MAKO 14

Vakulwane navamutwama Yesu punga

(Mateu 26.1-5; Luka 22.1-2; Yowa. 11.45-53)

1Jino omu mwahicile makumbi avali, kwapwile ciwanyino capaseka najimbolo jakuzeneka cimbalwila. Kaha vapilixitu vavalemu navaka-kusoneka #Mateu 12.14.vasakilenga ngwavo, vawane mwakumukwacila namakuli, mangana ngwavo, vamujihe.

2Mwomwo vambilenga ngwavo, Kanda cipwa haciwanyinoko, kucina pamo kukatula cizungo muli vatu.

Navamuwavisa Yesu kuMbetane

(Mateu 26.6-13; Yowa. 12.1-8)

3 # Luka 7.37-39. Kahomu apwile kuMbetane muzuvo yayauze muka-mbumba Ximona, omu apwile hanasendavala kumesa, kwejile pwevo apwile nasaji yalilolwa lyaunga #Mateu 26.6-7; Yowa. 12.3.yamaji analatu akutomesa, andando yayinene cikuma. Yize saji ayituvile, awahingunwinyine kumutwe waYesu.

4Oloze kwapwile vamwe vevwile kupihya cikuma mumicima yavo ngwavo, Awa maji kana nawamwangila ika ngana?

5Ngwavo, Mwomwo maji awa kaci vawalandanga ndando yakuhambakana #14.5:Tala 6.37.jindenali makulukaji atatu nakuvahana vaka-kuhutwa.

6Oloze Yesu avambile ngwenyi, Mwecenu! Ikaze muli Hakumuyanjixila ngana? Nazate milimo yamwaza hali Ami.

7Mwomwo #Luxi. 15.11.vaka-kuhutwa mwatwama navo makumbi osena, kaha hexoho munasakila namuhasa kuvalingila vakivo mwamwaza. Oloze Ami cexi kutwamanga nenu makumbi osenako.

8Ikiye nalingi eci nahase, mwomwo nalivange kuwavisa mujimba wami #Yowa. 19.40.nakungulongesela hakungufunda.

9Camwenemwene nangumilweza ngwami, Kwexokwo navakambulula mujimbu wamwaza kumafuci osena, neci nawa nalingi uno pwevo nawa navakacivuluka nakumwanukilaho.

Yuta mwetava kumusolola Yesu

(Mateu 26.14-16; Luka 22.3-6)

10Kaha Yuta Isakalyote, apwile #Yowa. 6.71.uze wakusokesa muli vaze likumi navavali, ayile kuli vapilixitu vavalemu mangana ngwenyi, akamusolole kuli vakivo.

11Vakivo hakucivwa vawahililile, valixikile nenyi kumuhana jimbongo. Kaha asakilenga ngwenyi, amone hamwaza hakumusolwela kuli vakivo.

Yesu mwalya paseka natumbaji twenyi

(Mateu 26.17-29; Luka 22.7-23; Yowa. 13.21-30; Koli. 1, 11.23-26)

12Halikumbi lyaciwanyino cajimbolo jakuzeneka cimbalwila lyatete, #Luxi. 16.5.lize vajihilenga paseka, tumbaji twenyi vamwihwile ngwavo, Unasake ngwove, tuye kulihi tukalongeseleko mangana ukalileko paseka?

13Atumine tumbaji twenyi vavali avambile ngwenyi, Yenunga munganda, kaha namukawana mutu nambate mulondo wameya. Kamukavenu,

14kaha mwexomwo mwakengila, kamwambuliienu mwenyazuvo ngwenu, Muka-kunangula nehula ngwenyi, Zuvo yami yavangeji yilihi, omwo natulila paseka natumbaji twami?

15Kaha ikiye mwakamilweza zuvo yahelu yakulongesa lyehi yayinene navyuma muvili. Katulongeselenu muze.

16Tumbaji twenyi vayile munganda, vawanyine nge mwamuze avalwezele, kaha valongesele paseka.

17Hakulembalemba calikumbi, ejile navaze likumi navavali hamwe.

18Kahomu vapwile hivanasendavala lyehi kumesa nakulya, Yesu avambile ngwenyi, Camwenemwene nangumilweza ngwami, #Samu 41.9.Minenu umwe mwangusolola kuli vaka-kole, ou vene nguli nakulya nenyi.

19Vaputukile kunyengetela, nakumwihula umwe naumwe ngwenyi, Yami tahi, nyi?

20Ikiye avambile ngwenyi, Ikiye wakusokesa muli enu likumi navavali, ou ali nakutata hacenga cimwe nayAmi.

21Mwomwo Mwanamutu mwaya kwenyi, nge muze vasoneka hakumuvuluka. Oloze mama lelo hali mutu uze mwamusolola Mwanamutu kuli vaka-kole! Cawahile kuli mutu kana kaci kasemukileko.

22Omu vapwile nakulya, #6.41; 8.6; Luka 24.30.Yesu anonele mbolo, ayiwahixile, ayipuzwile, avahanyineyo, avambile ngwenyi, Tambulenu, ou mujimba wami.

23Anonele lupasa nawa, asakwililile, avahanyinelwo, kaha vosena vanwinemo.

24Avambile ngwenyi, Awa #Kulo. 24.8; Hepe. 9.20.manyingami akuxikeci cacihya, akuhicisa hali vavavulu.

25Camwenemwene nangumilweza ngwami, Kangwexi kukanwa ceka wala wamihako yavinyoko, kuvanga halikumbi lize kaha haze nangukaunwa wauhya muwangana waKalunga.

Yesu mwamulweza Petulu omu mwamuhamikila

(Mateu 26.30-35; Luka 22.31-34; Yowa. 13.36-38)

26Omu valingile hivanembi lyehi mwaso, valovokele, vayile kupili yaMilive.

27Kaha Yesu avambile ngwenyi, #Yowa. 16.32.Enu muvosena namulimbuka, mwomwo vasoneka ngwavo, #Zeka. 13.7.Kafunga nangukamuveta, kaha mikoko navakavapuzumuna.

28Oloze omu nangukalinga hingunasanguka lyehi, #16.7.nangukaya kulutwe lwenu kuNgalileya.

29Oloze Petulu amwambile ngwenyi, Cipwe nge vosena navalimbuka, aminyi nduma.

30Yesu himwamwamba ngwenyi, #v. 66-72; Yowa. 13.36-38; 18.17-18, 25-27.Camwenemwene nangukulweza ngwami, Lelo lino, ufuku uno, ximbu kanda ndemba ahanjike kavali, ove naunguhamikila katatu.

31Oloze ikiye ahanjikilenga cikuma nangolo ngwenyi, Cipwe nge Catelami kufwila nayOve hamwe, cipwe ngoco kangwexi kwiza kukakuhamikilako. Mukiko muvambile navakwavo vosena nawa.

Yesu mwalomba kuNgetesemane

(Mateu 26.36-46; Luka 22.39-46)

32 # Hepe. 5.7-8. Jino Vahetele kuma kuze vavuluka ngwavo, kuNgetesemane. Kaha avambile tumbaji twenyi ngwenyi, Twamenu kuno ximbu nangulomba.

33Ayile naPetulu naYakova naYowano, kaha aputukile kulihomokela cikuma nakulihohoma.

34Kaha himwavamba ngwenyi, #Mateu 26.38; Yowa. 12.27.Mwono wami uli nakulyonyinga cikumakuma, nge kufwa kaha. Salenu kuno, tonenunga.

35Aswenyele cacindende kulutwe, alimbilile hamavu, alombele ngwenyi, Kaci nge Cinahase lwola kana lungufume.

36Kahambile ngwenyi, #Loma 8.15; Ngale. 4.6.Apa, Ove Tata, vyuma vyosena vinahase kuli Ove. Acingufumise #10.38; Yowa. 18.11.lupaselu. Oloze kanda ulinga mwaya mucima wayAmiko, xina mwaya mucima wayOve kaha.

37Kaha himweza, kuvawana vali mutulo. Amwambile Petulu ngwenyi, Ove Ximona, kumana, uli mutulo? Kawahaxile kutona cipwe lwola lumweko tahi?

38 # Mateu 6.13; Luka 11.4. Tonenunga, lombenunga, kucina namwingila mukumyeseka. Xipilitu yamutu yinazange vene, oloze cisemwa cahamavu cinahehela.

39Kaha aswenyeleko ceka, alombele nakuhanjika ceka mazu wowamwe.

40Ejile ceka nawa kuvawana vali mutulo, mwomwo meso avo alemene cikuma natulo, xikaho. Kaha kavamwene mwakumukumbulwilako.

41Ejile kamucitatu avambile ngwenyi, Jino Savalenu tuhu tulo, nokenu. Kunahu, lwola lunahete lyehi. Talenu, Mwanamutu navamuhana kumavoko avaka-xili.

42Hindukenu, tuyenu, talenu, ou mwangusolola kuli vaka-kole ali hakamwihi.

Yesu navamusolola, navamukasa

(Mateu 26.47-56; Luka 22.47-53; Yowa. 18.2-11)

43Linwomu vene, ximbu apwile acili nakuhanjika, naYuta hiwe, apwile wakusokesa muli vaze likumi navavali, naliyongomena lyavatu hamwe vapwile najipoko jamikwale najimbweci, vafumine kuli vapilixitu vavalemu navaka-kusoneka navakulwane.

44Jino uze amusolwele alingile hanavalweze lyehi katacikijilo ngwenyi, Wexowo nangukasweswenya, Ikiye venyowo, mukwatenu mumutwale kanawa.

45Linwomu vene hakwiza ayile kuli Ikiye, amwambile ngwenyi, Ove #14.45:Tala 9.5.Lapi! kaha amusweswenyele cikuma.

46Kaha vakivo vamwolwelele mavoko avo, vamukwacile.

47Oloze kuli vaze vemanyineko umwe asolomwene poko yenyi yamukwale, avetele ndungo yakapilixitu wakulitulaho, amuvatwile litwitwi lyenyi.

48Yesu ahanjikile nakuvamba ngwenyi, Munalovoka najipoko najimbweci nakungukwata nge kulovokela cihwanga?

49 # 12.35; Luka 19.47; Yowa. 18.19-21. Ngunapunga nenu mutembele hakumbi hakumbi nakunangula vatu, oloze kamwangukwacileko. Oloze mangana Mazu-vasoneka alumbunuke.

50Kaha tumbaji twenyi vosena vamusezele, vacinyine.

Mwanalunga uze acinyine

51Kwamukavile mwanalunga, alijingilikile lihina lyalinyu kaha mumujimba wenyi. Kaha vamukwacile.

52Oloze lize lihina lyalinyu alisezele, acinyine uselesele.

Yesu mwemana kumeso avakulwane

(Mateu 26.57-68; Luka 22.54, 63-71; Yowa. 18.12-14, 19-24)

53Vamutwalile Yesu kuli kapilixitu wakulitulaho, kaha vapilixitu vavalemu vosena navakulwane navakakusoneka vakungulukile naIkiye hamwe.

54Petulu amukavile munyimanyima cikuma, swi namucipango cakapilixitu wakulitulaho, kaha jino apwile hanatwame natupitau hamwe nakwotela kakahya.

55Vapilixitu vavalemu #14.55:Tala 13.9.navakasunendeline vosena vasakilenga unjiho wakumuhanyina Yesu mulonga mangana ngwavo, vamujihe. Oloze kavauwanyineko.

56Mwomwo kwejile vavavulu vambulwile unjiho wakumuvangila, kaha unjiho wavo kawayile mumweko.

57Kaha kwakatukile vamwe nawa, vambulwile unjiho wakumuvangila

58ngwavo, Etu twamwivwile hakwamba ngwenyi, #13.2; 15.29; Vili. 6.14; Yowa. 2.19.Zuvo yajila yino yakutunga namavoko, Ami nangukayixiula, kaha hamakumbi atatu nangukatunga yeka yakuzeneka kutunga namavoko.

59Kaha cipwe ngoco unjiho wavo kawayile mumweko.

60Kapilixitu wakulitulaho emanyine mukaci, amwihwile Yesu ngwenyi, Kawexi kuvakumbulula cipwe lizu limweko tahi? Unjiho kana vanavulukava hali ove unapu ngacilihi?

61Oloze Ikiye #Mateu 26.63.aholele kulu, kamukumbulwile cipwe lizu limweko. Ceka nawa kapilixitu wakulitulaho amwihwile ngwenyi, Ove yove Kulixitu MwanayOu-vakisula tahi?

62Yesu amwambile ngwenyi, Yami vene. Ngwenyi, Kaha Mwanamutu namukamumona #13.26; Ndanye. 7.13.hanatwame kulivoko lyaNgolo lyacilyo, ali nakwiza namavwi amwilu.

63Kapilixitu wakulitulaho #Vili. 14.14; Kula. 14.6.apulile mahinenyi, ambile ngwenyi, Nyi ikaze nawa natusakila ceka vinjiho veka?

64Munevuko lyehi #Levi 24.16.omu nasaula Kalunga. Munaxinganyeka muka? Kaha vosena Vamuhanyine mulonga ngwavo, Nalikokela kufwa.

65Vamwe vaputukile #10.34; Mateu 26.67.kungufwijila maleji, nakumujicika lihina hameso enyi, nakumulukula jikonyi, nakumwamba ngwavo, #Mateu 26.68; Luka 22.64.Hanjika mazu aupolofweto. Kaha tupitau vamukwacile, vamuvetele jimbanda.

Petulu mwamuhamikila Yesu

(Mateu 26.69-75; Luka 22.55-62; Yowa. 18.15-18, 25-27)

66Omu apwile Petulu mucipango kumavu, kwejile mwanapwevo ukweci vakwavo vandungo jakapilixitu wakulitulaho,

67kaha hakumumona Petulu #v. 54.ali nakwotela kakahya, amutalile, amwambile ngwenyi, Nayove nawa wapwanga naYesu wakuNazaleta.

68Oloze ikiye alihamikile ngwenyi, Kangwatacikizeci unavulukoveko, cipwe kungulumbunukila nduma. Alovokele namusenge, kaha ndemba ahanjikile welewewe.

69Uze mwanapwevo amumwene, aputukile kuvamba ceka vaze vemanyineko ngwenyi, Ou minavo.

70Oloze ikiye alihamikile ceka. Hakuximbula cacindende, vaze vemanyineko vamwambile ceka Petulu ngwavo, Mwamucano vene ove uminavo, mwomwo #Mateu 26.73.uwakuNgalileya.

71Oloze aputukile kulyangula nakulixinga ngwenyi, Mutu ou muli nakunguvulukila kangwamwijivako.

72Linwomu vene ndemba himwahanjika kamucivali. Kaha Petulu anukile lizu lize omu vamwambile kuli Yesu ngwenyi, #v. 30.Ximbu kanda ndemba ahanjike kavali, naunguhamikila katatu. Hakulixinganyeka, alilile.

Currently Selected:

MAKO 14: LUE70

Highlight

Copy