ZEKALIYA 11
11
1Ove Levanone, Sokolola mapito ove, mangana kakahya kalyenga mixitale yove.
2Ove munjunga, kalwomwoka, mwomwo muxitale unapakuka lyehi, mwomwo eyi yayilemu vanayenyeka lyehi. Enu mivalyu yakuMbaxane, kalwomwokenu, mwomwo musenge wangolo unaxikumuka lyehi.
3Kuli vyema vyakukalwomwoka catufunga! mwomwo lufuma lwavo vanalwenyeka lyehi, xikaho. Kuli vyema vyakukumbwoka camyevu javandumba, mwomwo #Yele. 12.5.utangalaji waYotau vanawenyeka lyehi, xikaho.
Tufunga vamokomoko
4Kalunga kami Yehova nambe ngwenyi, Lisanga vimuna vavandende ava #Samu 44.22.veji kuhondanga,
5ava veji kuhondanga kuli vakaka javo, kaha navalimona ngwavo, #Yele. 50.7.Katwexi namulongako, kahava veji kuvalanjisanga navalyamba ngwavo, Vamukisulenga Yehova, mwomwo tuvaka-luheto, xikaho. Kaha cipwe tufunga twavo kavexi kuvatetelako.
6Mwomwo kangwexi kuvatetela ceka ava vatwama mulifuciko. Mukiko mwanambe Yehova. Ngwenyi, Oloze kumana, nanguvahana malunga mutu himutu mulivoko lyamukwavo, namulivoko lyamwangana wenyi. Lifuci navakaliveta, kaha kangwexi kukavapululula mumavoko avoko.
7Ngoco vimuna vavandende ngwavalixilenga, ava vakuhonda, vimuna vavandende ava vakuhutwa. Ngwalimbacilile mikombo yivali. Umwe ngwaulukile ngwami, Upahu. Ukwavo ngwaulukile ngwami, Jifungo, kaha vimuna vavandende ngwavalixilenga.
8Vaze tufunga vatatu ngwavateteleko hakakweji youmwe, mwomwo ngwavevwilile vangu mumucima wami, kaha vangwivwilile unyengwe mumicima yavo, xikaho.
9Kaha ngwavambile ngwami, Kangwexi kumilisako. #Yele. 15.2.Ou mwafwa afwenga tuhu, kahou navatetako vamuteteko tuhu, kahava vanasaleho valyenga umwe naumwe nyama yamukwavo.
10Ngwakwacile mukombo wami Upahu, ngwauvatwile ngwa, mangana ngujihe luxiko lwami luze ngwalixikile lyehi navatu veka naveka vosena.
11Lwafwile halikumbi lize, kaha vimuna vavandende vakuhutwa vaze vangulaminenga vatacikijile ngwavo, Likiko lizu lyaYehova.
12Ngwavambile ngwami, Nge munamonomo mwamwaza, kaha nguhanenu fweto yami, nge pimbi, kaha litwaminenu. Ngoco vangupezalixilile fweto yami, #Mateu 26.15; 27.9, 10.jimbongo japalata makumi atatu.
13Yehova angwambile ngwenyi, Jimbile kuli #Mateu 27.3-10; Vili. 1.18, 19.tengi, oyo ndando yayikalu omu vangwesekelele. Kaha ngwambacile jize jimbongo japalata makumi atatu, ngwajimbilile kuli tengi muzuvo yaYehova.
14Kaha ngwavatwile mukombo wami ukwavo ngwa, ou Jifungo, mangana ngujihe wana wakwavo muli Y uta naIsalele.
15Jino Yehova angwambile ngwenyi, Limbacile ceka vyuma vyakafunga wakuhulama.
16Mwomwo tala, nangukemika kafunga mulifuci, ikiye kexi kukavalakana vaze vanateteko, kexi kukavatonda vaze vanalalukako, kexi kukavahindula vaze vanapazwojolako, kexi kukavalisa vavakanguleko, Oloze #Ezeke. 34.2-6.mwakalya nyama yavava vakununa, nakupulapula jisende javo.
17Mama lelo hali kafunga wauci, ou mwavaseza vimuna! Poko yamukwale nayikapwa halivoko lyenyi nahaliso lyenyi lyakucilyo. Livoko lyenyi nalikominyina lyakuminyina, kaha liso lyenyi lyakucilyo nalikafuvalala lyakufuvalala.
Currently Selected:
ZEKALIYA 11: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
