LUKA 5
5
1 #
Yowa. 1.40-42; 21.1-19. Kaha jino casolokele, omu lyamuxindakanyine liyongomena nakwivwilila mazu aKalunga, Yesu emanyine kwakamwihi nacijiva caNgenesaleta.
2Kaha amwene mato avali vanawasulika kungenge yacijiva, oloze vakakuta vanafumumo lyehi, vali nakukosa moji avo.
3Yesu #Mateu 13.1-2; Mako 4.1.engilile muwato umwe, uze wapwile waXimona, amulwezele kusununa wato cacindende natunda. Kaha atwamine muze muwato, awanangwile aze mayongomena.
4Hakutulisa kuhanjika, amwambile Ximona ngwenyi, Twala wato kwakukumina, #Yowa. 21.3-6.mutute moji enu, mukwate Vaixi.
5Ximona amukumbulwile ngwenyi, #8.24, 45; 9.33, 49; 17.13.Ove Mwata, tunakilikita lyehi cikuma nakucesa ufuku wosena, kaha katwajihile ixi naumweko. Oloze halizu lyovenyi nangufuta moji.
6Hakulinga ngoco, vakucikililemo vaixi vavavulu cikuma, kaha moji avo apwile nakumbitwojoka.
7Vavanyacilile vaka-vuwa yavo muwato ukwavo ngwavo, veze vavakafweko. Vejile, vazalixile mato osena avali ambe, ngoco mato asakile kuvomba.
8Oloze Ximona Petulu hakucimona alimbilile kumambuli aYesu ngwenyi, Ove Mwata, vafume kuli ami mwane, mwomwo ami ngumuka-xili, xikaho.
9Mwomwo alihomokelele cikuma, navosena vaze apwile navo nawa valihomokelele kukuvula cavaixi vaze vanajihi.
10Ngoco naYakova naYowano, vana vaZevete, vakivo vapwile vakavuwa yaXimona, valihomokelele nawa. Yesu amwambile Ximona ngwenyi, #Mateu 14.27.Kanda wivwa womako, kufumisa kulelo naufutanga vatu.
11Omu valingile hivanasulika lyehi mato avo, #v. 28; Mateu 4.20, 22; Mako 1.18-20.Vasezele vyuma vyosena, vamukavangijile.
Yesu mwahindula muka-mbumba
(Mateu 8.1-4; Mako 1.40-45)
12Kaha casolokele, omu apwile mwimbo limwe, kumana, kwejile lunga apwile namusongo wambumba mumujimba wenyi wosena. Ikiye hakumumona Yesu alimbilile camesohamavu, amulembelelele ngwenyi, Ove Mwata, kaci nge unasake, nauhasa kungutomesa.
13Yesu olwele livoko lyenyi, amusalikile, amwambile ngwenyi, Ngunasake vene. Toma. Linwomu vene mbumba yamufumine.
14Yesu amulwezele ngwenyi, Kanda ukacambulula kuli mutuko, oloze yako, #Levi 13.49; 14.2-32.ukalisolole kuli kapilixitu, ukahane wana wahakukutomesa nge muze ambile Mose, mangana cikapwe unjiho kuli vakivo.
15Oloze #4.14, 37; Mateu 9.26.puho yenyi yahambakanyine kufumakana kwosena, kaha kwalihomenenenga mayongomena amanene Hakumwivwilila, nakusaka ngwavo, avahindule kumisongo yavo.
16Oloze Ikiye afumineko ayile mupambo #3.2; 6.12; 9.18, 28; 11.1; Mateu 14.23; Mako 1.35.nakulomba.
Yesu mwahindula muka-kalepa
(Mateu 9.1-8; Mako 2.1-12)
17Kaha casolokele, hamakumbi aze halikumbi limwe apwile nakunangula vatu, kwatwamine vaFwaliseu navaka-kunangula Jiximbi, vapwile vakufuma kumembo akuNgalileya osena nakuYuleya nakuYelusalema, kaha #6.19; 8.46; Mako 5.30.ngolo jaYehova japwile hali Yesu mangana ahindulenga vatu.
18Kaha kumana, kwejile malunga vavelekele mutu muka-kalepa hakahela kenyi, vasakile ngwavo, vamwingisemo vamutumbike kumeso aYesu.
19Hakuhona kuwana kwakumwingixila hakuvula cavatu, xikaho vanyinyile #Mateu 24.17.helu lyazuvo, vambandumwine mateyamwe, vamuzezumwinyine nakahela kenyi mukaci kumeso aYesu.
20Yesu hakumona kufwelela cavo amwambile ngwenyi, Ove lunga, #7.48-49.milonga yove yaxili vanakukonekelayo lyehi.
21Vaze vaka-kusoneka navaFwaliseu vaputukile kulihwojola ngwavo, Ou youwiyaze ali nakusaula Kalunga? Iyaze mwahasa kukonekela milonga yaxili? xina Kalunga kaha.
22Oloze Yesu atacikijile kulihwojola cavo, avakumbulwile nakuvehula ngwenyi, Ikaze muli nakulihwojwela mumicima yenu?
23Cacaxi cilihize? cakwamba ngwami, Milonga yove yaxili vanakukonekelayo, nyi cakwamba ngwami, Katuka utambuke?
24Oloze mangana mutacikize ngwenu, Mwanamutu ali nangolo jakukonekela milonga yaxili hano hamavu (jino amwambile uze muka-kalepa ngwenyi), Nangukwamba ngwami, Katuka, mbata kahela kove, yakonga kuzuvo yove.
25Kaha linwomu vene katu kumeso avo nakumbata kaze asavalile, hikufumako nakuya kuzuvo yenyi nakumutohwesa Kalunga.
26Vaze vosena vafwile cixima, kaha vamutohwesele Kalunga, vazalile nawoma, valyambile ngwavo, Lelo tunamono vyeka!
Yesu mwasanyika Levi
(Mateu 9.9-13; Mako 2.13-17)
27Vyumevi hakukuma alovokele, amwene muka-kukonga milambu, lijina lyenyi ikiye Levi, natwame kwakutambwila milambu. Kaha amwambile ngwenyi, NgukavangizengAmi!
28 # v. 11. Asezele vyuma vyosena, akatukile, amukavangijile.
29Levi amutelekeselele ciwanyino cakulya cacivulu kuzuvo yenyi. Kwapwile lizavu lyavaka-kukonga milambu lyalinene navatu veka nawa vapwile navo nakusendavala kumesa.
30Kaha #15.1-2.vaFwaliseu navakakusoneka javo vavatatwokesele tumbaji twaYesu ngwavo, Mwomwo ika mweji kulyanga nakunwa navakakukonga milambu navaka-xili hamwe?
31Yesu avakumbulwile ngwenyi, Vavakangule kavexi kusaka cimbukeko, kuvanga vaka-kuviza kaha.
32 #
Cimo. 1, 1.15. Kangwejile nakusanyika vakakwolokako, kuvanga vaka-xili kaha, mangana vapihilile nakwalumuka.
Navehula kulitwamina kulya
(Mateu 9.14-17; Mako 2.18-22)
33Vakivo vamwambile ngwavo, #7.18; 11.1; Yowa. 3.25-26.Tumbaji twaYowano veji kulitwaminanga kulya kakavulu, veji kulembelelanga, navava vavaFwaliseu nawa ngoco, oloze ava vayove veji kulyanga nakunwa.
34Yesu avambile ngwenyi, Masepa jamwenyamwenga namuhasa kuvalweza valitwamine kulya ximbu vacili namwenyamwenga numba?
35Oloze #9.22; 17.22; Mateu 9.15; Mako 2.20.nakukeza makumbi eka omu navakamufumisa mwenyamwenga kuli vakivo. Haze vene numba vakalitwamine kulya hamakumbi aze.
36Avatetele nawa ciximo ngwenyi, Mutu naumwe pimbi mwapula kalihina kucikovelo cacihya nakukatongela kucikovelo camwaka. Mokomoko cize cikovelo cacihya mwacipula, kaha nawa kaze kalihina kakucikovelo cacihya kakexi kuya mumwe nacize camwakako.
37Kaha mutu naumwe pimbi mwatongela vinyo vyavihya mujituku javilambu jamwaka. Mokomoko vinyo vyavihya navikatuva jize jituku javilambu, kaha vikiko navikamwangala najituku najikalyenyeka.
38Oloze vinyo vyavihya vavilongele mujituku jajihya.
39Kakwexi mutu umwe, cose nanu lyehi vinyo vyamwaka, kaha himwasaka nawa vyavihyako, mwomwo mwalyamba ngwenyi, Evi vyamwaka Vinawahe, xikaho.
Currently Selected:
LUKA 5: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
