KUPUTUKA 46
46
VaYakova navaya kuEjipitu
1Isalele akatukile navyuma vyosena vize apwile navyo, ahetele kuMbele-xeva. Kaha amuvatwilile Kalunga kaise Isaka vimuna.
2Kalunga ahanjikile kuli Isalele hakumulotesa naufuku, amwambile ngwenyi, Ove Yakova, Ove Yakova. Ikiye etavile ngwenyi, Yami uno mwane.
3Amwambile ngwenyi, Ami yami Kalunga, nguKalunga kaiso. Kanda wivwa woma wakuya kuEjipituko, mwomwo kuze nangukakulingisa kupwa umuyaci waunene.
4Nanguya nayove hamwe kuEjipitu, kaha Camwenemwene nangukakuneha ceka kuno. Kaha Yosefwe mwakanangika livoko lyenyi hameso ove.
5Yakova akatukile kuMbele-xeva. Kaha vana valsalele vatwalile sevo Yakova, navana vavo, namapwevo javo, namatembaze atumine Fwalo kumumbacilamo.
6Vayile navimuna javo, navikumba vyavo vize Vahetele kulifuci lyaKanane, kaha #Vili. 7.15.vahetele muEjipitu, naYakova navaka-tanga yenyi vosena hamwe,
7navana venyi vamalunga, navazukulu jenyi vamalunga, navana venyi vamapwevo, navazukulu jenyi vamapwevo, navaka-tanga yenyi vosena avatwalile nenyi hamwe kuEjipitu.
8Awa akiko majina avana vaIsalele, vaze vahetele muEjipitu, naYakova navana venyi vamalunga, ou Luvene mwanaYakova watwatwa.
9Vana vaLuvene vamalunga ava, ou Hanoke, ou Palu, ou Hezelone, ou Kalami.
10Vana vaXimeyone vamalunga ava, ou Yemwele, ou Yamine, ou Ohate, ou Yakine, ou Zohale, ou Xaulu mwanapwevo kaKanane.
11Vana vaLevi vamalunga ava, ou Ngelexone, ou Kohate, ou Melali.
12Vana vaYuta vamalunga ava, ou Ele, ou Onane, ou Xela, ou Peleze, ou Zela. Oloze Ele naOnane vafwile mulifuci lyaKanane. Vana vaPeleze vamalunga ava, ou Hezelone, ou Hamule.
13Vana valsalele vamalunga ava, ou Tola, ou Puva, ou Yove, ou Ximilone.
14Vana vaZevulune vamalunga ava, ou Selete, ou Elone, ou Yalele.
15Ava vakivo vana vaLeya, vaze asemene naYakova kuPatane-alame, naNjina nawa mwanenyi wapwevo. Vatu vosena vavana venyi, navava vamalunga navava vamapwevo, vapwile makumi atatu navatatu.
16Vana vaNgate vamalunga ava, ou Zefwiyone, ou Hangi, ou Xunyi, ou Ezevone, ou Eli, ou Alote, ou Aleli.
17Vana va Axele vamalunga ava, ou Yimina, ou Ixiva, ou Ixivi, ou Mbeliya, ou Sela ndumbwavo wapwevo. Vana vaMbeliya vamalunga ava, ou Hevele, ou Malakiyele.
18Ava vakivo vana vaZelepa, ou ahanyine Lavane kuli mwanenyi Leya. Ava vene avasemene naYakova, vakivo vatu likumi navatanu naumwe.
19Vana vaLakele pwevo lyaYakova ava, ou Yosefwe, ou Mbenjamine.
20Kaha kuli Yosefwe kwasemukile Manase naEfwaiime mulifuci lyaEjipitu, vaze asemene naAsenate mwanaPotefwela kapilixitu wakuOne.
21Vana vaMbenjamine vamalunga ava, ou Mbela, ou Mbekele, ou Axavele, ou Ngela, ou Namane, ou Ehi, ou Loxe, ou Mupime, ou Hupime, ou Alate.
22Ava vakivo vana vaLakele vamalunga vasemukile kuli Yakova, vatu vosena vapwile likumi navawana.
23Kaha mwanaNdane walunga ikiye Huxime.
24Vana vaNafwatale vamalunga ava, ou Yazele, ou Ngunyi, ou Yezele, ou Xileme.
25Ava vakivo vana vaMbiliha, ou ahanyine Lavane kuli mwanenyi Lakele. Ava avasemene naYakova, vatu vosena vapwile vatanu navavali.
26Vatu vosena vaze vayile naYakova hamwe kulifuci lyaEjipitu, vaze vafumine mumitanda yenyi, vapwile vatu makumi atanu nalimwe navatu vatanu naumwe. Kwayile namapwevo javana venyi nawa.
27Kaha vana yaYosefwe vamalunga, vaze asemene mulifuci lyaEjipitu, vapwile vatu vavali. Ngoco vatu vakutanga yaYakova vosena vaze vayile kuEjipitu vapwile vatu makumi atanu naavali.
28Atumine Yuta kulutwe lwenyi kuli Yosefwe, akavalweze jila yakuya kuNgoxene, kaha Vahetele kulifuci Ngoxene.
29Yosefwe alongesele litemba lyenyi, ayile nakusesa ise Isalele kuNgoxene. Alisolwele kuli ikiye, akundaminyine haxingo yenyi, aximbwile nakulilila haxingo yenyi.
30Isalele ambile kuli Yosefwe ngwenyi, Jino ngufwenga tuhu, mwomwo ngunamono meso ove, kumana ucili umutonyi.
31Yosefwe ambile kuli vandumbwenyi nakuli vaze vakuzuvo yaise ngwenyi, Nanguya nakumulweza Fwalo ngwami, Vandumbwami navaze vakuzuvo yatata, vaze yapwilenga mulifuci lyaKanane, vaneza kuli ami.
32Ngwami, Malunga vanapu tufunga, mwomwo vakivo vaka-kufunga vimuna. Vaneza namautangavo avimuna vavandende nawawa avangombe navyuma vyavo vyosena.
33Kaha cikasoloke, omu mwaka-misanyika Fwalo, omu mwakantihula ngwenyi, Enu milimo yenu yika?
34mukamwambulila ngwenu, Etu vangamba jove tuvaka-kufunga vimuna, kufumisa kuunyike wetu palanga noholili, nayetu navakaka jetu nawa. Mangana mutwamenga mulifuci Ngoxene. Mwomwo vaka-kufunga vimuna vosena vanapu vaunyengwe kuli vaEjipitu.
Currently Selected:
KUPUTUKA 46: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.