Yoane 9

1Im polekū Iyi yemavango, Iyi yemokesi sī neteme yufimol nĭmtipat. 2Mōvun nurie eni dūmūtagkeli, mūmōkū, Rabī, me yemumpi sat, imo neteme, kū ĭtemen kū dineme eni, ma yufimol nĭmtipat? 3Iesū yemtamsi memenūwi, memokū, Tawi iyi, kū itemen kū dineme eni, kō, ma kimi kwagesi ōvun numpūrah eni Nōbū iran. 4Yempasewokoyaū memokū ya onumpi ōvun numpūrah eni Iyi mori yemtamūli yaū, polekū umante dan, popōwo pūmrok umampelum pol sugkū tawi sī fanteme worumpūrah. 5Polekū yaū ra nemap, yaū Nilara ranemap. 6Pol sugkū Iyi yemenūwi imo Iyi yemetivani ra nemap memumpi nal ugi netevani, memesovelĭgi nipmi eni neteme nĭmtipat, memenūwi pugi, 7memokū, Eve, morowugi ra navūanda Sīlōam, fan nam, Tandekō, Miyi yive morowugi, memtorĭleki, ĭm nipmi eni yilara. 8Mōvun numpūnaran eni, mōveteme mori dūmōkesi iyi nĭmtipat, dūmūsepen tagkelora, mūmōkū, Iyi neteme mori yemetesep memesenĭgi wokon, kū? 9Nugkoneme dūmūnūwi, mūmōkū, Iyi; nugkoneme, dūmūnūwi, mūmōkū, sugkū Iyi; neteme mori yemenūwi memokū, Yaū. 10Mirora dūmūtagkeli mūmōkū, Otīpelah nimtum, nokowo? 11Iyi yemtamsi memenūwi, memokū, Sī neteme, nin eni Iesū, umpi nal memesovelĭgi nĭmtūg, memenūwi poyaū memokū, Eve ra navūanda Sĭlōam, morowugi; ĭm yaūĭmpe morowugi, yilara. 12Mirora dūmūtagkeli mūmokū, Yēi Iyi? Iyi yemenūwi memokū, Ya otūmagkili. 13Mirora dōmūtōri iyi mori nipmi ipat, punora ōvun Faresi. 14Sī danemindog pol sugkū Iesū yemumpi nal memtīpelah nipmi eni. 15Mōvun Faresi dūmūtagkeli iyi, nokowo yilara. Miyi yemenūwi pūnora, memokū, Iyi olekamtugi, ra nimtūg, ĭm yaū morowugi, yilara. 16Im nugkon ra irora ōvun Faresi dūmūnūwi, mūmōkū, Neteme mori yetūmne ra Nōbū, popōwo iyi otūmafĭnte danemindog. Im nugkoneme dūmmūtagkeli, mūmōkū, sī nareki sat feneteme worumpi ōvun numpūrah horog sugkū, kū? Mirora dūmūtūvavwora popōwo ugi Iyi. 17Mirora dūōmūtagkeli neteme nĭmtipat, mūmōkū, Kĭk emanūwi memagkū sie ugi Iyi, Iyi itīpelah nĭmtum, kū? Iyi yemenūwi memokū, Iyi Profet. 18Mōveteme Isrēel dūmūtūtavnirĭgi ma nĭpmi ipat, yilara mafeli nempugon dūmovrokonda ĭtemen ĭm dĭ neme eni, neteme mori yilara. Mirora dūmūtagkelora mūmōkū, Imo neteme netum ku? 19kūmanūwi mūmagkū, yufimol nĭmtipat, kū? Miyi umagesi marima, nokowo? 20Itemen ĭm dineme eni dūtamsi punora, mūmōkū, ka kemlagkili, iyi netemam, miyi yufimol nĭmtipat; 21kō, nokowo iyi umagesi marima ka kūtūmagkili. Im ka kūtūmagkili Iyi mori itīpelah nīpmi eni. Iyi neteme talam ūtagkeli iyi. Iyi anūwi magkū ugi iyi pe iyi. 22Itemen ĭm dineme eni dūmūnūwi imo popōwo irora dūmūmtetokonda oveteme Isrēel, popōwo oveteme Isrēel dūpmūsepen nenūwi punora gi tarū siteven, mūmōkū, nagkū, sī anūatumpeni Iyi Krĭstō, wanteveleguni iyi marugi nimo tavsogi. 23Popōwo imo sugkū, itemen ĭm dineme eni dūmūnūwi, mūmōkū, Iyi neteme talam, ūtagkeli iyi. 24Mirora dūōmovrugi neteme nipmi ipat, mūmūnūwi pugi, mūmōkū, Umpalugi iran Nōbū, ka kĭmlagkili ma neteme mori nareki sat. 25Iyi yemtamsi memenūwi, memokū, Nagkū Iyi sī nareki sat, kū tawi, ya otūmagkili; kō, ya umagkili imo, yaū nĭmtipat ĭm marima ya umagesi. 26Mirora dūōmūtagkeli mūmōkū, Iyi yumpi sie iram? 27Iyi itīpelah nimtum, nokowo? Iyi yōmenūwi punora, memokū, Ya onūwisū pugkūm, ĭm kĭmi kūtūrĭgi. Irantie kūmnakīugi worōmanidĭgi? kūmnakīugi woreti ōvun nūrie eni, kū? 28Mirora dūmūrevi iyi, mūmūnūwi, mūmōkū, kĭk nūrie eni; kam ovūn nūrie eni Mōses. 29Ka kĭmlagkili ma Nōbū yemenūwi pugi Mōses; kō, iyi mori, ka keletūmlagkili yemnea. 30Neteme mori yōmenūwi punora memokū, Nokowo sugkū, kutūmagkili ia Iyi yemnea, miyi itīpelah nĭmtūg. 31Kos kĭmlagkili ma Nōbū otūmandĭgora ōvun nareki sat; kō, nagkū sī neteme umentevita iran Nōbū memnumpi sugkū tarū eni Iyi umandĭgi iyi. 32Tawi sī yemorigi ra sī palsi ma yemtīpelah nipmi eni sī yufimol nĭmtipat. 33Nagkū Iyi mori yetūmne ra Nōbū Iyi tawi horog worumpi sīsesī. 34Irora dūōmūnūwi pugi mūmōkū, kemumprokomol ra sat wokon, ĭm kemagkū kontavsogkam, kū? Mirora dūmūtevelĭguni iyi.

35Iesū yemorigi ma irora dūmūteveliguni iyi; miyi yemokesi, memtagkeli, memokū, kĭk ementavnirĭgi Netni eni Nōbū, kū?

36Iyi yemtagkeli, memokū, Novsūromon, Me iyi, ma ya ontavnirigi iran? 37Iesū yemenūwi pugi, memokū, Kĭk emagesi, Miyi umanūwi punok. 38Miyi yōmenūwi, memokū, Novsūromon, ya umuntavnirigi, miyi yemtevita iran. 39Iesū yōmenūwi, memokū, Ugi tampenĭgi yaūĭmpelum ra nemap, memokū, irora mori utūmagesi, wagesi; mirora mori umagkū ūmagesi wante nimtei. 40Mōvun Faresi mori dal Iyi dūmūrĭgi imo, mūmūtagkeli, mūmōkū, Kam ōvun nĭmtipat sugkū, kū? 41Iesū yemenūwi punora, memokū Nagkū kĭmi ōvun nimtei kūtūmnōwarepatevi; kō marima, kūmanūwi mūmagkū, Ka kemlagesi, ĭm popōwo, imo sugkū, nworepatevi enugkmiĭ umantendōwi irami.

Currently Selected:

Yoane 9: ERGNT79

Highlight

Copy