Ovun Apostol 13

1Dūmūte ra semsimak mori ra Antiok ōvun profet movun tavsogi, Barnabas, ĭm Simion Nakomsū, ĭm Lūsius neteme Sīrinia, ĭm Manaen, ali isen Herod Natemonok ra nūsian ĭm Sol. 2Im polekū irora dūmūtorugat iran Novsūromon mūtovokom, Naviat Tumpora yemenūwi memokū, Utipe nisekūg Barnabas ĭm Sol worumpi numpūrah yaū movrokonda ugi. 3Im pol sugkū dūmūtevokom mumūfwaki dūmūtipe nokovenda iranda muĭmtamūlora.

4Mirora, pol sugkū, Naviat Tumpora yimtamulora, dūmūyep ra Selusia, dūmūwi nūrū yūi ra lō mūmūve ra Siprus. 5Dūmūve ra Salamis, mūmūtorenūwi sah nam eni Nōbū ūnisog ōv nimo tavsogi eni ōveteme Isrēel. Im Yōane yemtorugat iranda. 6Im polsugkū irondūmavan tanugkon īland ra Pafos dūmokesi neteme taviwara, Isrēel nin Bar-Yesū; 7Iyi yemetendowi ūndū natemonok Serkius Polus, neteme nointanwi ves. Miyi yemtamuli tovūni Barnabas ĭm Pol memakĭugi wororigi nam eni Nōbū. 8Kō Elīmas neteme taviwara (it imo fan nam nin isen,) yemetūramtokonda, memokū ontori nagkaū natemonok marugi tavniri. 9Kō Sol, nalĭg eni Pol, mori yemovūwarugi Naviat Tumpora yemtopotnemi iran, memenūwi memokū, 10Kĭk emampūarugi nimpiri sū ĭm sat sū, nitni eni sētan, ĭm novsin nakan ra siame sū tanepo, kĭk otūawi sep worumpi nagkaū ovun selat nugko eni Novsūromon kū? 11Im marima, nokoven eni Novsūromon oti iram ĭm kĭk anti nimtei kotū ōmagesi nĭpminĭn mafeli dan sī. Marimago yumol iran natemovot ĭm nĭlevōkevat; miyi yimtĭ selat memesorugi sī worelekavi nokeven worelōri. 12Miyi natemonok pol sugkū yemokesi mori yetin numpi, yemtavnirĭgi, memovkeritūwi ugi nam tavsogi eni Novsūromon.

13Mirora dal Pol dūmūwi Pafos ra lō mūmūvelum ra Perka ra Pamfilia: kō Yōane yemowi irora mōĭmtori leki ra Yerūsalem. 14Mirora dūmūwi Perka Mūmūve ra Antiok ra Pisidia; mūmūve ūnisog nimo tavsogi ran Danemindog mūmūtesep. 15Im pol sugkū dūmūsepi ōv nempasiwugi movun profet ōv nivūwo ra nimo tavsogi dūtamūli nam punora mūmokū, Ravūgeme, nagkū sī nam kūmagkū ugi woretavsokonda netevokontū ūnūwi. 16Im Pol yemtūok yemalep iranda, mo menūwi memokū,

Oveteme Isrēel, ĭm kĭmi mori umamtetugi Nōbū, ūrĭgi mūvendūgugi. 17Nōbū isenda imo lō Isrēel yemtampolora retemeneme soret, miyi yempīeves tamas lō mori nempugon irora dūmūtendowi ōvun domo ra nūrū Ityĭpt, miyi yemtorora marugi nūrū yūi ugi nelepon nokoven horog. 18Im sugkū nevi sū forti, iyi yete nomolsep ugi numpūrak isenda ra nūrū wokon. 19Miyi yemtevavtiti ōvun savūta seven ra nūrū Kenan, memetevūrak wokonda nūrūsū isenda ugi lot. 20Penūri imo iyi yemovunora ōvun natemonok nūrian sugkū nevi sū for hunder ĭm fifti, mafeli ra nempugon eni Samūel profet. 21Im penūri irora dūmakīugi, sī natemonok ra nūsian: ĭm Nōbū yemovunora Sol nitni eni Kĭs, neteme ra savūta eni Benyomin, nevi su forti, 22Im pol sugkū yivi pelah iyi yemetipe sah Dēvid woreti Natemonok nūsian isenda; memumpūvsok iran memokū, yaū mokesi Dēvid nitni eni Yesi, neteme ya umagkū aremī ugi, iyi onekompeli sū tarū enyaū omwisū. 23Im Nōbū ontori marokonda onvsen ōvun netnindasū eni neteme mori Iesū Nēyōwara nisekonda lō Isrēel sugkū iyi yenūīvives punora. 24Yōane mampum yemtorenūwi sah baptisma ugi nevieves nowan pun ora ov netevokontū sū Isrēel nempugon yetuvelum. 25Im polekū Yōane yemakompeli ovnumpūrak isen, iyi yemtagkel ora memokū, Kūmagkū yaū mē? Tawi yaū ko iyi, umampelum penuri yaū, Im yaū tawi aremī woresūli woravan ra noen isen. 26Ovragi, ravūgsĭeme, ōvun nit nime ra mokoponeme eni Ebraham, miyi sī ra kĭmi umamtetugi Nōbū otamūli pugkūm nam ugi imo nēyōwara. 27It irora mori dūmūtendowi ra Yerūsalem mov natemonok dūtūkili iyi mori mūtūkili nam isenda ōvun profet mori umandūnesepi danemindog sū, irora dūmumpi nampesog popōwo irora dūmūrian iran. 28Mūtokesi sī sie sī iran ugi nemas, kō dūmusenĭgi Pīlat mūmokū wantalugi iyi. 29Im pol sugkū dūmokompeli sū siamesū dūmūtīyi ugi iyi, dūmūvī sep marugi nē mūmūtipe ra veli.

30Kō Nōbū yemtorisah marugi nemas. Mirora mori dūmūvesah dal iyi dūmne ra Kalĭli ra Yerūsalem 31dōmūrūn okesi dan sū sikat mirora ōvun numpūvsok iran punora netevokontū. 32Im ka kim lĭntorenūwi sah pugkūm nam navosavos ma Nōbū yemokompeli sū nievūwos nam mori. 33Iyi yemenūwi punora retemendeme yemakompeli sū nisekont ōvun netnimi, ĭt iyi yemtori sah Iesū marugi nemas; sugkū yemetiyi, ramumpon Salmo dūrūgi, Kĭk nĭtug; ya oti kĭk ire, 34Ma iyi yemtori sah iyi marugi nemas woretūtoroleki ra vĭleteneme; iyi yemenūwi memokū ya ampunok ōvun togesoveli tumpora eni Dēvid. 35Im popōwo imo sugkū iyi yōmenūwi ra sī mōmū memokū, 36kĭk otū awi iyi Tumpora sorum worumtĭmti Dēvid yemtorugat iranda ra palsi isen sugkū tarū eni Nōbū yimaleēpo, mūmū tipe iyi ra nokorinda retemeneme isen miyi yumtimti. 37Kō iyi mori Nōbū yemtorisah, yētū umtimti. 38Popōwo imo sugkū ōveteme ravugsieme umtorenuwi sah pugkum nefielentugi satsū ugi imo neteme. 39Mirora sū mori umuntavnirigi iran ūmumpi tanepo ugi iyi, ra siame kĭmi tawi faneteme worevi tanepo ugi ōvun nempasewugi sū eni Moses. 40Ufinte ma otū ampelum arami sugkū dūmūtĭyi ra mumpon ōvun netiyi isenda ōvun profet;

41Okesi, kĭmi mori kūmagesindi, ĭm wavlugi, ĭm eviya:

Popōwo ya konumpi sī numpūrak ran dan sū soremi,

Sī numpūrak kĭmi kūtū ontavnirigi nagku sī ontorenūwi magkū ugi pugkum.

42Im pol sugkū ōveteme Isrēel dūmūtōratumpeni ilat, ōveteme nĭlevōkevat dūmūsenĭgi mūmokū wanūwi nam mori punora ran danemindog sī. 43Im nempugon semsimak dūmūve ilat sikat ra irora ōveteme Isrēel movun nūrie nufwaki isenda dūm ampelesi iran Pol ĭm Barnabas: mū mūmūnūwi punora mū mūnūavsokonda woretendowi ūnam ra nelintugi eni Nōbū.

44Im danemindog dūmūsemsimokonda ov netevokontū sū ra sĭti wororigi nam eni Nōbū. 45Kō pol sugkū ōveteme Isrēel dūmokesi ov numpūn lō sū irora dūmarakara mū mūtūramtugi nam mori Pol yemenūwi, dūmūtūramtugi mori muinūsendoekia. 46Im Pol ĭm Barnabas dūmūnewi nam dūmūtesūwi nam mūmokū, Dūtorenūwi nam eni Nōbū pug kūm mampūm; ko popōwo kūmūntafugi mūmagkū kĭmi tawi aremī worevi nomūrep ūvriīni, Urigi ka kĭm lampe punora ōvun nĭlevōkevat. 47It iyi Novsūroman yempasewug kam memokū sugkū,

Yaū metipe kĭk nilara nisekonda lōsū nĭlevōkevat,

Ma kĭk anti nēyōwara nisekonda ra nūrū sū nūrū sū.

48Mōveteme nĭlevōkevat mori dūmūrigi imo dūroavos ūwi mōmūvietevisep nani eni Novsūromon; Mirora mori Nōbū yepmenūwi mokū wampi nomūrep ūvrūni dūmutavnirĭgi. 49Im nam eni Novsūromon yemekompeligi ra nūrū sū yūi. 50Kō ōveteme Isrēel dūmumpi nesesaū ūnōwanda ovasiven nufwaki ov nasimnalam mōveteme horogesah ra sĭti mirora dūmūvĭesesat Pol ĭm Barnabas, mūmūtuvilĭgun ora marugi nūrū sū isenda. 51Mirora dūmugkori navivon marugi nowonda iranda, mūmūve Ikonium. 52Yemūvwarugi cvnūrie ugi navos ĭm Naviat Tumpora.

Currently Selected:

Ovun Apostol 13: ERGNT79

Highlight

Copy