagi yemyep ran tok memeti sempesempe memselug sugkū worumkon. 24Mirora dūmūvelum pugi, mūmōyugi, mūmūnūwi, mūmokū, Novsūromon, Novsūromon, ka kelamas. Miyi itūok mevriuri nemetagi, ĭm sempesempe memeti nemorinū. 25Miyi yemtagkelora memokū, Ia tavniri soremi? Mirora dūmūmtetugi, mūmavlugi, mūmūsepen-enūwi punora, mūmōkū, Mē imo mori, ĭt iyi umnempasiwugi nemetagi ĭm nūsū, mirora umasendiuki nam isen?

26Mirora dūmūvelum ra nūrū isenda oveteme Kadara, mori mampiete Kalĭli. 27Im pol sugkū iyi yemiyevisah ikeri, sī neteme yevtet iran mori yemne ra sĭti, mōv naviatindi dūmūve iran ĭtetūī, miyi yetūeviugi némas metūtendōwi ra nimo, kō ra ovun velitenemi. 28Miyi yemokesi Iesū memasorasah, memumol ūnĭpmi isen, memenūwi gi naviansah, memokū, Iesū, Netni isen Nōbū Tantevakepe, kemagkū sie ugi yaū? Ya umnesenug kĭk, etūolaswoni irag. 29Popowo Iesū yemnasiwugi naviatindi, memokū ampelum ilat marugi neteme. It nempugon sikat yemorūleki iyi: Dūiti gi tōri ra nevat, mōmūitakateri, miyi yemokĭntevi ovun worĭt, ĭm naviatindi yemtelesi ra nūrū wokon. 30Im Iesū yemtagkeli iyi, memokū, Mē nin kĭk? Miyi yemenūwi, memokū, Lĭdion; popowo ōv naviatindi sikat dūmūve iran. 31Mirora dūmūsenĭgi, mūmōkū iyi otūontamūlora ra netekonlas.

32Mōv numpekasi sikat dūmūtam tah yūi ra numpūo; mirora dūmūsenĭgi, mūmōkū iyi otenĭmpe irora mampe ūnisog irora; miyi yemtenĭmpe irora. 33Mōv naviatindi dūmūvelum ilat marugi neteme mori, mūmūve iranda ōv numpekasi; ĭm semsimak dūmalō itnum ūntōvat ran tok mūpulet.

34Im pol sugkū ovun nefĭnte isenda ōv numpekasi dūmōkesi imosū mori yemumpi, irora dūmalō, mūtampĭgisū punora ra sĭti mōv nete nūrū. 35Mirora dūmūvelah worokesi mori yemumpi, mūmūvelum pugi Iesū, mūmōkesi neteme mori ōv naviatindi dūmūvelum ilat marugi, yemetesep mevlugi nemas, memtarūves, ra noan isen Iesū; mirora dūmtetugi. 36Mōveteme mori dūpmokesi, dūmūnūwi punora mūmōkū nokowo yeviēōwara neteme nemlū. 37Mōv netevokontūsū ra nūrūsū nagkaūugi, isenda oveteme Kadara dūmūsenĭgi iyi, mūmōkū awi irora; popowo irora dūmtetugi tamas. Miyi yōmesuki bōt memtorīleki.

38Miyi neteme mori ōv naviatindi dūmūvelum ilat marugi yemesenigi, memokū antendōwi nandū iyi; kō, Iesū yemtamūli, memenūwi, memokū, 39Kōmampe ra nimo sorum, ĭm sesi siame tamas Nōbū umpi iram. Miyi yive memtorenūwi ra sĭti omwisū, memokū ugi siame tamas Iesū yemumpi nisekon.

40Im pol sugkū Iesū yemtorĭleki, ōv numpūn lō dūmūtōri iyi; ĭt irora omwisū dūtametemetugi iyi. 41Im sī neteme, nin isen Yaīrus, nivūo ra nimo tavsogi, yivelum mumol ra noan isen Iesū, memsenĭgi memokū iyi ampelum ūnisog nimo isen; 42popowo netni itnasiven isen siteven, nevisū twelv iran, miyi yemtī nūrū. Im pol sugkū iyi yivelah ōv numpūn lō dūmūtūramtugi iyi. 43Im sī nasiven ugi nilūon de nevisū twelv, mori yemovunora oveteme tavū netevotesū isen, ĭm tawi sī faneteme worumpi horĭgives, 44yivelum kitan memsugkori navlūtni semplaūon isen, ĭm marimago isūma nilūon de isen. 45Im Iesū yemtagkeli, memokū, Mē osugkori yaū? ĭm omwisū dūmūnūaveni ĭm Piter, mirora dal iyi, yemenūwi memokū, Novsūromon, ōv numpūn lō ūmantūramtug kĭk, mūmagkeĭara iram, ĭm kemtagkeli, memagkū, Mē osugkori yaū. 46Im Iesū yōmenūwi, memokū, Sī isugkori yaū; ĭt ya okili horog ūmne ra yaū.

47Miyi nasiven yemokesi yetūmelasakepūn, mivelum mevekūrekūra, mumol ra noan isen memenūwi pugi ūnimĭnda ōv netevokontū omwisū, memokū irasie yemsugkori iyi, ĭm nokowo yeviorĭgives iyi ĭtnum. 48Miyi yemenūwi pugi, memokū, Nasiven, avosūwi, tavniri sorum ovkĭkēōwara; eve ra ninparata. 49Im pol sugkū iyi yetūnūwi-sū, sī yivelum memne isenwi nivūo ra nimo tavsogi, memenūwi pugi, memokū, Okemas netum; etūyugūri tavsogi. 50Im Iesū yemorigi memtamsi memenūwi pugi memokū, Etūmtetugi; tavniri ĭm ampiēōwara iyi.

51Im pol sugkū iyi yive ūnisog nimo iyi yetūtenĭmpe sī worĭntorĭmpe, Piter, ĭm Yōane, Im Yakōbō, mitemen isen nalaū, ĭm dineme, irora wokon; 52omwisū dūmageri mūmūtugi iyi; miyi yemenūwi, memokū, Utūageri; ĭt otūmas, iyi umnalēpo. 53Mirora dūmagipī iran popowo dūmokili iyi yimas. 54Miyi yemsatevokonda sū ratilat, memelekavi nokoven isen, memovrugi, memokū, Itnumpūkon, etūok. 55Im naviat isen yōĭmtorĭleki marimago iyi yemtūok. Miyi yemenūwi, memokū wampugi nevag. 56Mitemen isen ĭm dineme dūmovkirĭtwi; kō, iyi yemwalivat ūnōwanda, memokū ūtūanūwi pugi sī imo yemumpi.

Currently Selected:

Luk 8: ERGNT79

Highlight

Copy