1 Timoteo 4

Mana alli yachatsikuqkuna shayämunanpaq ninqan

1Espíritu Santum tantiyatsimantsik shamuq watakunachö wakin runakuna Jesucristuman creyikuyanqanta dëjaskir supay munayanqannö mana allikunata yachatsikuyänanpaq kanqanta. 2Allish tukur llullakuq karmi mana allikunata yachatsikurpis penqakuyanqatsu.

3Tsay mana alli yachatsikuqkunam casarakuy mana alli kanqanta niyanqa. Tsaynöllam wakin mikuykunatapis mana mikunapaq kanqanta niyanqa. Manam allitsu mikunapaq niyaptinpis Jesucristuman creyikuqkuna agradëcikur mikuyänanpaqmi Dios Yaya kamashqa. 4Dios Yaya kamanqankunaqa llapanmi allilla.#Gén. 1.31. Casarakuypis Dios Yayapitam. Tsaynö kaykaptinqa payta agradëcikurnin mikuytapis y casaraytapis manakaqman ama churashuntsu. 5Dios Yayapa palabranta tantiyarnin payta mañakur agradëcikushqaqa mikuypis#Gén. 9.3; Mar. 7.18-20. y casaraypis#Gén. 2.18. allim.

Jesucristupa alli serviqnin kananpaq yachatsikunqan

6Kay cartachö qellqamunqäkunata wawqikunata y panikunata shumaq yachatsirqa Jesucristupa alli serviqninmi kanki. Dios Yayapa willakuyninta yachakurqa y pay munanqannö kawakurqa alli alimentäkushqanömi kanki.

7Runakuna llutanta yachatsikuyanqanta ama chaskiytsu. Pukllaqkuna ejerciciuta rurayanqannö qampis Dios Yaya munanqannö kawanaykipaq yachakuy. 8Ejerciciu rurayqa kay patsachö kawanqantsikyaqllam alli. Peru Dios Yaya munanqannö kawaymi sïqa kay patsachö y gloriachöpis alli kawanapaq.

9Kay ninqäqa rasunpa kaqmi. Llapan runakunapis chaskikuyänanpaq allim. 10Tsayta tantiyarmi imayyaqpis kawaq Dios Yayaman creyikur imaykata sufrirpis willakuyninta willakuykantsik. Paymi Jesucristuman creyikuq kaqtaqa pïmaytapis salvan.

11Kay cartachö qellqamunqäkunata cäsuyänanpaq yachatsikuy. 12<<Jövinllaraq kaykar ¿imanöpatan Timoteo yachatsimäshun?>> niyaptinpis ama cäsuytsu. Tsaypa rantin wawqikuna y panikuna rikäyänanpaq alli shimillaykipa pïmaytapis parlapay, jutsata mana rurar kawakuy, runa majikita llakipay, Dios Yayaman imaypis creyikuy y pay munanqannö kawakuy.

13Chämunqäyaq Dios Yayapa palabranta wawqikunata y panikunata liyipunki, yachatsinki y animatsinki.

14Jesucristuta servinaykipaq Espíritu Santu churaykäshuptikiqa llapan shonquykiwan imaypis serviy. Tsaynö churashushkanki profëtakuna qampaq willakuyaptin y mayor wawqikuna umaykiman makinkunata churarkur Dios Yayata mañakuyaptinmi.

15Kay yätsinqaqkunata mana qonqarnin imaypis ruray. Shumaq kawakunqaykita rikäyäshurnikim tantiyayanqa Dios Yaya munanqannö kawakunqaykita. 16Cuidädutaq jutsata rurayankiman. Tsaynölla cuidädutaq mana allikunata yachatsikunkiman. Rasun kaqllata yachatsikur Dios Yaya munanqannölla imaypis kawakuy. Tsaynö kawakurmi kikikipis salvakanki y yachatsinqaykita wiyaqkunapis salvakäyanqa.

Currently Selected:

1 Timoteo 4: qxn

Highlight

Copy