LUKA 14
14
Yesu mwahindula mutu ali namusongo wandondo
1Kaha casolokele, #7.36; 11.37.Ikiye hakwingila muzuvo yamukulwane wavaFwaliseu umwe nakulya hasambata, #Mako 3.2.vapwile nakumulama cikuma nameso.
2Kaha kumana, kumeso enyi kwapwile mutu apwile namusongo wandondo.
3Yesu ahanjikile #6.9; Mateu 12.10; Mako 3.4.nakuvehula #Mateu 22.35.vakajiximbi navaFwaliseu ngwenyi, Coloka kuhindula mutu hasambata tahi? nyi ciku?
4Oloze vakivo valyungumikile kulu. Yesu akwacile hali uze mukamusongo, amuhindwile amwecele.
5 #
Mateu 12.11. Kaha avehwile ngwenyi, #13.15.Muli enu muli iya, ukweci cimbulu cenyi cipwe ngombe yenyi naholokela mulixima, kaha mwakana kumukokamo linwomu vene halikumbi lyasambata?
6 #
Mateu 22.46. Kavahaxile kumuhilwila ceka mazu kuvyumeviko.
Yesu mwanangula vangeji nayou navasanyika
7Kaha avatetele ciximo vaze vasanyikile, hakumonomu #11.43; Mateu 23.6.navalisakwila tuhela twaulemu, avambile ngwenyi,
8Cose navakusanyika kuli mutu kucifupawenga, #20.46; Vixi. 25.6-7.kanda ukasendavala kukahela kaulemuko, kucina mweza kulinga pamo nasanyika mutu wakukuhambakanove ulemu,
9kaha uze amisanyikanga nayove naikiye himweza nakukwamba ngwenyi, Katuka, mangana asendavalehou, woho hinauya nasonyi nakusendavala kuze kwamokomoko.
10Oloze cose navakusanyika, yako usendavale, kuze kwamokomoko, mangana uze nakusanyika hakwiza akwambe ngwenyi, Ove sepa lyami, yako usendavale kuze kwaulemu, kaha hinaumona kukutohwesa kumeso avosena vaze munasendavala navo kumesa.
11Mwomwo #18.14; Mateu 23.12.wose mwalilemesa ivene navakamwinyisa, #Mateu 18.4; Petu. 1, 5.6.kahou mwalinyisa ivene navakamulemesa.
12Kaha amwambile uze nawa amusanyikile ngwenyi, Cose nautelekesa kulya camulungu, cipwe cacingoloxi, kanda ukasanyika masepa jove, cipwe vandumbwove, cipwe vausoko wove, cipwe vaka-luheto vaze walihata navoko, kucina naveza kulinga pamo navakivo nawa navakakusanyika ceka, nakukuxixixilamo.
13Oloze cose nautelekesa ciwanyino cakulya, Sanyika vaka-kusuvala navitonji navaka-kumbilikita natupuputa.
14Kaha naukatokwa, mwomwo kavexi navyuma vyakukuxixixilamo cekako, ngoco naukawana kukuxixixilamo ceka #Yowa. 5.29; Vili. 24.15.hakusanguka cavakakwoloka.
Ciximo cakulya cacingoloxi
15Kuli vaze vasendavalile nenyi kumesa umwe hakwivwa mazu awa amwambile ngwenyi, #Kuso. 19.9.Atokwou mwakalya muwangana waKalunga!
16 #
Mateu 22.2-14. Oloze Yesu amwambile ngwenyi, Kwapwile mutu atelekesele kulya cacingoloxi cacivulu, asanyikile vatu vavavulu.
17Kaha halwola lwakulya atumine ndungo yenyi akavambulile vaze asanyikile ngwenyi, Twayenu, mwomwo vyuma vyosena vanavilongesa lyehi.
18Oloze vosena vaputukile namucima umwe kumulembelela ngwavo, valitwamine. Ou wakulivanga amwambile ngwenyi, Ngunalande wande, kaha catela kuli ami kuya nakuutala. Ngunasakwila mwane, vangwitavile ngulitwamine.
19Weka amwambile ngwenyi, Ngunalande vangombe vajitoka jitanu, kaha hinanguya ngukaveseke. Ngunasakwila mwane, vangwitavile ngulitwamine.
20Weka amwambile ngwenyi, Ngunambate pwevo, xikaho kangwexi kuhasa kwizako.
21Kaha uze ndungo ayile, amwambulilile kaka yenyi vyumevi. Haze vene uze mwenyazuvo hakutenuka cikuma himwamwamba ndungo yenyi ngwenyi, Lovoka waxi uyenga mumeluka namujijila jahembo uvanehe vaka-kusuvala navitonji natupuputa navaka-kumbilikita muno.
22Uze ndungo amwambile ngwenyi, Ove mwata, ngunalingi lyehi omu wambanga, oloze noholili tuhela twalambwe.
23Kaha kaka yenyi amwambile uze ndungo ngwenyi, Lovoka, yako kumakuku nakuvipato ukaxinjile vatu vengile, mangana zuvo yami yizale.
24Mwomwo nangumilweza ngwami, Kuli malunga vaze ngwasanyikanga kakwexi naumwe mwakamakila kukulya camiko.
Omu cakaluhwa kupwa kambaji kaYesu
25Jino kwapwile mayongomena amanene ayile nenyi hamwe. Kahalumukile, avambile ngwenyi,
26 #
Mateu 10.37-38. Kaci nge mutu mweza kuli Ami, oloze kexi kuhunga ise nanaye napuwenyi navana venyi navandumbwenyi vamalunga navava vamapwevo, e, namwono wenyivene nawa, kexi kuhasa kupwa kambaji kamiko.
27 #
Mateu 16.24; Mako 8.34; Luka 9.23. Wose nawa mwakana kumbata kulusu yenyivene nakungukavangiza kexi kuhasa kupwa kambaji kamiko.
28Mwomwo muli enu muli iya, hakusaka ngwenyi, atunge kapoxi, mwazeneka kuvangila kutwama nakulava fweto yakutungisa, amone numba nge ali najimbongo jakukamanyisa?
29Kucina pamo cose nale lyehi cihela nakuhona kukamanyisa, kaha vosena vaze vanacimono hinavaputuka kumuhenda,
30ngwavo, Ou mutu kana aputukile kutunga, oloze kahaxile kukamanyisako.
31Mokomoko mwangana muka, hakuya nakulyasa jita namwangana mukwavo, mwazeneka kuvangila kutwama nakukwata punga, amone numba nge mwahasa namakomba kaji likumi kulwa nayauze mweza kuli ikiye namakombakaji makumi avali?
32Mokomoko, ximbu acili uze lumwe, mwatuma valuwa jenyi nakwihula mwakusumina kupoko.
33Ngoco nawa, wexowo muli enu mwakana #18.29-30; Fwili. 3.7; Hepe. 11.26.kuseza vyuma vyenyi vyosena, kexi kuhasa kupwa kambaji kamiko.
Mungwa wakusamuka
(Mateu 5.13; Mako 9.50)
34Mungwa uyema, oloze kaci nge mungwa unasamuka lyehi, navakauyemesa ceka naka?
35Kawatela kuuhaka kuwande cipwe kumulumba wawiloko. Vatu veji kuumbilanga tuhu. #Mateu 11.15.Ou ali namatwitwi akwivwa, evwilile.
Currently Selected:
LUKA 14: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
