MAKO 9

1Kaha avambile ngwenyi, Camwenemwene nangumilweza ngwami, Muli ava vanemana kuno muli vamwe, kuvanga vanamono wangana waKalunga hakwiza nangolo, numbanyi vakamone kufwa.

Yesu mwalyalumuna mweka

(Mateu 17.1-13; Luka 9.28-36)

2Omu mwahicile makumbi atanu nalimwe, Yesu ayile #5.37; 13.3.naPetulu naYakova naYowano, akandukile navo hapili yakunyunga kwauka wavo. Kaha alyalumwine mweka kumeso avo.

3 # Mateu 28.3. Kuvwala cenyi calumukile nakuvyakuma vyakuvyaku, nakutoma zwalala, kakwexi muka-kutomesa mahina wahamavu nahase kutomesa mahina ngacizeko.

4Kaha kuli vakivo kwasolokele Elija naMose hamwe, vapwile nakuhanjika naYesu.

5Petulu ahanjikile nakumwamba Yesu ngwenyi, #9.5:Nge ngwenyi, Ove Muka-kunangula. Tala Yowa. 1.38.Ove Lapi, cinawahe kuli etu kutwamanga kuno. Tutunge visakila vitatu, cimwe cayOve, cimwe caMose, cimwe caElija.

6Mwomwo katacikijile mwakutwalilako, mwomwo valizuzukilile nawoma, xikaho.

7Kaha kwejile livwi, lyavazengaminyine, kaha #Petu. 2, 1.17-18; Mateu 3.17; Yowa. 12.28-29.mulivwi mwafumine lizu ngwenyi, Ou you Mwanami, Ou ngwazanga, mwivwililenunga Ikiye.

8Kaha kukasumuka, hakutala kwosena jingulwixi, kavamwene ceka mutu wekako, xina Yesu kaha ali navo hamwe.

9Omu vapwile nakuxikumuka hapili, #5.43; 7.36; 8.30; Mateu 8.4.avakanjile ngwenyi, Ovyo munamononyi, kanda mukavyambulula kuli mutuko, kuvanga Mwanamutu nasanguka lyehi kuvafu.

10Kaha cihande kana vacilamine, valihwojwelenga ngwavo, Oco kusanguka kuvafu, manganaco aya mulihi?

11Vamwihwile ngwavo, Nyi ikaze veji kwambilanga vaka-kusoneka? ngwavo, #Mateu 11.14.Kuvanga Elija nalivange kwiza.

12Ikiye avambile ngwenyi, Camwenemwene Elija mwalivanga kwiza, kaha mwakahaka ceka vyuma vyosena mutuhela twavyo. Kaha vasoneka muka hakumuvuluka Mwanamutu? ngwavo, #8.31; 9.31; 10.33; Mateu 16.21; 26.24.Kuvanga akayande navyuma vyavivulu, nakumulumbilisa kuli vatu.

13Oloze nangumilweza ngwami, Elija neza lyehi, kaha vanamulingi lyehi mwexomwo vasakilenga, nge muze vasoneka hakumuvuluka.

Yesu mwahindula mukweze ali naxipilitu wamupi

(Mateu 17.14-21; Luka 9.37-43)

14Vakivo hakuheta kuli tumbaji vakwavo, vamwene liyongomena lyalinene linavajingilika, kaha kwapwile vaka-kusoneka nakulihamika navo.

15Linwomu vene liyongomena lyosena hakumumona valihomokelele cikuma, kaha hinavalahila kuli Ikiye nakumumeneka.

16Avehwile ngwenyi, Muli nakulihamikila navo ika?

17Kuliyongomena kwapwile mutu umwe amukumbulwile ngwenyi, Ove muka-kunangula, ngunakunehela mwanami walunga, ali naxipilitu waumama.

18Kaha kwexokwo mwamukwacila, mwamumbila hamavu, kaha himwalinga lifululu mukanwa kenyi himwalingenjunga kumazo, kaha ali nakuya nakuhokama. Ngwahanjikanga kuli tumbaji twove ngwami, mangana vamulovoleyo, oloze kavahaxileko.

19Yesu avakumbulwile ngwenyi, Enu vaka-tanga yakuzeneka kufwelela! Nangutwamanga nenu palanga nakumwaka uka? Nangumiyanjilanga palanga nakumwaka uka? Ngunehelenuyo.

20Kaha vamutwalilileyo. Linwomu vene uze Xipilitu hakumumona amutunyixile uze mukweze cikuma, kaha uze mukweze alimbukilile hamavu nakulikocinga hamavu nalifululu mukanwa kenyi.

21Yesu amwihwile ise ngwenyi, Munahici lyehi myaka yingahi kufuma haze camuwanyinyine? Amwambile ngwenyi, Cakufuma naco muunyike wenyi.

22Kaha namumbili kakavulu namukakahya namumeya, mangana ngwenyi, amunongese. Oloze kaci nge unahase kulinga cuma cimwe, tuteteleko mwane nakutukafwako.

23Yesu amwambile ngwenyi, Ngwove, Kaci nge unahase! #11.22-24; Mateu 17.20; Luka 17.6.Vyuma vyosena vinahase kuli ou mwafwelela.

24Linwomu vene ise yayauze mwana atetele, kahambile ngwenyi, Ngunafwelela vene. Acingukafweko omu ngwazeneka kufwelela.

25Yesu hakumona kuli nakulahilako liyongomena, amuhanjikilile uze Xipilitu wamupi ngwenyi, Ove xipilitu waumama wakujika matwitwi, Ami ngunakulweze ngwami, mulovoke, kaha kanda ukamwingila cekako.

26Uze Xipilitu atetele nakumukonyesa cikuma, amulovokele, kaha uze mwanalunga apwile nge himufu, ngoco vavavulu Vambile ngwavo, Nafu lyehi.

27Oloze Yesu amukwacile kulivoko lyenyi, amuhindwile, kahemanyine.

28Omu alingile hanengila lyehi muzuvo, tumbaji twenyi Vamwihwile kwauka wavo ngwavo, Ikaze twahonenangetu kumulovola?

29Avambile ngwenyi, Ava vangana kavexi kuhasa kulovoka nacuma cekako, kuvanga nakulomba kaha nakulitwamina kulya.

Yesu mwavuluka ceka kufwa cenyi

(Mateu 17.22-23; Luka 9.43-45)

30Vafumine kuze, vapulasanyine muNgalileya, kaha kasakilenga mutu kucitacikizako.

31Mwomwo apwile nakuvanangula tumbaji twenyi ngwenyi, #8.31; 10.33.Navakamuhana Mwanamutu mumavoko avatu, navakamujiha, kahomu navakalinga hivanamujihi lyehi, omu namukahita ceka makumbi atatu, numbanyi akasanguke ceka.

32Oloze #Yowa. 12.16.cihande kana vacihuhwasanyine, kaha vapwile nawoma wakumwihulaco.

Iyaze ou ahambakana vakwavo?

(Mateu 18.1-5; Luka 9.46-48)

33Jino Vahetele kuKapelenau. Kahomu apwile muzuvo, avehwile ngwenyi, Mwapwanga nakulihwojola cuma muka mujila?

34Oloze vakivo vaholele kulu, mwomwo #Luka 22.24.valihamikanga jipami mujila ngwavo, Iyaze ou nahambakana vakwavo?

35Kaha atwamine, avasanyikile vaze likumi navavali, avambile ngwenyi, #10.43-44; Mateu 20.26-27; 23.11; Luka 22.26.Kaci nge mutu umwe nasake ngwenyi, apwenga wakulivanga, kaha apwenga wakukuminyina kuli vosena, apwenga muka-kuvazacila vakwavo vosena.

36Asanyikile mwana wamundende, amwimikile mukaci kavo. Omu alingile #16.16.hanamusate lyehi kumavoko enyi, avambile ngwenyi,

37 # Mateu 10.40. Wose mwetavila mwana wamundende umwe nge ou halijina lyami nangwitavilAmi. Kaha wose mwangwitavilAmi kexi kungwitavilAmiko, oloze namwitavila Uze angutumine.

Ou nakane kupwa netu nakole ali kuli etu

(Luka 9.49-50)

38Yowano amwambile ngwenyi, Ove Muka-kunangula, twamonanga mutu apwanga nakulovola vandemone mulijina lyove, kaha #Kula. 11.27-29.twamukandanga, mwomwo katukavangizetuko, xikaho.

39Oloze Yesu avambile ngwenyi, Kanda mukamukandako, mwomwo kakwexi mutu mwalinga vyangolo mulijina lyami, hikuhasa kumuvuluka waxi mwamupiko.

40 # Mateu 12.30. Mwomwou nakane kupwa netu nakole ali kuli etu, xikaho.

41 # Mateu 10.42. Mwomwo Wexowo mwakamihana lupasa lwameya akunwa mwomwo munapu muvatu jaKulixitu, Camwenemwene nangumilweza ngwami, kexi kukahona fweto yenyiko.

Kulimbwisa mukwenu

(Mateu 18.6-9; Luka 17.1-2)

42Oloze wose mwakalimbwisa umwe wakuli ava vavandende vakakufwelela kuli Ami, cinawahe kuli ikiye kaci vanamukaxilila lilolwa lyakucekesa unga lyalinene muxingo yenyi, nakumumbila mukalungalwiji.

43Kaha #Mateu 5.22.kaci nge livoko lyove nalikulimbwisa, livatulelyo. Cinawahe kuli ove kwingila kukuyoya ucitonji, kuhambakana kutwama namavoko ove avali nakuya nakwingila #Mateu 5.30. muNgehena, mukakahya kaze kakuzeneka kujima,

44muze vazeneka mavunu avo kufwa, muze #Mateu 3.12; 25.41.kazeneka kakahya kujima.

45Kaha kaci nge lihinji lyove lyeji kukulimbwisanga, livatulelyo. Cinawahe kuli ove kwingila nalihinji limwe kaha kukuyoya, kuhambakana kutwama namahinji ove avali nakukumbila muNgehena,

46muze vazeneka mavunu avo kufwa, muze kazeneka kakahya kujima.

47Kaha #Mateu 5.29; 18.9.kaci nge liso lyove lyeji kukulimbwisanga, litombongonyemo. Cinawahe kuli ove kwingila naliso limwe kaha muwangana waKalunga, kuhambakana kutwama nameso ove avali nakukumbila muNgehena,

48 # Isa. 66.24. muze vazeneka mavunu avo kufwa, muze #v. 43.kazeneka kakahya kujima.

49Mwomwo mutu himutu navamutova mungwa wakakahya.

50Mungwa uyema, oloze #Mateu 5.13; Luka 14.34-35.kaci nge mungwa unasamuka lyehi, namukauyemesa ceka naka? #Kolo. 4.6.Pwenunga namungwa muli enu, kaha #Loma 12.18; Koli. 2, 13.11; Teso. 1, 5.13.twamenunga mukuunda navakwenu.

Currently Selected:

MAKO 9: LUE70

Highlight

Copy