Ovun Apostol 20

1Isūma nesesaū Pol yemovrokonda ovnūrie mempasiwokonda memōwi mōĭmpe Masedonia. 2Miyi yemna van ra nūrū sū yūi memenūavsokonda ugi nam sikat yivelum ra nūrū Helas; Miyi yemorokote yūi itĭs en desel. 3Im nempugon ōveteme Isrēel dūmūsenteri iyi, pol sugkū iyi yemokū iyi ampe ra Siria, iyi yōmenūwi memokū isen iyi onterileki ileboteven, Masedonia. 4Dūmūve dal iyi Asia Sopater neteme Beria, Aristarkus ĭm Sekundus ōveteme Teselonika, Kīus, neteme Derbe, ĭm Timote; Tikikus ĭm Trofimus, ōveteme Asia. 5Mirora dūmūbūm irant mūmūtūvetū kos ra Troas. 6Im penuri dan sū woreni yōūp wokon kos owi Fĭlĭpī ĭm livelum pun ora ra Troas, dan sū fiv; ĭm kos letindowi yūi dan sū seven.

7Im dan mumpūm ra wik ovnūrie dūmūsemsimokonda worūsevi yōūp ĭm Pol yemtesūī nam pun ora, ĭt iyi yemokū iyi ampe rat mran, miyi yemenūwi nam mefeli ra tūnemis. 8Ovun lamp sikat ūnisog silebok ratkomisah yūi dūmūsemsimokonda. 9Im sī ovunyan yemetesep ra nugon windō nin eni Yutikus, miyi yemalepatemas Pol yemenūwi yemtesūī nam nempugon tantop miyi yemumol marugi tīen tenme deselugi, dūmūriuki sah miyi yimas. 10Im Pol yemyep me mumol iran, memtenterugi memenūwi memokū, Utūsepen yegurokūm, popōwo nomurep eni ūnisog iyi. 11Im pol sugkū iyi yoimsah me morūsevi yōūp, moni, mo menūwi tantop nam mafeli numtin dan, mōĭmpe pelah sugkū. 12Mirora dūmūtori sah iyi yomūrep, mirora dūmavos ugi neviarep.

13Im kam lōbūm ra lō ĭm live Asos, ĭm yūi kam lokū lampī Pol ra lō, ĭt iyi yemenūwi sugkū, memokū iyi onavan mafeli nūrū yūi. 14Im pol sugkū iyi yemavetet iramam ra Asos, kam livī ra lō ĭm live ra Mĭteline. 15Im kam lowi nūrū yūi ra lō ĭm rat mran livelum lampiete Kīos, ĭm weme kam live ra Samos, morokote lap ra nūrū Trokĭlium im winag kam live ra Mĭletus. 16Popōwo Pol yemokū iyi osenti iyi pe iyi ra Efesus yemokū otuantelap ra Asia; ĭt iyi yemovugovag memokū nagku iyi faneteme iyi ra Yesūsalem ran dan Pentekost. 17Miyi yemetelap Mĭletus memtamūli nam worovrokonda ōveteme tavsogi ra semsimak ra Efesus. 18Im pol sugkū irora dūmūvelum pugi iyi yemenūwi pun ora memokū, kĭmi kūmagkili nokowo yaū mete dal e kĭmi dan sū marugi nempugon yaū impelum ra Asia.

19Men torugat iran Novsūromon ugi noramal ūnowag, ĭm nūlipmi sikat, movun, tapmi mori dūvelum irag popōwo ugi senteri enirora ōveteme Isrēel; 20Im nokowo yaū metūsiugi sī nugkon nam ugi se sī nokowo aremī nisekomi, kō mesesi sū pug kūm, mo ĭm tavsogkūm ūniminda ōveteme sū ĭm ra nimo sū. 21Mem umpūvsok ugi sū pun ora ōveteme Isrēel ĭm mōveteme Helas, memokū ugi nevīeves nōwan ugi Nōbū ĭm tavniri ra Iesū Krĭstō Novsuromon soret. 22Im marima, ya kum mampe ra Yesūsalem nēeti ugi naviat, ĭm ya kotum magkili siamesū wampelum irag yūi; 23Kō Naviat Tumpora umnumpūvsok ugi ra ōvun sĭti memagkū ōvun tori im nelileki wampelum irag. 24Kō ya kotūm mentarū ugi imosū ĭm ya kotūm masiugi nomūrep sorūg ya umagkū ugi magkū worokompeli numpūrak sorūg ugi navos, ĭm torugat mori yaumpi marugi Novsūromon Iesū, worumpūvsok ugi nam navosavos, ugi nelintugi isen Nōbū. 25Im marima ūmagkili kĭmi sū mori yaū memnavan memorūntorenūwisah lō eni Nōbū unimetemi kūtūowagesi nimtug. 26Popōwo ĭmo sugkū yakum mintesūwī pugkūm ire pen dan memokū, otūampūle yaū ugi de eni sī neteme. 27It yaū metūatiumpene sī nam, yaū imtorenūwi sū pug kūm nam isen Nōbū. 28Popōwo imo sugkū, ūfinte kĭmi, ĭm semsimak omwisū mori Naviat Tumpora yemetipe kĭmi worafĭnte irora semsimak eni isen Nōbū mori iyi yempasi ugi de isen Iyi. 29It ya kum makili imo, penūri ya kampe ovun wolf iteobuki wonĭntorimpe ūnisog pug kūm dal e kĭmi, worokini semsimak mori. 30Moveteme ra kĭmi wontūok, manūwi nam nagkaū magkū ōvun nurie mamplesi iranda. 31Popōwo sugkū, wavlis, wantemi imo nevi sū en desel yaū metūwi woretipe nentemives ūnisog kĭmi nempugon dan im pūmrok ugi nūlipmi. 32Im marima ravūgsīeme, ya kum magkū kwampe pugi Nōbū ĭm nam ugi ĭtemas-e-pau isen mori horog worumpi kĭmi worenug nampug kim nūrū ves dal irora mori yemumpi irora sentivives. 33Yaū metū mandakĭugi kold kū silver, kū nemas isen sī neteme. 34Im kūmagkili ma imo nokovūg yemtorugat irag miranda dal yaū ugi nevag ĭm nemas. 35Yaū morūn nesesi pug kūm siamesū ugi nokowo kĭmi kwandūn numpūrak sugkū worumpeleves iranda ōvun netūrumuro, memninteme nam eni Novsūromon Iesū mori iyi yemenūwi memokū, mōmū nevīeves worevugi ra imo, worevi.

36Im pol sugkū iyi yemenūwi sugkū vemsenumpūneteren me mufwaki dal irora sū. 37Mirora sū dūmageri sah, mumol ra nowan isen Pol mūmsūgū iran. 38Mūmūrigumpūnū mōmū tamas popōwo ugi imo nam mori iyi yemenūwi memokū, kĭmi kūtū emagesi nimtūg. Mirora dūmūvlūsenti iyi ra lō.

Currently Selected:

Ovun Apostol 20: ERGNT79

Highlight

Copy