Ovun Apostol 19

1Mo metepū nempugon Apolos yemete ra Korĭnt, Pol yemavango ov numpūo ĭmpe ra Efesus; miyi yemokesora ovnurie sī yūi; 2Memtagkelora memokū, kĭmi kūmūtavnirigi mūvĭ Naviat Tumpora kū? Mirora dūmūnūwi pugi mūmokū, Ka ke letūrigi ugi Naviat Tumpora. 3Miyi yōimtagkeli memokū, Im yem um baptisma irami ra sie? Mirora dūmūnūwi mūmokū, Ra baptisma eni Yōane. 4Im Pol yemenūwi memokū, Itnesog Yōane yemum baptisma iranda ugi baptisma ra nevīeves nōwan, memenūwi pun ora netevokontū memokū, kwon tavnirigi iran iyi mori ampelum penūri, iyi mori Krĭsto Iesū. 5Im pol sugkū irora dūmūrigi imo, dūmūvĭ baptisma iranda ra nin eni Novsūromon Iesū. 6Im Pol yemetipe nokoven eni iranda ĭm Naviat Tumpora yempelum iranda. Mirora dūmūnūwi ōvun nam sī mū mūvoli nam. 7Irora sū ōveteme sugkū twelv.

8Miyi yementorimpe ra nimo tavsogi memtesūī nam itĭs en desel memenūasūmperi nam memenūavsokonda ugin siame ugi lō eni Nōbū. 9Kō nugkon eme dūmūti nugkugko mūmūtavnirigi, mūmūsendoekiye ugi selat ūminĭnda ōvun semsimak, iyi yemowi irora, memtorora pelah ōvun nūrie, memtesūi nam ra nimo tavsogi isen sī neteme, nin Tiranus. 10Yemete sugkū imo nevi endūrū; ĭm omwisū mori dūmūtendowi ra Asia dūmūrigi nam eni Novsūromon Iesū, ōveteme Isrēel mōveteme Krik. 11Im Nōbū yemum pi ov numpūiak horog ugi nokoven eni Pol. 12Dūmuriuki ov nevlugkon nemas marugi nokolisiran pun ora ōvun neterumoro mov namarat dūmūwī irora, movun nagelo sat dūmūmlag. 13Kō nugkon ra lō ĭtovoti, ōveteme taviwara dūmūsepen nokū irora wamperugi nin eni Iesū Novsūromon iranda mori ĭm ov nagelo sat dūmūve iranda; mirora dūmūnūwi mūmokū, Ka kĭm lanūwi pug kūm ugi Iesu mori Pol umentorenūwi. Ovnitni seven eni Siva, neteme Isrēel potnari ōveteme sokowar, mori dūmumpi imo. 14Naviatindi yemtamsi memenūwi memokū, Ya kum magkili Iesū, 15ĭm ya kum magkili Pol; kō kĭmi me e mē? 16Im neteme mori naviatindi yive iran, yimeraūesah iranda mūemtantevakepe iranda mirora dūmalō marugi nimo mori mū mavan wokon, moveteme Krik, 17ōveteme sū mori dūmetindōwi ra Efesus dūmokili ugi imo ĭm nimtetugi yemamples ora sū, dūmūvisah ugi navos nin eni Iesū Novsromon. 18Im sikat ra irora dēmūtavnirigi dūmūrūnūvelum nenuatumpeni sat sū enirora mov mumpindi. 19Im sikat ra irora ōveteme taviwara dūmū sensimugi ōvun netiyi sat isenda mūmūtni sū ūmminda omwisū; mirora dūmsepi nĭpmi ugi, mū mūkili dūmūti silver vilik fife taūsan. Yemteli ugi horog sugkū nam eni Nōbū memtantevake sah.

20Nempugon dūmokompeli sū imo sū Pol yemokū ra naviat iyi onavan ileboteven Masedonia ĭm Akia mo ĭmpe ra Yerūsalem, 21yemenūwi memokū, penūri ĭmo yaū agesi Rōm sugkū yempasewokoyaū. Miyi yemtamūlora dūrū ōvun naveri isen, Timote im Erastus, miyi yemore kote ra Asia.

22Im ra nempugon mori yemetepū nesesaū tamas ugi selat mori. 23Popōwo sī neteme nin isen Demetrius yemumpūrak ugi silver memumpi ōvun nimo ūtam vilik vilik ugi silver, 24isen Artimas mōveteme dūmūmpūrak ugi dūmūvai nĭpmi tamas ugi: Irora, sū mori iyi yemsemsimonda mōmū dal mori dūmūmpurak siteven sugkū, 25memenūwi memokū, Ovragi, kĭmi kūmagkili ma kos kĭm lampī ov nōēti soret ugi imo mumpūrak. 26Im kūmmagesi mū mandigi tawi ra Efesus wokon, kō ra nūrū sū Asia neteme mori Pol yemesendavotni me movoli numpūn lō tamas memenūwi memagkū, irora tawi ōvun nōbū mori ōveteme umnumpi ugi nokovenda. 27Im tawi imo wokon netevūrah soret umumpotipot worokesindi; kō wagesindi nimo tumpora, isen Nōbū itnasiven horog Artemis sugkū nagkū namlī wonaseviugi nilasilaswi isen ĭm lō sū Asia ĭm nūrū sū nūrū sū umintivita iran. 28Mirora dūmūrigi mū arakī tamas mū mūvrugi sah mūmūnūwi mūmokū, Artemis ra, nūsian isenda ōveteme Efesus! 29Dūmūvwūarugi ra sĭti omwisū ugi sūmpelūlya; mirora dūmenumenum ugi tarū siteven mūvūwarugi ūnisog nimo semsimak mūmūlekavi Kīus ĭm Aristarkus, ōveteme Masedonia mori dūmūsari iran Pol. 30Im Pol yemokū iyi mampe ūnisog pun ora lō movnūrm dūtūtenĭmpi iyi. 31Im nugkoneme ra irora ōvun Asiark ravineme em, dūtamūli nam pugi mūmūsenegi iyi mūmokū iyi otūampe ūnisog nimo. 32Im nugkon dūmūvrugi mūmokū ugi sī ĭm nugkon ugi sī popōwo ōvun telienlō dūmūsumpelūlia; ĭm nugkon mōmū tamas ra irora sū dūmūtūkili irantie dūmūsepen semsimokonda. 33Mirora dūmūtori Aleksander marugi semsimak, oveteme Isrēel dūmūtipe iyi ūniminda. Im Aleksander yemtinokevokev ora, momokū, iyi anūwi pun ora. 34Kō irora dūmokili iyi neteme Isrēel, momwisū ugi nasora siteven dūmavrugi sah sugkū nagkū aūor endūrū, mūmokū, Artemis ra nūsian isenda ōveteme Efesus! 35Im Pol sugkū Nivūwo ra nūsian yemti nessesau isenda numpun iyi yemenūwi pun ora memokū, Oveteme Efesus, Mē sī otūmakili ma sĭti Efesus unūmtivita iran nōbū ĭtnasiven Artemis ĭm safi eni mori yemumol marugi pokop? 36Im popōwo imosū sugkū aremī kĭmi kwanteteven mūtūsepen numpi ĭtnum sī se sī. 37Kūmūtor ora ōveteme mori mirora dūtū umprokugi sī sie sī ra nimo sokowar mūtūsendoekia iran nōbū ĭtnasiven soremi. 38Nagkū Demetrius moveteme ĭm numpūrak isenda siteven dal iyi, ūmagkū ugi sī se sī worenūwi iran sī neteme, umante kōrt ĭm movun Natemonok Rōm, aremī irora worievor ugi irora pe irora. 39Kō nagkū kĭmi kwonesorugi sī se sī ugi siame mōmū wanūwi nam magkū ugi ra kōrt. 40It nagkū kwanūwi kos kĭm lamp-piĭntan lō ire, ĭt ka ke letū faneteme woretams magkū, Irantie imo numpūnlō dūmūsemsimokonda. 41Iyi yemenūwi imo nam memtamūloira semsimak woreturatumpene ilat.

Currently Selected:

Ovun Apostol 19: ERGNT79

Highlight

Copy