Ovun Apostol 18

1Penuri imo sū Pol yemowi Atens mempe ra Korint, 2Me mokesi sī neteme Isrēel nin isen Akwila yeumprokomol ra Pontus, miyi yemumprokovelum yimne ra Itali ūndū (retepon) Prisila, popōwo Klodius yemsatevokonda ōveteme Isrēel omwisū marugi Rōm. 3Im popōwo irora dūmandūnumpi nafiugi siteven Pol yemetindōwi dal irora, ĭt irora dūmūteri ōvun tent. 4Miyi yemenūasūmperi nam ūnisog ōvun nimo tavsogi ran danemindog sū memenūafsokonda ōveteme Isrēel mōveteme Krik.

5Im pol sugkū Sīlas ĭm Timōte dumūvelum dūmne ra Masedonia Pol yemumnilasivrovor ūnisog naviat eni munumpūvsok pun ora ōveteme Isrēel, memokū Iesū Iyi Krĭstō. 6Im pol sugkū irora dūmūramtugi iyiiyi mūmūsendoekia iyi yimugkerigkeri nemas isen menūwi pun ora memokū, novulokugu de soremi yaū sĭntevives; ya kampe marima pun ora ovun nĭlebōkevat. 7Miyi yemowi nūrū yūi memtorimpe ra nimo isen sī neteme nin isen Yustus, iyi yemofwaki iran Nōbū, nimo isen ra nokorin nimo tumpora. 8Im Krĭspus mori yemafinte nimo tumpora, yemtavnirĭgi iran Novsūromon mirora, sū ra mumpon nimo isen; ĭm sikat ōveteme Korint dūmūrigi nam mu tavnirigi mūvi baptisma iranda. 9Novsuromon vemenūwi pugi Pol ra nilasivrovora ra pumrok memokū. Etumtetugi. Enūwi nam; metūteteven. 10Popōwo yaū ūndū kĭk, ĭm tawi sī ampīese sat kĭk; popōwo netevokontū temas enyaū ra imo sĭti. 11Miyi yemetindōwi yūi sī nevi mitis siklĭm memtavsokonda nam isen Nōbū.

12Kalio natemonok Rōm ra Akia ōveteme Irēel ugi tarū sīteven dūmalo iran Pol, mūmūtori ra potnompūtūwo nurian, Mūmūnūwi mūmokū. 13Imo neteme umanūa sokonda ōveteme woretevĭta iran Nōbū nam alam um anūali ugi. 14Im pol sugkū Pol yemokū worenūwi nam, Kalio yemenūwi pun ora ōveteme Isrēel, memokū, Kĭmi ōveteme Isrēel, Nagku sī sīsesī ugi neforugi kū numpi sat peti sugkū tanepo ma ya andĭgi sū ugi; 15Kō nagku ugi ōvun nam kū ōvun nin, kū ōvun alam soremi ipe kūm ĭt ya kotum makīugi woreti natemonok mūrian ugi imosū. 16Miyi yemsatevokonda marugi pot numpūtūwo nūrian. 17Kō ōveteme sū Krik dūmūlekavi Sosene nivūwo ra nusian ra nimo tavsogi mūmūtipe torĭs iran ra nokorin potnumpūtūwo nurian. Im Kalio yemtaseviowi.

18Im Pol yemete yūi, penūri iyi yempasiwokonda ravensieme mō ĭmpe ra lō ra Siria, Prisila ĭm Akwila dal iyi; miyi yemovo numpūn eni ra Kegkria, ĭt iyi yepmenūwi sī nam unam. 19Miyi yive ra Efesus momowi irora yūi; kō iyi yemintorimpe ra nimo tavosgi, memenūasūmperi nam pun ora ōveteme Isrēel. 20Im pol sugkū irora dūmakīugi iyi wororokote lap dal irora, iyi yetūmokū sugkū. 21Iyi yempasiwokonda memenūwi memokū, Otipe irag worefinte narigari mori umampelum ra Yerūsalem; kō ya ko mampelum pug kūm, nagku Nōbū magkū aremi sugkū. Miyi yemowi Efesus ra sī lō. 22Im pol sugkū yemsenti ikeri Sesaria, iyi yisah me mempasiwokonda semsimak, mo myep ra Antiok. 23Miyi yemotewi yūi mōĭmpe, memnavan ra nūrū sū Kalasia ĭm Frukia ra natora memupi ōvnūrie omwisū worenug.

24Im sī neteme Isrēel nin isen Apolos, mori yemumprokomol ra Aleksandria, neteme tasūmperi nam, yeti tumpora manūatokili yivelum ra Efesus. 25Miyi horog ugi ōvun yetiyi tumpora yetintavsogi ugi selat eni Novsūromon; miyi yemokili wokon ugi baptisma eni Yōane. 26Miyi yematipotni wortesūwi nam ra mumpon nimo tavsogi metū emtetokonda; ĭm Akwila ĭm Prisila dūmūrigi ugi iyi mūmūton iyi, mūmūsesi pugi aremī mōmū selat eni Nōbū. 27Miyi yemokū iyi ampe ra nūrū Akīa ĭm ravinsīeme dūmūtīyi nam pun ora ōvnūri mūmūnūwi mokū wampī iyi; ĭm pol sugkū yivelūm yemaverora tamas mori dūmūtavnirĭgi popōwo ugi togesoveli. 28It iyi yemūran tantevake sah iranda ōveteme Isrēel ūniminda ov netevokontū memesesi pun ora ugi nam ra mumpon ōvun netiyi tumpora, ma Iesū Iyi Krĭsto.

Currently Selected:

Ovun Apostol 18: ERGNT79

Highlight

Copy