LUKA 4
4
Navamweseka Yesu
(Mateu 4.1-11; Mako 1.12-13)
1Jino Yesu akindulukile afumine kuYotau, azalile naXipilitu wajila, kaha Xipilitu amutwalile mupambo.
2Apwilenga #Luxi. 9.9; Vamya. 1, 19.8.makumbi makumi awana muze nakumwesekanga kuli liyavolo. Hamakumbi aze kalile cumako, kahomu alingile makumbi aze hyanahicimo lyehi, evwile zala.
3Jino liyavolo amwambile ngwenyi, Kaci nge uMwanaKalunga, amba lilolwa lino lyalumuke kupwa mbolo.
4Yesu amukumbulwile ngwenyi, Vasoneka ngwavo, #Luxi. 8.3.Mutu kexi kuyoyela hambolo kahako.
5Liyavolo amukandwixile hapili, kaha nganomu vene himwamulweza mawangana ahamavu osena.
6Liyavolo amwambile ngwenyi, Nangukuhanove wangana wosenou naupahu wawo, mwomwo #Yowa. 1, 5.19.vanguhanawo ami, kaha ngweji kuuhananga kuli wexowo nangusaka.
7Xikaho nge ove naulifukula kumeso ami, kaha wosena naupwanga wove.
8Yesu amukumbulwile ngwenyi, Vasoneka ngwavo, #Luxi. 6.13.Mulemesenga Yehova Kalunga kove, muzacilenga Ikiye kaha.
9Liyavolo amutwalile nawa kuYelusalema, amwimikile helu lyatembele, hikumwamba ngwenyi, Kaci nge uMwanaKalunga, limbile hamavu,
10mwomwo vasoneka ngwavo,
#
Samu 91.11-12. Mwahana vangelo jenyi luximbi lwakukuvulukove mangana vakulamenga.
11Kaha nawa ngwavo, Navakuzundulanga namavoko avo
Kucina pamo nauhukana lihinji lyove kulilolwa.
12Yesu amukumbulwile ngwenyi, Vamba ngwavo, #Luxi. 6.16.Kanda ukamweseka Yehova Kalunga koveko.
13Omu akumixile liyavolo #22.28.kumweseka mwosena, amusezele nakulikumbi lyeka.
Yesu mwaputuka milimo yenyi
(Mateu 4.12-17; Mako 1.14-15)
14Kaha Yesu akindulukile kuNgalileya mungolo jaXipilitu, kaha #v. 37; Mateu 9.26.puho yenyi yafumakanyine mulifuci lize mwosena.
15Ikiye #Mateu 4.23; 9.35; 11.1.anangwilenga vatu mujisunangonga javo, kaha vamutohweselenga kuli vosena.
Yesu navamukana kuNazaleta
(Mateu 13.53-58; Mako 6.1-6)
16Jino ayile kuNazaleta, kuze vamulelelelele. Kahengilile #4.16:Sunangonga yapwile cikungulwilo cakutangila vaYuleya.musunangonga halikumbi lyasambata, nge muze alingilenga. Kaha akatukile mangana atange hamukanda.
17Vamuhanyine mukanda wakapolofweto Isaya. Mukanda autanduwile, awanyine aha vasoneka ngwavo,
18 #
Isa. 61.1-2. Xipilitu yaYehova ali hali ami,
Mwomwo #Vili. 10.38.nanguwavisa lyehi mangana ngwambulule mujimbu wamwaza kuli vakakuhutwa,
Nangutumu mangana nguvilike kulihehwa kuli vafunge,
Nakutona kuli tupuputa, Ngusokole vaze vanaciki vayenga mukulihehwa,
19Nguvilike mwaka waYehova wakwitavila vatu.
20Uze mukanda aujingile, auhanyine ceka kuli kalama kasunangonga, kaha atwamine. Vatu vosena vaze vapwile musunangonga vamuxixikile.
21Aputukile kuvamba ngwenyi, Lelo lino Mazu-awa-vasoneka anamilumbunukila mumatwitwi enu.
22Vosena vamuvulukilenga naunjiho nakulikomokela kumazu alikoji apwile nakulovoka mukanwa kenyi, vambilenga ngwavo, #Mateu 13.55; Mako 6.3; Yowa. 6.42.Ou kumana kexi mwanaYosefweko?
23Avambile ngwenyi, Camwenemwene namungutela ciximo cino ngwenu, Ove cimbuke, lihindule ove lyavene, ngwenu, Vyexovyo tunevu ngwavo, vinasoloka #Mako 1.21; 2.1; Yowa. 4.46.kuKapelenau, vizate nakuno kumahyove nawa.
24Kaha avambile ngwenyi, Camwenemwene nangumilweza ngwami, #Mateu 13.57; Mako 6.4; Yowa. 4.44.Kakwexi kapolofweto umwe navetavila kumahyenyiko.
25Oloze nangumilweza mwamucano ngwami, #Vamya. 1, 17.1; 18.1; Yako. 5.17-18.Hamakumbi aElija, haze vasokele mwilu myaka yitatu natukweji vatanu naumwe, haze kwaholokele zala yakalombolombo yayinene kulifuci lyosena, muIsalele mwapwile mapwevo vavatuliwe vavavulu,
26oloze kuli vakivo Kalunga kamutumine Elija nakuli umweko, xina kuvanga #Vamya. 1, 17.9. kwimbo lyaZalefwate kaha, kulifuci lyaXitone, kuli pwevo watuliwe wakuze.
27Hakapolofweto Elixa nawa, muIsalele mwapwile vaka-mbumba vavavulu, oloze kuli vakivo kavatomeseleko naumweko, kuvanga #Vamya. 2, 5.1-4.uze kaSulya Namane kaha.
28Omu vevwile mazu awa, vosena vaze vapwile musunangonga vazalile namatoto,
29vakatukile, #Vili. 7.58; Kula. 15.35.vamulowele mwimbo lyavo, vamutwalile kusongo yapili haze vatungile limbo lyavo, mangana ngwavo, vamwandumwine hamavu.
30Oloze #Yowa. 8.59; 10.39.Ikiye ahicile mukaci kavo, aliyilile kwenyi.
Mutu apwile naxipilitu wamupi
(Mako 1.21-28)
31Axikumukile kuKapelenau, kukiko kwimbo lyakuNgalileya. Apwile nakuvanangula hasambata.
32 #
Mateu 7.28; 13.54; 22.33; Mako 11.18; Yowa. 7.46. Kaha valihomokelelenga kukunangula cenyi, mwomwo mazu enyi apwile amuka-wata, xikaho.
33Musunangonga muze mwapwile mutu apwile naxipilitu wandemone wamupi, kaha atambakanyine nalizu lyakukanguka ngwenyi,
34Twece! Ove Yesu wakuNazaleta, #Mateu 8.29.unambe kulinga muka nayetu? Uneza nakutunongesa tahi? Ngunakutacikiza, #Mako 1.24.Ove yove Muka-kujila waKalunga.
35Yesu amuhanjikilile ngwenyi, Hola kulu, lovoka muli ikiye. Omu alingile uze ndemone hanamumbili lyehi hamavu mukaci kavo, alovokele muli ikiye, oloze kamukoleseleko.
36Vosena valikomokelele, valihwojwelenga ngwavo, Awa mazu aka? mwomwo vaxipilitu vavapi mwavamba nawata nangolo, kaha hinavalovoka.
37Kaha #v. 14; 5.15; Mateu 9.26.puho yakumuvuluka yafumakanyinenga mulifuci lize mwosena.
Yesu mwahindula nayewenu yaPetulu
(Mateu 8.14-15; Mako 1.29-31)
38Akatukile, afumine musunangonga, engilile muzuvo yaXimona. Nayewenu yaXimona apwile nakuviza musongo wacixika cacinene, kaha vamulembelelele Yesu hali ikiye.
39Emanyine hakamwihi naikiye, ahanjikilile cize cixika, kaha camufumine. Linwomu vene ahindukile, avazumbwile.
Yesu mwahindula vavavulu hacingoloxi
(Mateu 8.16-17; Mako 1.32-34)
40Omu lyapwile likumbi nakulauka, vexovo vapwile navakwavo vaka-kuviza misongo yeka nayeka vavatwalilenga kuli Ikiye. Kaha avanangikile vosena mavoko enyi nakuvahindula.
41Navandemone nawa valovokelenga muli vavavulu, nakuteta nakwamba ngwavo, Ove yove MwanaKalunga. Avahanjikilile, #Mako 1.34; Mateu 8.4.kavetavilile kuhanjikako, mwomwo vamutacikijile ngwavo, Ikiye Kulixitu, xikaho.
Yesu mwaya ambululenga mazu
(Mako 1.35-39)
42Omu kwacele, Yesu alovokele ayile mupambo. Mayongomena avatu vamutondelenga, vejile nakuli Ikiye, vasakile ngwavo, vamwimike kucina mwavaseza.
43Oloze avambile ngwenyi, Catela kuli Ami kwambulula mujimbu wamwaza wawangana waKalunga namumembo eka nawa, mwomwo cikiko vene vanangutumina.
44Kaha #Mateu 4.23; Mako 1.39; Mateu 9.35.ambulwilenga mazu mujisunangonga jamuNgalileya.
Navata vaixi vavavulu
(Mateu 4.18-22; Mako 1.16-20)
Currently Selected:
LUKA 4: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
