MATEU 14

Kufwa camuka-kumbapacisa vatu Yowano

(Mako 6.14-29; Luka 9.7-9)

1Hamakumbi aze nguvulu Helote evwile puho yaYesu,

2kahambile kuli vangamba jenyi ngwenyi, #16.14; Mako 8.28.You vene muka-kumbapacisa vatu Yowano. Ikiye nasanguka lyehi kuvafu, xikaho muli ikiye muli nakuzaciwa vilinga vyangolo evi.

3 # Mako 6.17-18; Luka 3.19-20. Mwomwo Helote amukwacile Yowano, #4.12; 11.2.amukaxile nakumupanjika muzuvo yaufunge, mwomwo hali Helociya, ou apwile pwevo lyandumbwenyi Fwilipu.

4Mwomwo Yowano amwambilenga Helote ngwenyi, #Levi 18.16; 20.21.Ove kutwama nenyi capwa cijila.

5 # Mako 6.19-29. Kahomu asakile ngwenyi, amujihe, evwile woma wavatu, mwomwo vamujinyinenga Yowano ngwavo, Kapolofweto, xikaho.

6Oloze omu lyahetele likumbi lyakwanuka kusemuka caHelote, mwanaHelociya wapwevo akinyine mukaci kavo, amwivwixile Helote kuwaha.

7Hoho vene alixingile nakumuxika kumuhana cose cuma mwalomba.

8Kaha ikiye hakumuxinjila kuli naye amwambile ngwenyi, Nguhane mutwe wamuka-kumbapacisa vatu Yowano kuno hacenga.

9Mwangana anyengetelele, oloze hakulixinga cenyi nahali vaze nawa asendavalile navo nakulya, xikaho ambile ngwenyi, vamuhanewo.

10Kaha atumine liswalale aye amutape Yowano muzuvo yaufunge.

11Mutwe wenyi vaunehele hacenga, vauhanyine kuli uze mwanapwevo, kaha autwalile kuli naye.

12Oloze tumbaji twaYowano vejile, vambacile civuvu, vacifunjile, hikuya nakumwambulila Yesu.

Yesu mwalisa vatu makombakaji atanu

(Mako 6.30-44; Luka 9.10-17; Yowa. 6.1-14)

13 # Mateu 15.32-38. Yesu hakucivwa afumine kuze muwato, ayile mupambo kwauka wenyi. Kaha mayongomena hakucivwa, vafumine kumembo avo, vayile mutunda nakumukava.

14Hakulovoka, amwene liyongomena lyalinene, kaha avevwilile keke, avatundwilile vakwavo vaka-kuviza.

15Hakulembalemba calikumbi tumbaji twenyi vapandamine kuli Ikiye, vamwambile ngwavo, Kuno kupambo, kaha nawa likumbi linahunguluka lyehi. Xikaho asuule mayongomena, mangana vayenga mumembo vakalilanjile vyakulya.

16Oloze Yesu avambile ngwenyi, Kacatela kuli vakivo kufumahoko. Vahanenu kulya venyenu.

17Vakivo vamwambile ngwavo, Katwexi nakulya ceka kunoko, xina tuli najimbolo jitanu kaha, navaixi vavali.

18Avambile ngwenyi, Vinehenu kuno kuli Ami.

19Avalwezele aze mayongomena kusendavala hamwila, jize jimbolo jitanu navaze vaixi vavali avitambwile, kaha atalile kwilu, #15.36; Mako 14.22; Luka 24.30.aviwahixile, apuzwile jize jimbolo, ajihanyine kuli tumbaji twenyi, kaha tumbaji twenyi vajihanyinehanyine kumayongomena.

20Vosena valile, vekucile. Kaha vihanda vize vasezeleho vavikungulwile, jimbango likumi najivali jato.

21Vaze valile vapwile malunga lika kafwe makombakaji atanu, namapwevo navanyike nawa.

Yesu mwatambuka helu lyameya amucijiva

(Mako 6.45-52; Yowa. 6.15-21)

22Linwomu Yesu avaxinjilile tumbaji twenyi kwingila muwato, mangana valivangengaho kulutwe lwenyi nakuya musali, ximbu mwacisuulaze mayongomena.

23Omu alingile hanawasuula lyehi mayongomena, #Mako 6.46; Luka 6.12; 9.28; Yowa. 6.15.akandukile kupili kwauka wenyi nakulomba. Kahomu lyalingile likumbi hilinalauka lyehi, apwile uka wenyi kuze.

24Oloze wato walingile hiunahete lyehi namukaci kacijiva, nakupindasana cikuma namakimba, mwomwo peho yahuhwile kufuma kulutwe lwavo, xikaho.

25Kaha mukuku lyakuca Yesu ayile kuli vakivo nakutambuka helu lyameya amucijiva.

26Tumbaji twenyi hakumumona ali nakutambuka helu lyameya amucijiva, valinyengele cikuma, #Luka 24.37.valyambile ngwavo, Ou mujimu. Kaha vatetumukile nawoma.

27Oloze linwomu vene Yesu ahanjikile kuli vakivo ngwenyi, #9.2.Likolezezenu, yami vene, #17.7; 28.5, 10; Mako 6.50; Luka 5.10; 12.32; Yowa. 6.20; Kuso. 1.7.kanda mwivwa womako.

28Petulu amukumbulwile ngwenyi, Ove Mwata, kaci nge yove vene, ngulweze ngwize kuli Ove helu lyameya.

29Ikiye amwambile ngwenyi, Twaya. Petulu afumine muwato, atambukile helu lyameya nakuya kuli Yesu.

30Oloze hakumona peho evwile woma, aputukile kulondomana, kaha atambakanyine ngwenyi, Ove Mwata, ngulwile!

31Kaha linwomu vene Yesu olwele livoko lyenyi, amukwacile, amwambile ngwenyi, #6.30; 8.26; 16.8.Ove muka-kufwelela cacindende kaha, ikaze wakakasanyinanga?

32Omu valingile hivanengila lyehi muwato, yize peho yatulile.

33Kaha vaze vapwile muwato valifukwile kuli Ikiye ngwavo, Mwamucano vene, Ove uMwanaKalunga.

Yesu mwahindula vaka-kuviza kuNgenesaleta

(Mako 6.53-56)

34Omu valingile hivanazauka lyehi, Vahetele kulifuci lyaNgenesaleta.

35Kaha malunga vakuze omu vamutacikijile vatumine vatu mulifuci lize mwosena jingulwixi, vamutwalilile vaka-kuviza vosena,

36vamulembelelelenga ngwavo, etave #Mako 3.10; Luka 6.19.vasalike kaha mavoko avo #9.20; Kula. 15.38.kuzombo jalihina lyenyi. Kaha vexovo vasalikileko Vahindukile valambwe.

Currently Selected:

MATEU 14: LUE70

Highlight

Copy