MATEU 6
6
Yesu mwavuluka kulinga nalikoji
1Lilamenunga, vilinga vyenu vyakwoloka #23.5.kanda mukavilingila kumeso avatu mangana ngwenu, vamimoneko, mokomoko kamwexi nafweto yenu kuli Senu ali mwiluko.
2Xikaho, cosena naulinga nalikoji, kanda wimba luneta kulutwe lwoveko, nganomu veji kulinganga vakakulyonga #6.2:Tala 4.23.mujisunangonga nakujijila, mangana ngwavo, vavatohwesenga kuli vatu. Camwenemwene nangumilweza ngwami, Fweto yavo vanayitambula lyehi.
3Oloze ove hakulinga nalikoji, livoko lyove lyacimoswe kanda likatacikizomu lili nakulinga livoko lyove lyacilyoko.
4 #
Kolo. 3.23-24. Mangana likoji lyove lipwenga lyakupenge, kaha Iso Ou eji kutalanga kupenge mwakakufweta.
Yesu mwavuluka kulomba
(Luka 11.2-4)
5Kaha nawa, cose namulomba, kanda mufwana nge vaka-kulyongako. Mwomwo vazanga kulomba hakwimana mujisunangonga nakumakanyiko ajijila, mangana ngwavo, vavamone kuli vatu. Camwenemwene nangumilweza ngwami, Fweto yavo vanayitambula lyehi.
6Oloze ove cose naulomba, ingila kuzuvo yove yakusongo, kahomu nausokako, lomba kuli Iso ali kupenge, kaha Iso Ou eji kutalanga kupenge mwakakufweta.
7Enu hakulomba kanda muhitamo tuhu kakavulu, nganomu veji kulinganga vaka-mafuci ekako, mwomwo vanaxinganyeka ngwavo, #Vamya. 1, 18.25-29.Navatwivwa hakuhanjika cetu mazu amavulu.
8Xikaho kanda mufwana nge vakivoko, mwomwo #v. 32; Luka 12.30.vize munahono Senu navitacikiza ximbu kanda mumulombevyo.
9 #
Luka 11.2-4. Xikaho enu lombenunga ngwenu, Ove Setu uli mwilu, vajilile lijina lyove.
10Wangana wove wize. Mwaya mucima wove vakalingemo hamavu nganomu veji kulingilangamo mwilu.
11Tuhane lelo kulya cetu calikumbi lyalelo lino.
12Tukonekele mikuli yetu nganomu tunakonekeletu nawa vakamikuli yetu.
13Kanda ututwala mwakutwesekako, oloze #Teso. 2, 3.3; Yowa. 17.15; Yako. 1.13.tuyovolenga kuli #5.37.uze wamupi. Mwomwo wangana unapu wayOve, nangolo, naupahu, nahaya myaka yosena. Amene.
14 #
18.35; Mako 11.25-26; Efwe. 4.32; Kolo. 3.13. Mwomwo kaci nge namuvakonekela vakwenu vatu havilinga vyavo vyakuhingika, kaha Senu wamwilu mwamikonekela nayenu nawa.
15Oloze kaci nge kamwexi kuvakonekela vakwenu vatu havilinga vyavo vyakuhingikako, kaha Senu nawa kexi kumikonekela havilinga vyenu vyakuhingikako.
Yesu mwavuluka kulitwamina kulya
16Kaha nawa, #Isa. 58.5.cose namulitwamina kulya, kanda mufwana nge vaka-kulyonga nakuhomba kumeso enuko. Mwomwo vakivo veji kulipihisanga kumeso avo, mangana ngwavo, vasoloke kuli vatu nomu vali nakulitwamina kulya. Camwenemwene nangumilweza ngwami, Fweto yavo vanayitambula lyehi.
17Oloze ove hakulitwamina kulya, liwavise kumutwe wove, sana kumeso ove,
18 # v. 4, 6. mangana uzeneke kusoloka kuli vatu nomu uli nakulitwamina kulya, xina kuli Iso kaha ali kupenge, kaha Iso Ou eji kutalanga kupenge mwakakufweta.
Luheto lwamwilu
(Luka 12.32-34)
19Kanda mukalilunjikila luheto hano hamavuko, hano veji kulwenyekanga tututu naxingwe, hano veji kutuvanga veji nakwingilamo nakwiva.
20Oloze #Mako 10.21; Cimo. 1, 6.17-19; Yako. 5.1-3.lilunjikilenunga luheto mwilu, muze vahona cipwe tututu cipwe xingwe kulwenyeka, muze vahona veji kutuva nakwingilamo nakwiva.
21Mwomwo kuze kuli luheto lwove, kwakuze vene nakupwanga namucima wove nawa.
Linongo lyamujimba
(Luka 11.33-36)
22Linongo lyamujimba likiko liso. Xikaho kaci nge liso lyove #6.22:Mokomoko ngwenyi, Kaci nge linapu lyalambwe.linatale mumwe kaha, kaha mumujimba wove wosena namupwa kumunyika lika.
23Oloze nge #20.15; Mako 7.22.liso lyove linapihi, kaha mujimba wove wosena naupwa milima lika. Xikaho kaci nge kumunyika kana cili muli ove cinapu milima, milima kana oco kwilava!
Kalunga naluheto
(Luka 16.13)
24Mutu naumwe pimbi mwahasa kuzacilanga vakaka jenyi vavaliko. Mokomoko mwahunga umwe nakuzanga mukwavo, mokomoko mwalipanjika naumwe nakulumbilisa mukwavo. Kamwexi kuhasa kumuzacilanga Kalunga naluheto hamweko.
Kuzakama
(Luka 12.22-31)
25 #
Fwili. 4.6; Petu. 1, 5.7. Xikaho nangumilweza ngwami, Kanda muzakamina myono yenuko ngwenu, Natulya ika? ngwenu, Natunwa ika? cipwe kuzakamina mijimba yenu ngwenu, Natuvwala ika? Mwono kawalema kuhambakana kulyako numba? namujimba kawalema kuhambakana vyakuvwalako numba?
26 #
10.29-31. Talenu tujila vahelu, mwomwo kavexi kukuvako, kavexi kwahako, kavexi kukungulwila muviseteko, Oloze Senu wamwilu eji kuvalisanga. Kahenu kamwalema kuvahambakanako numba?
27Muli enu iyaze hakulizakamina mwahasa kulihakila #6.27:Kuvite yimwe yapwile kafwe citenda camukonekelo.kuvite yimwe kucivuvu cenyi?
28Nyi ikaze mweji kuzakaminanga vyakuvwala? Nyingililenu jitemo jamuvipapa nomu jeji kukulanga. Kajexi kuzazatako, kajexi kuhosako.
29Oloze nangumilweza ngwami, Cipwe #Vamya. 1, 10.4-7.Solomone naupahu wenyi wosena kavwalile kuvwala cimwe cakulita natemo yimweko.
30Xikaho kaci nge Kalunga eji kuvwikanga mwila wamuvipapa ngoco, ou naupwako lelo kaha, hamene hinavaumbila mujiko, kaha kexi kuhambakana cikuma kumivwikenuko numba? #8.26; 14.31; 16.8.enu vaka-kufwelela cacindende kaha.
31Xikaho kanda muzakamako ngwenu, Natulya ika? ngwenu, Natunwa ika? ngwenu, Natuvwala ika?
32Mwomwo vyuma vyosenevi vakamafuci eka veji kuvisakasakanga. Mwomwo Senu wamwilu natacikizomu mwasaka vyuma vyosenevi, xikaho.
33Oloze vangilenu kusakanga wangana wenyi nakwoloka cenyi, kaha #19.28; Mako 10.29-30; Luka 18.29-30; Cimo. 1, 4.8.vyosenevi navakamihakilavyo.
34Xikaho kanda muzakamina likumbi lyahameneko, mwomwo likumbi lyahamene nalikalizakamina livene. Lupi lwalikumbi limwe lunatemo halikumbi lyalwo.
Currently Selected:
MATEU 6: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
