MATEU 5
5
Yesu mwambulula mazu hapili
(Luka 6.20-23)
1Hakuwamonaze mayongomena, akandukile hapili. Omu alingile hanatwame lyehi, tumbaji twenyi vapandamine kuli Ikiye.
2Kaha alokolwele mukanwa kenyi nakuvanangula ngwenyi,
3 #
Mako 10.14. Vanatokwava vanasuvala mujixipilitu javo, mwomwo wangana wamelu unapu wavakivo, xikaho.
4 #
Isa. 61.2. Vanatokwava vali nakulixona, mwomwo vakivo #Kuso. 7.17.navakavavendejeka, xikaho.
5 #
Samu 37.11. Vanatokwava vavavwovu, mwomwo vakivo navakaswana mafuci ahamavu, xikaho.
6 #
Isa. 55.1-2; Yowa. 4.14; 6.48-51. Vanatokwava veji kwivwanga zala nalipwila lyakwoloka, mwomwo vakivo navakavekucisa, xikaho.
7 #
Yako. 2.13. Vanatokwava veji kutetelanga vakwavo, mwomwo vakivo nawa navakavatetela, xikaho.
8 #
Samu 24.4. Vanatokwava vanatomo mumicima, mwomwo vakivo #Hepe. 12.14; Yowa. 1, 3.2; Kuso. 22.4.navakamumona Kalunga, xikaho.
9Vanatokwava veji kuholesanga kole, mwomwo vakivo #Luka 6.35.navakavavuluka ngwavo, vana vaKalunga, xikaho.
10 #
Petu. 1, 3.14; 4.14. Vanatokwava vanayanjixila hakwoloka, mwomwo wangana wamelu unapu wavakivo, xikaho.
11Munatokwa omu navamitoleka nakumiyanjisa nakumivangijikila navyuma vyavipi vyeka navyeka vyosena hali Ami.
12Wahililenunga, kinyinyinenunga, mwomwo fweto yenu yinapu yayinene mwilu, mwomwo #Miji. 2, 36.16; Mateu 23.37; Vili. 7.52; Teso. 1, 2.15; Yako. 5.10.mukiko vene muvavayanjixile nawa vapolofweto vaze valivangile ximbu mwapwilenu mwauciko.
Mungwa wamafuci ahamavu
13Enu munapu mumungwa wamafuci ahamavu. #Mako 9.49-50; Luka 14.34-35.Oloze kaci nge mungwa unasamuka lyehi, navauyemesa ceka naka? Kawexi kuwahisa ceka cumako, kunasale kuumbila tuhu kuweluka nakuulyatangila kuli vatu.
Musana wavaka-mavu
14 #
Efwe. 5.8; Fwili. 2.15; Yowa. 8.12. Enu munapu mumusana wavakamavu. Kavexi kuhasa kusweka limbo lyakutunga helu lyapiliko.
15 #
Luka 11.33; Mako 4.21. Kaha nawa, kavexi kuwika linongo nakulifwikila mumbangoko, oloze navalihaka halitanda lyalyo, kaha nalivamunyikila vosenava vali muzuvo.
16Kumunyika cenu nawa amunyikenga ngoco kumeso avatu, mangana #Petu. 1, 2.12.vilinga vyenu vyamwaza vavimonenga, vamutohwesenga Senu ali mwilu.
Yesu mwavuluka Jiximbi jaKalunga
17Kanda muxinganyeka ngwenu, nguneza nakwenyeka cipwe Jiximbi cipwe mazu avapolofwetoko. Cejile nakuvyenyekako, oloze mangana ngwami, nguvitesemo.
18Mwomwo camwenemwene nangumilweza ngwami, #24.35; Luka 16.17; Mako 13.31.Palanga nomu navikahita lilu namavu, kakwexi sona yayindende yimwe, cipwe kamukila kasona kamwe nakakahita kuJiximbiko, kuvanga vyuma vyosena vinasoloka kaha.
19Xikaho wose mwazeyesa luximbi lumwe lwahajeji jikwavo jajindende, nakunangula vatu ngoco nawa, ikiye vene navakamuvuluka ngwavo, wamokomoko cikuma muwangana wamelu. Oloze wose mwajilinga nakujinangula vakwavo nawa, ikiye navakamuvuluka ngwavo, wamulemu muwangana wamelu.
20Mwomwo nangumilweza ngwami, Kuvanga kwoloka cenu cinahambakaneci cavaka-kusoneka navaFwaliseu, mokomoko kamwexi kwiza kukengila muwangana wameluko.
Yesu mwavuluka ndombo
21Mwevwa lyehi muze vavalwezele vaka-xikulu ngwavo, #Kulo. 20.13; Luxi. 5.17.Kanda ukajiha mutuko, ngwavo, Wose mwajiha mutu mwalikokela kupaya.
22Oloze Ami nangumilweza ngwami, Wose mwakwacila ndumbwenyi ndombo mwalikokela kupaya. Kaha wose mwamba kuli ndumbwenyi ngwenyi, #5.22:Nge ngwavo, Ove umulumbi wamokomoko.Laka, mwalikokela kupaya cakumupayisa #5.22:Nge ngwenyi, Kuli vaka-zango. Sunendeline yapwile liuka lyavakulwane javaYuleya vakulitulaho.kuli vaka-sunendeline. Kaha wose mwamba ngwenyi, Ove ucileya, mwalikokela kumumbila #v. 29-30; 10.28; 18.9; 23.15, 33; Mako 9.43-49; Luka 12.5; Yako. 3.6.muNgehena yakakahya.
23Xikaho, kaci nge uli nakuhana wana wove kulijiko lyakulumbila, kaci nge nawanuka kuze ngwove, Ngunamuvulumuna ndumbwami,
24kaha useze wana wove kuze kulutwe lwalijiko lyakulumbila, yako, uvangile kuliwana ceka nandumbwove, numba wize uhane wana wove.
25 #
Luka 12.57-59. Ivwasana waxi namukwenu ou munalivulumuna nenyi, ximbu ucili nenyi mujila, kucina pamo mweza kulinga ou munalivulumuna nenyi mwakutwala kuli muka-kuyula, kaha muka-kuyula himwakuhana kuli liswalale, kaha hinavakuhaka muzuvo yaufunge.
26Camwenemwene nangukulweza ngwami, Kawexi kwiza kukalovokamo waxiko, kuvanga unamane kukuka pene yakukumisa mulonga.
Yesu mwavuluka ujila
27Mwevwa lyehi muze vambile ngwavo, #Kulo. 20.14; Luxi. 5.18.Kanda Ukalinga ujilako.
28Oloze Ami nangumilweza ngwami, Wose mwatala pwevo Hakumwivwila uvumbi nalingi lyehi nenyi ujila mumucima wenyi.
29 #
18.8-9; Mako 9.43-48. Jino kaci nge liso lyove lyacilyo lyeji kukulimbwisanga, litombongonyemo, mbilalyo. Mwomwo cinawahe kuli ove kunonge cuma cakumujimba wove cimwe, kuhambakana kumbila mujimba wove wosena #v. 22.muNgehena.
30Kaha kaci nge livoko lyove lyacilyo lyeji kukulimbwisanga, livatulelyo, mbilalyo. Mwomwo cinawahe kuli ove kunonge cuma cakumujimba wove cimwe, kuhambakana kumbila mujimba wove wosena muNgehena.
Yesu mwavuluka kutumbika mapwevo
31Vambile nawa ngwavo, #Luxi. 24.1-4.Wose mwatumbika pwevo lyenyi, amuhane mukanda wakujiha ulo.
32Oloze Ami nangumilweza ngwami, #Luka 16.18; Mako 10.11-12; Mateu 19.9; Koli. 1, 7.10-11.Wose mwatumbika pwevo lyenyi cakuzeneka mulonga waujila, mwamulingisa kupwa muka-ujila. Kaha wose mwambata pwevo vanatumbika lyehi mwalinga ujila.
Yesu mwavuluka kulixinga
33Ceka nawa, mwevwa lyehi muze vavalwezele vaka-xikulu ngwavo, #Levi 19.12.Kanda ukalixinga mwakwongako, Oloze ngwavo, #Kulo. 30.2; Luxi. 23.21.Ukalinga nganomu unalixingila kumeso aYehova.
34Oloze Ami nangumilweza ngwami, #Yako. 5.12.Kanda mukalixingako cipwe kamwe, cipwe kulixinga lilu nduma, mwomwo #Isa. 66.1; Vili. 7.49.likiko litanda lyaKalunga lyawangana, xikaho,
35cipwe kulixinga mavu nduma, mwomwo akiko citwamo camahinji enyi, xikaho, cipwe kulixinga Yelusalema nduma, mwomwo #Samu 48.2.yikiko nganda yaMwangana wamunene, xikaho.
36Kaha nawa, kanda ukalixinga mutwe woveko, mwomwo kawexi kuhasa cipwe kutomesa cipwe kwilavisa lukambu lumweko, xikaho.
37Oloze kuhanjika cenu cipwenga ngana kaha ngwenu, E, E, ngwenu, Nduma, Nduma. Mwomwo cexoco cakuhakilako kumazu awa cinafumu kuli #6.13; 13.19, 38; Yowa. 17.15; Efwe. 6.16; Yowa. 1, 2.13-14; 3.12; 5.18-19.uze wamupi, xikaho.
Kuzanga vaka-kole
(Luka 6.27-36)
38Mwevwa lyehi muze Vambile ngwavo, #Kulo. 21.24; Levi 24.20; Luxi. 19.21.Vakalinge liso naliso ndwa, nalizo nalizo ndwa.
39 #
Luka 6.29-30; Koli. 1, 6.7; Loma 12.17; Petu. 1, 2.19; Vixi. 24.29. Oloze Ami nangumilweza ngwami, Kanda mukemanyina mutu wamupiko, oloze wose mwakuveta halikili lyove lyacilyo, mwalumwine nalikwavo nawa.
40Kahou mwasaka ngwenyi, akusopese, ngwenyi, akutambule mbinja yove, mwitavile atambule nacikuto cove nawa.
41Wose mwakukanjikiza ngwenyi, uyenga nenyi tando yimwe, yako nenyi jivali.
42Ou mwakulomba, muhane, kahou mwasaka ngwenyi, alevane kuli ove kanda umutalisa nyimako.
43 #
Luka 6.27-28, 32-36. Mwevwa lyehi muze vambile ngwavo, #Levi 19.18.Muzangenga mukwenu, muhungenga muka-kole wove.
44Oloze Ami nangumilweza ngwami, #Vixi. 25.21-22.Vazangenunga vaka-kole jenu, #23.24; Vili. 7.60.valombelenungava vali nakumiyanjisa,
45mangana mupwenga muvana vaSenu ali mwilu, mwomwo likumbi lyenyi eji kulitutwisanga nahali vavapi nahali vamwenemwene, kaheji kutumanga vula nahali vaka-kwoloka nahali vaka-kuhenga.
46Mwomwo kaci nge namuvazangava vamizangenu, namumwenaho fweto yaka? Navaka-kukonga milambu nawa veji kulinganga ngoco nyi?
47Kaha kaci nge namuvameneka vandumbwenu kaha, munalingi ika kuhambakana vakwenu? Navakamafuci eka nawa veji kulinganga ngoco nyi?
48Xikaho enu #Levi 19.2.pwenunga muvakukupuka mwosena, nganomu apwa Senu wamwilu wakukupuka mwosena.
Currently Selected:
MATEU 5: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
