MATEU 13

Ciximo camuka-kukuva

(Mako 4.1-9; Luka 8.4-8)

1Halikumbi lize Yesu alovokele muzuvo, atwamine kwakamwihi nacijiva.

2Kuli Ikiye kwalihomenene mayongomena amanene, ngoco engilile muwato, atwaminemo, kaha lize liyongomena lyosena lyemanyine kucikulo.

3Ahanjikile vyuma vyavivulu naviximo kuli vakivo ngwenyi, Ivwenu! Muka-kukuva alovokele nakukuva mbuto.

4Ikiye hakukuva, jimwe jaholokelele kukulo yajila, kaha tujila vejile vajilile.

5Jikwavo jaholokelele kwapwile malolwa, kuze kwazenekele mavu amavulu. Kaha linwomu vene jasokele, mwomwo kajapwile namavu amavuluko, xikaho.

6Oloze cosena lyacele likumbi, japapukile, kaha mwomwo kajapwile namijiko, xikaho jomine cau.

7Jikwavo jaholokelele hamingonga, kaha yize mingonga yakulile yajikivixile.

8Jikwavo jaholokelele mumavu amwaza, jeminenga, eyi likulukaji, eyi makumi atanu nalimwe, eyi makumi atatu.

9 # 11.15. Ou ali namatwitwi evwilile.

Oho Vanatetela Viximo kana

(Mako 4.10-12; Luka 8.9-10)

10Kaha tumbaji twenyi vapandamine kuli Ikiye, Vamwihwile ngwavo, Ikaze uli Hakuhanjikila naViximo kuli vakivo?

11Avakumbulwile ngwenyi, #19.11; 20.23; Luka 8.10; Yowa. 6.65; Yowa. 1, 2.20-27.Enu vanamihane kutacikiza mangana awangana wamelu akusweka, oloze vakivo kavavahanyinecoko.

12 # 25.29; Mako 4.25; Luka 8.18; 19.26. Mwomwo wose ali navyuma navamuwezelako, kaha mwakapwa navyakulisala. Oloze ou navizeneka, cipwe cize ali naco navakamutambulaco.

13Xikaho nguli nakuhanjika naviximo kuli vakivo, #Yele. 5.21; Ezeke. 12.12; Luxi. 29.4.mwomwo hakumona kavexi nakumonako, hakwivwa kavexi nakwivwako, cipwe kumona mwalumbunukila mangana.

14Kaha mazu aupolofweto waIsaya analumbunukila hali vakivo, awa akwamba ngwavo,

# Isa. 6.9-10; Mako 4.12; 8.18; Yowa. 12.39-41; Vili. 28.26-27; Loma 11.8. Hakwivwa namwivwa, oloze kamwexi kumona mwalumbunukila manganako.

Hakutala namutala, oloze kamwexi kumonako.

15Mwomwo micima yavatu ava yinanunu,

Matwitwi avo anajiki,

Meso avo vanalalavika,

Kucina pamo navakamona na meso avo

Nakwivwa namatwitwi avo Nakumona mwalumbunukila ma ngana mumicima yavo,

Nakwalumuka ceka N guvahindule.

16 # Luka 10.23-24. Oloze meso enu anatokwa, mwomwo ali nakumona, namatwitwi enu nawa, mwomwo ali nakwivwa.

17Mwomwo Camwenemwene nangumilweza ngwami, #Yowa. 8.56; Hepe. 11.13; Petu. 1, 1.10-12.Kwapwile vapolofweto navaka-kwoloka vavavulu vasakile ngwavo, vamone vyumevi muli nakumonenu, oloze kavayimweneko, vasakile ngwavo, vevwe vyumevi muli nakwivwenu, oloze kavavivwileko.

Yesu mwalumbununa ciximo camuka-kukuva

(Mako 4.13-20; Luka 8.11-15)

18Xikaho, enu ivwenu mwaya ciximo camuka-kukuva.

19Wexowo mwevwa mazu awangana cakuzeneka kumonomu alumbunukila, #5.37.uze wamupi himweza nakuwahukulawa vanakuu mumucima wenyi. Ou ikiye vene uze wakukuva kukulo yajila.

20Oloze ou wakukuva hamalolwa, ou ikiye vene uze mwevwa mazu, kaha linwomu mwawetavila nakuwahilila.

21Oloze kexi namiji muli iveneko, napu watando yayindende kaha. Kaha hakumona malwa, cipwe hakumuyanjixila hamazu, linwomu hanalimbuka lyehi.

22Ou wakukuva mumingonga, ou ikiye vene uze mwevwa mazu, kaha kuzakamina vyuma #Mako 4.19; Loma 12.2; Koli. 1, 1.20; 2.6, 8; 3.18; Koli. 2, 4.4; Ngale. 1.4; Efwe. 2.2.vyamyaka yino, #19.23; Cimo. 1, 6.9-10, 17.nakutangisa caluheto, navikivisa mazu, kaha himwapulikiza.

23Ou wakukuva mumavu amwaza, ou ikiye vene uze mwevwa mazu, kaha hinawamulumbunukila, ikiye mwemanga vene, eyi likulukaji, eyi makumi atanu nalimwe, eyi makumi atatu.

Ciximo camwila wamukaci katiliku

24 # Mako 4.26-29. Avatetele ciximo cikwavo nawa ngwenyi, Wangana wamelu vanaufwanyisa nge mutu akuvile mbuto jamwaza muwande wenyi.

25Oloze ximbu vapwile vatu mutulo, muka-kole wenyi ejile nakukuululamo mwila mukaci katiliku, hikuliyila kwenyi.

26Oloze omu jasokele mbuto nakwima, hahaze vene namwila nawa walumbunukile.

27Kaha vandungo jayauze mwenyazuvo vejile, Vamwihwile ngwavo, Ove mwata, muwande wove kawakuvilemo mbuto jamwazako tahi? Nyi ou mwila nawa unafumu kulihi?

28Avambile ngwenyi, Muka-kole nalingi cuma kana. Vandungo jenyi hinavamwihula ngwavo, Kaha unasake ugwove, tuyenga tukauvunyemo tahi?

29Oloze ikiye avambile ngwenyi, Nduma, kucina hakuvunya mwila namuvunyila natiliku namwila hamwe.

30Visezenu vyosena vivali vikulilenga tuhu hamwe palanga nahakwaha. Kaha hangonde yakwaha nangukamba kuli vaka-kwaha ngwami, Vangilenu kukungulula mwila, muukasekase mikuta muuwemese, oloze tilikunyi #3.12.yikungulwilenu mucisete cami.

Ciximo cambuto yamusetale

(Mako 4.30-32; Luka 13.18-19)

31Avatetele ciximo cikwavo nawa ngwenyi, Wangana wamelu unafwane #17.20; Luka 17.6.nge mbuto yamusetale, yize vanonele kuli mutu nakutumba muwande wenyi.

32Yikiko yakeha cikuma kujimbuto jikwavo josena, oloze hakukula nayitohwa kuhambakana visakwola vyosena, nayilinga kupwa mutondo, ngoco #Ezeke. 17.23; 31.6; Ndanye. 4.12.tujila vahelu hinaveza nakutwamanga kumitango yawo.

Ciximo cacimbalwila

(Luka 13.20-21)

33Avatetele ciximo cikwavo nawa ngwenyi, Wangana wamelu unafwane nge cimbalwila, cize Vanonele kuli pwevo nakucingasana #Kupu. 18.6.muvyesekelo vyaunga vitatu, #Ngale. 5.9.palanga nomu wafutunukile wosena.

Omu atetele Yesu viximo

(Mako 4.33-34)

34Vyuma vyosenevi Yesu avihanjikile naviximo kumayongomena. #Yowa. 10.6; 16.25.Kahanjikilenga cuma cipwe cimwe cakuzeneka ciximo kuli vakivoko.

35Mangana muze vahanjikile muli kapolofweto mulumbunuke ngwavo,

# Samu 78.2. Nangulokolola mukanwa kami nakuta Viximo,

Nangutufula vyuma vinapunga vyakusweka kufumisa kukwala cihela camavu.

Yesu mwalumbununa ciximo camwila wamukaci katiliku

36Haze vene mayongomena awasezele, engilile muzuvo. Tumbaji twenyi vapandamine kuli Ikiye, vamwambile ngwavo, Tulumbunwine oco ciximo camwila wamuwande.

37Avakumbulwile ngwenyi, Mukakukuva mbuto jamwaza Ivene Mwanamutu.

38Wande akiko vene mafuci ahamavu. Mbuto jamwaza, vakivo vene #8.12.vana vawangana. Mwila, vakivo vene #Yowa. 8.44; Vili. 13.10; Yowa. 1, 3.10. vana #v. 19.vayauze wamupi.

39Muka-kole aukuvile ikiye vene liyavolo. Hakwaha hakiko vene #v. 40, 49; 24.3; 28.20.hakukuma camyaka yino. Vakakwaha vakivo vene Vangelo.

40Xikaho, nganomu veji kukungululanga mwila nakuuwemesa nakakahya, mukiko vene munacikapwa hakukuma camyaka yino.

41Mwanamutu #Mateu 24.3.mwakavatuma vangelo jenyi, kaha vyuma vyakulimbwisa vyosena, navaze nawa veji kulinganga vyaupapwoki, navakavakungulamo muwangana wenyi

42nakuvambila mulilungu lyakakahya. #8.12.Mwamuze vene munavakapwanga nakulila nakulingenjunga kumazo.

43Haze vene numba vaka-kwoloka vakavyakumenga nge likumbi muwangana waSevo. #11.15.Ou ali namatwitwi evwilile.

Luheto lwakuvumbika

44Wangana wamelu unafwane nge luheto lwakuvumbika muwande, lukiko omu valuwanyine kuli mutu aluvumbikile ceka, kaha hakuwahilila cenyi ayile, alanjixile vyenyi vyosena, alanjile uze wande kana.

Pela yandando yayinene

45Ceka nawa, wangana wamelu unafwane nge muka-kusepa mwaya nakukulisa #13.45:Tala 7.6.jipela jamwaza.

46Hakuwana pela yimwe yandando yayinene cikuma, ayile nakulanjisa vyenyi vyosena, himwayilanda.

Lyoji lyacikokela

47Ceka nawa, wangana wamelu unafwane nge lyoji lyacikokela, lize vafucile mukalungalwiji, kaha vakucikililemo vaixi vamiyaci yosena.

48Likiko hakuzala, valikokelele kutunda, kaha vatwamine nakuvakungulwila vamwaza vamwaza mumitonga, oloze vamokomoko vamokomoko yavambilile.

49Mukiko vene munacikapwa hakukuma camyaka yino. Vangelo navakalovoka Hakuhandununa vavapi nakuvafumisa muli vakakwoloka.

50Kaha hinavakavambila mulilungu lyakakahya. #v. 42; 8.12.Mwamuze vene munavakapwanga nakulila nakulingenjunga kumazo.

Luheto lwaluhya nalwelu lwamwaka

51Vyuma vyosenevi vinamilumbunukila tahi? Vamukumbulwile ngwavo, Eyo mwane.

52Kaha avambile ngwenyi, Ngoco wose muka-kusoneka vananangula mwaya wangana wamelu nafwane nge mutu mwenyazuvo yenyi eji kulovolanga vyuma vyavihya navyuma vyamwaka kuluheto lwenyi.

Yesu navamukana kuNazaleta

(Mako 6.1-6; Luka 4.16-30)

53Kaha casolokele, #7.28; 11.1; 19.1; 26.1.omu alingile Yesu hanakumisa lyehi Viximo evi, afumine kuze.

54Kaha hakuheta kumahyenyi, avanangwile #13.54:Tala 4.23.musunangonga yavo, ngoco vakivo valihomokelele, valihwojwelenga ngwavo, Kulihize nawanyina mutu ou manganawa nevi vilinga vyangolo?

55Ou you mwanauze muka-kusonga maliva nyi? Kaha #12.46.naye vamuvuluka ngwavo, Maliya nyi? Navasongo jenyi vamalunga vavavuluka ou Yakova, ou Yosefwe, ou Ximona, ou Yuta nyi?

56 # Mako 6.3. Navasongo jenyi vamapwevo nawa tuli navo vosena nyi?

57Kaha #11.6.vamufutukilile. Oloze Yesu avambile ngwenyi, #Mako 6.4; Luka 4.24; Yowa. 4.44.Kapolofweto kexi kumona kavumbi kumahyenyi nakuzuvo yenyiko, xina kuvanga kweka kaha.

58Kaha kalingile vilinga vyangolo vyavivulu kuzeko, mwomwo vakanyine kwitava, xikaho.

Currently Selected:

MATEU 13: LUE70

Highlight

Copy