KUPUTUKA 45
45
Yosefwe mwalijimbula kuli vandumbwenyi
1Jino Yosefwe kahaxileko kulihulika kumeso avosena vaze Vemanyine kuli ikiye. Atambakanyine ngwenyi, Lovolenu vatu vosena kumeso ami. Kuli ikiye kakwemanyine mutu wekako, #Vili. 7.13.haze alisolwele Yosefwe kuli vandumbwenyi.
2Alilile nalizu lyakukanguka, kaha vaEjipitu vevwileko, navaze vakuzuvo yaFwalo nawa vevwileko.
3Yosefwe ambile kuli vandumbwenyi ngwenyi, Ami yami Yosefwe. Tata acili wamutonyi tahi? Vandumbwenyi kavahaxile kumukumbululako, mwomwo valizuzukilile nawoma kumeso enyi, xikaho.
4Yosefwe ambile kuli vandumbwenyi, ngwenyi, Aci pandamenu kuno kuli ami. Kaha vapandamineko. Avambile ngwenyi, Ami yami songo yenu Yosefwe, yami mwalanjile vangunehe kuEjipitu.
5Kaha jino, kanda mulinyengako, cipwe kulitenukilomu mwangulanjile vangunehe kuno. Mwomwo Kalunga angutumine kulutwe lwenu nakulwila myono yavatu.
6Mwomwo zala yakalombolombo yinaximbula lyehi myakeyi yivali mulifuci, kaha kunasale myaka yikwavo yitanu, vatu kavexi kukalimako cipwe kwaha.
7Kalunga angutumine kulutwe lwenu nakumilamina vakusalaho hamavu, nakulwila myono yenu nakuyovoka cacinene.
8Xikaho kexi yenuko mwangutumine kuno, oloze Kalunga. Kaha Ikiye nangulingisa kupwa nge nguise yaFwalo, ngumwata kuzuvo yenyi yosena, ngumuka-kuyula mulifuci lyaEjipitu lyosena.
9Anguhwenu muyenga kuli tata, #Vili. 7.mukamwambulile ngwenu, Mwanove Yosefwe nambe ngwenyi, Kalunga nangulingisa kupwa ngumwata walifuci lyaEjipitu lyosena. Twaya kuno kuli ami, kanda ukalangisako.
10Naukatwamanga mulifuci Ngoxene, naukapwanga kwakamwihi nayami, nayove navana vove navazukulu jove namautangove avimuna vavandende namautangove avangombe navyuma vyosena vize uli navyo.
11Kuze vene nangukakulixilanga. Mwomwo kunasale myaka yazala yakalombolombo yitanu. Kucinove navaze vakuzuvo yove navosenava uli navo naveza kumona kukalikiza.
12Talenu, meso enu anamono, nameso asongo yami Mbenjamine anamono, kanwa kayami lyavene kali nakuhanjika kuli enu.
13Mukamulweza tata upahu wami wosenou nguli nawo muEjipitu, navyosenevi munamono. Kaha mukanguhwisa nakuneha tata kuno.
14Akundaminyine haxingo yasongo yenyi Mbenjamine nakulila. NaMbenjamine nawa alililile haxingo yenyi.
15Asweswenyele vandumbwenyi vosena nakulilila hali vakivo. Hakukumisa, Vayayenyi vahanjikile nenyi.
16Jino puho yaco yevwakanyine muzuvo yaFwalo, ngwavo, Vandu-mbwaYosefwe vaneza. Fwalo evwile kuwaha, navangamba jenyi nawa.
17Fwalo ambile kuli Yosefwe ngwenyi, Vambulile vandumbwove ngwove, Lingenu ngana, lemenu tunyama twenu, katukenu, muyenga kulifuci lyaKanane, mukasake senu navaze vakujizuvo jenu, mukeze kuli ami.
18Kahami nangukamihana kuwaha califuci lyaEjipitu, kaha namukalyanga vyamaji vyamulifuci.
19Jino ngunakulweze ngwami, Lingenu ngana, tambulenu matemba mulifuci lyaEjipitu, avana venu namapwevo jenu, kasakenu senu, mukeze.
20Kaha nawa, kanda mukahaka micima yenu kuvyuma vyenuko, mwomwo kuwaha califuci lyaEjipitu lyosena cinapu cenu.
21Vana valsalele valingile ngoco. Yosefwe avahanyine matemba, nge omu ambile Fwalo, kaha avahanyine pau jamujila.
22Avahanyine vosena mutu himutu mahina akuvwala. Oloze amuhanyine Mbenjamine jimbongo japalata makulukaji atatu, namahina akuvwala atanu.
23Atumine nawa vyumevi kuli ise, vimbulu likumi vakumbata vyuma vyamwaza vyamuEjipitu, navimbulu vavihwevo likumi vakumbata tiliku nambolo napau jaise jamujila.
24Ngoco asuwile vandumbwenyi, kaha Vakatukile. Avambile ngwenyi, Kanda mukalitenukila mujilako.
25Vafumine kuEjipitu, vahetele kulifuci lyaKanane kuli sevo Yakova.
26Vamulwezele ngwavo, Yosefwe acili wamutonyi, ikiye muka-kuyula mulifuci lyaEjipitu lyosena. Evwile kumucima wenyi mbe, mwomwo ikiye kavetavileko, xikaho.
27Vamwambulilile mazu aYosefwe osena, aze avambile. Kahomu amwene matembaze atumine Yosefwe akumumbacilamo, xipilitu yasevo Yakova yahizumukile.
28Isalele ambile ngwenyi, Kunahu, mwanami Yosefwe acili wamutonyi.
Nanguya nakumutala ximbu kanda ngufwe.
Currently Selected:
KUPUTUKA 45: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.