Luk 7

1Im pol sugkū iyi yemenūwi aveni nam isen punora ōv numpūn lō iyi yive ra Kapernaum. 2Im lĭvsaū isen sī sentūrion, mori iyi yemelintugi, yamarat potipot nemás. 3Miyi yemorigi ugi Iesū memtamūlora ovun talam, ōveteme Isrēel, pugi, memsenĭgi memokū iyi ampelum mampiorĭgi lĭvsaū isen. 4Mirora dūmūvelum pugi Iesū mūmosenĭgi tamas mūmūnūwi, mūmōkū, Iyi aremi konumpi imo nisekon, it iyi umnelintokonda lō soret, memumpi sī nimo tavsogi soremam.

6Im Iesū yive dal irora. Im pol sugkū iyi potipot nimo sentūrion yemtamūlora raveneme pugi, memenūwi, memokū, Narisah, etūyugūrok, ĭt yaū tawi aremi ma 7kĭk ampelum ūnisog nimo sorūg ĭm ya otōkū yaū aremi worevelah punok, kō, enūwi sī nam miyi neviarep sorūg ampiorĭgives. 8Otipe yaū nivūo, movun telien lō ūbrami ramumpon yaū, ĭm ya umanūwi pugi sī memagkū, Eve; miyi ampe; ĭm pugi lĭvsaū torugat sorūg, Umpi imo; miyi onumpi. 9Iesū yemorigi imosū memavlugi iyi, memelagkaū memenūwi punora mumpūn lō mori dūmūri iyi, Ya umanūwi pugkūm memagkū, Ya otōkesi tavniri sugkū imo ra lō Isrēel, tawi. 10Movun tandeko dūmūtorĭleki ra nimo, mūmōkesi lĭvsaū mori yamarat, miyi horĭgives wokon.

11Im rat mran iyi yemavan ra sī sĭti, Nēĭn; movun nūrie isen sikat dūmūve dal iyi, ĭm sī numpūn lō tamas. 12Im pol sugkū iyi yumpotipot nugūn selat ra sĭti dūmūriuki ilat sī mori okemas, netni ĭtnataman siteven isen dineme, miyi neviumpūi, ĭm dal iyi oveteme sikat marugi sĭti. 13Miyi Novsūromon yemokesi iyi memtogesovelives iran, memenūwi pugi, memokū, Etūageri.

14Miyi yive memsugkori nesuvlok; mirora mori dūmūriuki dūmūtūrū, miyi yemenūwi memokū, Neviarep, ya umanūwi pug kĭk, memagkū, Etūok; 15miyi mori yimas yemtūok metesep, memam; miyi yovugi dineme isen. 16Im omwisū dūmūmtetugi, mūmarūfo ves numpilĭn Nōbū, mūmūnūwi, mūmōkū. Sī profet horog otūratum peni ūnimĭnt; Nōbū otnemora lō isen. 17Im narigi imo yemokompelĭgi nūrūsū Yūdia, ĭm nūrūsū nagkaūugi.

18Movun nūrie isen Yōane dūmūtampĭgi imosū omwisū pugi. 19Im Yōane yemovrokonda dūrū ovun nūrie isen memtamūlora pugi Iesū memtagkeli, memokū, Kĭk mori, kokovelum, kū? Kū ka kelentevetūi sī mōmū? 20Mōveteme mori dūmūvelum pugi mūmūnūwi, mūmōkū, Yōane, neteme baptiso, okotamūlo kam punok, memokū, Kĭk mori, kokovelum, kū? kū, ka kelentevetūi sī mōmū? 21Im ra imo nempugon iyi yemumkorĭgives sikat marugi ōv namarat, mōv naviatindi, memtĭpelah niminda ovun nimtei, sikat. 22Im Iesū yemtamsi memenūwi punora, memokū, Uve mūnūwi pūgi Yōane mōkū ugi imosū kūmōkesi mūrigi, Oveteme nimtei ūmagesi, movun noovoret ūmnavan, ūmnumpi ovun lepros sentevives, movun nomgol ūmandigi, ovun nemas ūmamso-rasali, mementorenūwisah nam navosavos punora ovun narumkor; 23ĭm nevĭeves iyi sī otūmalokoi po yaū.

24Im pol sugkū ōvuntandeko isen Yōane dūmūve, iyi yemati-potni worenūwi punora ōv numpūn lō memokū ugi Yōane, 25Kūrnūve ra nūrū wokon mūmōkū wagesi sie? Sī deniūg yemtavelevel ugi nĭmetagi, kū? Kū, kūrnūve, mūmōkū wagesi sie? Sī neteme yevīugi ōv nemas nemelōkelō, kū? Irora mori ūmnevarugi ōv némas nilaswi, mūmosumpeli nevag aremi, ūmantendōwi ūnisog ōv nimo isenda ovun natemonok ra nūsian. Kū, kūrnūve mūmōkū wagesi sie? 26Sī profet, kū? Itnesog, ya umanūwi pugkūm, memagkū, ĭm mōmū, ĭt iyi tawi profet wokon. 27Iyi mori, yemetiyi nam ugi memokū, Urĭgi, ya ontamūli tandeko sorūg worōbūm iram, miyi ontī selat sorum ūnimtum.

28Ya umanūwi pugkūm, memagkū, Tawi sī ra irora dūmumprokomol ra ōvasiven profet mōmū horog ra Yōane, Baptiso; kō iyi sī vilik wokon ra lō isen Nōbū mōmū horog iran. 29Mōv netevoaontū dūmūrĭgi, movun nalekon, mūmūnūwi mūmōkū Nōbū tanepo ĭndōwi, Yōane yumbaptiso iranda; 30kō, ovun Faresi, movun Somūl dūmūsepen salewugi nam isen Nōbū, mūmūtūvī baptisma isen iranda.

31Oveteme ra imo palsi, ya osafĭgi irora magkū sugkū sie? 32Irora sugkū ōvunyan mori ūmantesep ra ōv nūrū nevasi mūmasepen ovrokonda irora, mūmanūwi mūmagkū, Ka kelaūerugis pugkūm, ĭm kūtūmampeko; ka kelesugerageri wugkūm, ĭm kutūmuntugageri. 33Yōane, neteme baptiso, yivelum metūmneni yōūp, metūruna-moneki win, ĭm kūmanūwi, mūmagkū, Naviatindi yive iran. 34Netni isen neteme yivelum, memneni memnamoneki, ĭm kūm manūwi, mūmagkū, Okesi, neteme umesumpeli nevag memnamoneki win, aven isenda ōvun nalekon mōvetemendi; 35movun netnime omwisū isen Numpūn-nelekon, ūmagkū, iyi tanepo ĭndōwi.

36Im sī neteme Faresi yemenūwi pugi memokū, iyi ampag nandū. Miyi yive ūnisog nimo isen Faresi mori memtesĭgi. 37Im sī nasiven ra sĭti, nasivendi, yemokili ma iyi yemtesĭgi ūnisog nimo isen Faresi, mempĭ nūrah nevat gi dumpon ves ūnisog, 38memetūrū ra noan kitan, memageri, mematipotni memavūi noan isen gi nulĭpmi isen, mesentevi gi novelĭmpū ūnumpūn, memsūgū iran noan isen, memesovelĭgi dumpon mori. 39Miyi Faresi mori yemtori iyi, yemokesi memesepen-enūwi ūnōwan memokū, Imo neteme, nagkū iyi profet, pokili mē, ĭm sugkū sie, imo nasiven mori umandūleki iyi, nasivendi. 40Im Iesū yemtamsi memenūwi pugi memokū, Sīmon, ya umagkū ugi sī ya anūwi punok. Miyi yemenūwi, memokū, Tavsogi, enūwi. 41Dūrū oveteme dūtūtam-penĭgi iran sī mori yepmovunora, sī ovun peni fĭv hunder; ĭm sī fĭfti. 42Tawi sī se sī isenda, woretam-penĭgi, miyi yesepen sūlora dūrūsū; kemagkū itokowo onelintugi iyi mōmū tamas? 43Im Sīmon yemenūwi memokū, Ya umagkū iyi mori yemsūli tamas. Miyi yōmenūwi, memokū, Konūwi ves. 44Miyi yemelagkaū iran nasiven momenūwi pugi Sīmon, memokū, kĭk emagesi imo nasiven, kū? ya okovelum ūnisog nimo sorum; nū nimsin nōag kotūvoyaū; kō, imo nasiven avūi nōag ugi nūlĭpmi, memsentevi ugi novlĭmpū ūnumpūn. 45Kotūsūgū irag; kō, imo nasiven otūwi woresūgi iran nōag marugi nempugon ya okovelum ūnisog. 46Numpūg kotūosovelĭgi dumpon; kō, imo 47nasiven osovelĭgi dumpon ves nōag; ĭm ya umanūwi punok, memagkū, umafielentugi sat sū isen, mori sikat, It iyi olintugi tamas; Kō, iyi sī afielintugi vilik, umneliutugi vilik.

48Miyi yemenūwi pugi nasiven memokū, Umafielintug kĭk sat sū sorum. 49Mirora mori dūmūtesĭgi dal iyi dūatipotni woresepen enūwi ūnōwanda mūmōkū, Mē imo umafielentugi sat sū? 50Miyi yōmenūwi pugi nasiven mori memenūwi, memokū, Tavniri sorum ovkĭkēōwara; eve ra nĭmparata.

Currently Selected:

Luk 7: ERGNT79

Highlight

Copy