LUKA 15
15
Ciximo camukoko ou mwajimbala
(Mateu 18.10-14)
1Jino #5.29-30; 19.7.vaka-kukonga milambu vosena navaka-xili vapwile nakupandama kuli Ikiye mangana ngwavo, vamwivwilile.
2Kaha vaFwaliseu navakakusoneka vapwile nakutatwoka ngwavo, Mutwou eji kwitavilanga vaka-xili #Mateu 9.11.nakulya navo hamwe.
3Kaha avatetele ciximo cino ngwenyi,
4Muli enu muli mutu muka ali namikoko jenyi likulukaji, kaha umwe hakujimbala, mwakana kuseza vaze makumi atanu naawana navatanu navawana mupambo, nakuya nakumutonda uze najimbate, nomu mwamuwana?
5Kaha cose mwamuwana, mwamuveleka kuvifwiji vyenyi nakuwahilila.
6Kaha hakuheta kumahyenyi himwavasanyika masepa jenyi navaze alihata navo vakunguluke, mwavamba ngwenyi, Wahililenu nayami, mwomwo ngunamuwane lyehi mukoko wami uze ajimbalanga.
7Nangumilweza ngwami, Ngoco nawa mwilu namupwa kuwahilila hali muka-xili umwe mwapihilila nakwalumuka, kuhambakana kuwahilila cahali vatu makumi atanu naawana navatu vatanu navawana vaka-kwoloka vakuzeneka cuma cakusaka kwalumukila.
Ciximo calumbongo Iwakujimbala
8Mokomoko pwevo muka, ukweci jimbongo jenyi japalata likumi, kaci nge mwajimbalisa lumwe, mwakana kuwika linongo nakukomba muzuvo nakulutonda cikuma palanga nomu mwaluwana?
9Kaha cose mwaluwana, mwavasanyika masepa jenyi navaze alihata navo vakunguluke, mwavamba ngwenyi, Wahililenu nayami, mwomwo ngunaluwane lyehi lumbongo lwami luze ngwajimbalisanga.
10Nangumilweza ngwami, Ngoco nawa kumeso avangelo jaKalunga kuli kuwahilila hali muka-xili umwe mwapihilila nakwalumuka.
Ciximo camwana wakujimbala
11Kaha avambile ngwenyi, #Mateu 21.28.Kwapwile mutu apwile navana venyi vamalunga vavali.
12Ou wakanyike ambile kuli ise ngwenyi, Ove tata, nguhane #Luxi. 21.15-17.vikumba vyami vyauswana wami. Kaha avapangilile luheto lwenyi.
13Omu mwahicile makumbi amandende, mwanenyi wakanyike akungulwile vyenyi vyosena, akatukile, ayile kulifuci lyeka kwakusuku, kuze amwangile vikumba vyenyi vyosena hakuhungukila muxili.
14Omu alingile hanamanyisa lyehi vyosena, kulifuci lize kwaholokele zala yakalombolombo yayinene, kaha ikiye aputukile kukalikiza.
15Ayile nakutwama kuli mwenyembo wakulifuci lize, uze amutumine kuyisokola vyenyi akafungenga vangulu.
16Asakilenga ngwenyi, alyenga #15.16:Viyau kana vyapwile vyuma vyakufwana nge makolongozo.kuviyau vize valilenga vangulu, oloze kakwapwile mutu umwe amuhanyine cumako.
17Oloze ikiye hakulyanuka alyambile ngwenyi, Vangamba jatata vakufweta vavavulu veji kulyanga nakwikuta nakucisezaho, kahami nguli nakufwa nazala kuno.
18Nangukatuka, nanguya kuli tata, nangukamwamba ngwami, Ove tata, ngunavulumuna nakuli Kalunga nakumeso ove.
19Kangwatela ceka kunguvuluka ngumwanoveko. Ngulingise tuhu ngupwenga nge ngungamba yove wakufweta.
20Akatukile, ayile kuli ise. Oloze ximbu apwile acili kwakusuku, ise amumwene, amwivwilile keke, alahilileko, amukwacile mukapanga, amusweswenyele cikuma.
21Mwanenyi amwambile ngwenyi, Ove tata, ngunavulumuna nakuli Kalunga nakumeso ove. Kangwatela ceka kunguvuluka ngumwanoveko.
22Oloze ise ambile kuli vandungo jenyi ngwenyi, #Zeka. 3.4; Kuso. 6.11.Lovolenu waxi lihina lyakukuluka lyakuhambakana kuwaha, muvwikenulyo, #Kupu. 41.42.muhakenu kazeya kumunwe wenyi, namendelo kumahinji enyi,
23nehenu uze mwanangombe wakununa, mujihenu, tulyenu, tuwahililenu!
24Mwomwo uno mwanami napunga #9.60; Cimo. 1, 5.6; Efwe. 2.1; Kolo. 2.13.wakufwa, kaha nayoyo ceka, napunga wakujimbala, kaha ngunamuwane ceka, xikaho. Kaha vaputukile kuwahilila.
25Jino mwanenyi wamukulwane apwile kuwande, kaha hakwiza nakupandama kuzuvo evwile vali nakwimba visaji nakukina.
26Kaha asanyikile ngamba eze kuli ikiye, amwihwile ngwenyi, Ovyo vyema vika?
27Ikiye amulwezele ngwenyi, Songo yove neza, kaha iso najihi uze mwanangombe wakununa, mwomwo namutambula ceka walambwe wangu, xikaho.
28Kaha evwile matoto, akanyine kwingilamo. Ise alovokele, amulembelelele.
29Oloze amukumbulwile ise ngwenyi, Myakeyi yayivulu ngunakuzacilanga nge ngundungo, kaha nawa kanda nguhombwanyise lyehi luximbi lwoveko cipwe lumwe, oloze kanda unguhane lyehi ami mwanapembe mangana nguwahilile namasepa jami.
30Oloze hakwizou mwanove, ou #Vixi. 29.3.nali lyehi luheto lwove natujila twenyi, unamujihilou mwanangombe wakununa.
31Kaha ise amwambile ngwenyi, Ove mwanami, ove mutwatwamina nayami makumbi osena, kaha vyuma vyami vyosena vyapwa vyove.
32Oloze cinatela kusehelela nakuwahilila, mwomwou songo yove napunga wakufwa, kaha nayoyo ceka, napunga wakujimbala, kaha lunamuwane ceka, xikaho.
Currently Selected:
LUKA 15: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
