KUPUTUKA 36
36
Vaka-tanga yaEsau
(Miji. 1, 1.34-54)
1Jino eci cikiko kusemunwina caEsau, ou vene Etome.
2Esau ambacile mapwevo jenyi vana yavaKanane, ou Ata mwanaElone kaHete, ou Oholivama mwanaAna mwanaZeveyone, kaHivi,
3ou Mbasemate mwanaIximele, ndumbwaNevayote.
4Ata asemene Elifwaze naEsau. Mbasemate asemene Leule.
5Oholivama asemene Yeuxe, naYalame, naKola. Ava vakivo vana vaEsau vamalunga, vaze asemene mulifuci lyaKanane.
6Esau ayile namapwevo jenyi navana venyi vamalunga navava vamapwevo navatu vakuzuvo yenyi vosena navimuna jenyi natunyama twenyi vosena naluheto lwenyi lwosena luze ahetele mulifuci lyaKanane, ayile kulifuci lyeka nakufuma kuli songo yenyi Yakova.
7Mwomwo vikumba vyavo vyavulile cikuma, ngoco kavahaxile kutwama hamweko, lifuci lize vazuzumanyine kalyavahaxileko mwomwo vimuna javo.
8Xikaho Esau atwamine kupili Seile. Esau ikiye Etome.
9Eci cikiko kusemunwina caEsau ise yavaEtome vali kupili Seile.
10Awa akiko majina avana vaEsau vamalunga, ou Elifwaze mwanaAta pwevo lyaEsau, ou Leule mwanaMbasemate pwevo lyaEsau.
11Kaha vana vaElifwaze vapwile ava, ou Temane, ou Omale, ou Zefwo, ou Ngatame, ou Kenaze.
12Cimina apwile pwevo lyaElifwaze mwanaEsau wakwingilila, kaha Elifwaze asemene nenyi Amaleke. Ava vakivo vapwile vana vaAta vamalunga, ou pwevo lyaEsau.
13Vana vaLeule vamalunga ava, ou Nahate, ou Zela, ou Xama, ou Miza. Ava vakivo vapwile vana vaMbasemate pwevo lyaEsau.
14Ava vakivo vapwile vana vaOholivama vamalunga, ou mwanaAna mwanaZeveyone, ou Oholivama pwevo lyaEsau. Esau asemene nenyi Yeuxe naYalame naKola.
15Vamyangana vana vaEsau vamalunga ava. Vana vaElifwaze mwanaEsau watwatwa, ou mwangana Temane, ou mwangana Omale, ou mwangana Zefwo, ou mwangana Kenaze,
16ou mwangana Kola, ou mwangana Ngatame, ou mwangana Amaleke. Ava vakivo vapwile vamyangana vaze vasemukile kuli Elifwaze mulifuci lyaEtome, ava vakivo vapwile vana vaAta.
17Kaha vana vaLeule mwanaEsau vamalunga ava, ou mwangana Nahate, ou mwangana Zela, ou mwangana Xama, ou mwangana Miza, ava vakivo vapwile vamyangana vaze vasemukile kuli Leule mulifuci lyaEtome, vakivo vapwile vana vaMbasemate pwevo lyaEsau.
18Kaha vana vaOholivama pwevo lyaEsau ava, ou mwangana Yeuxe, ou mwangana Yalame, ou mwangana Kola. Ava vakivo vapwile vamyangama vaze vasemukile kuli Oholivama mwanaAna wapwevo, ou Oholivama pwevo lyaEsau.
19Ava vakivo vana vaEsau vamalunga, ava vakivo vamyangana javo. Esau ikiye Etome.
20Vana vaSeile kaHole vamalunga, vaze vatwaminenga mulifuci lize, ava, ou Lotane, ou Xovale, ou Zeveyone, ou Ana,
21ou Njixone, ou Ezele, ou Njixane. Ava vakivo vapwile vamyangana vaze vasemukile kuli vaHole, vana vaSeile mulifuci lyaEtome.
22Vana vaLotane ava, ou Holi, ou Hemane, kaha ndumbwaLotane wapwevo apwile ikiye Cimina.
23Vana vaXovale ava, ou Alavane, ou Manahate, ou Evale, ou Xefwo, ou Oname.
24Vana vaZeveyone ava, ou Aya, ou Ana. Ou Ana ikiye apwile uze awanyine tuselwoke vameya azuma mupambo, omu afungile vimbulu jaise Zeveyone.
25Vana vaAna ava, ou Njixone, ou Oholivama mwanaAna wapwevo.
26Vana vaNjixone ava, ou Hemetane, ou Exevane, ou Italane, ou Kelane.
27Vana vaEzele ava, ou Mbilihane, ou Zavane, ou Akane.
28Vana vaNjixane ava, ou Uze, ou Alane.
29Vamyangana vaze vasemukile kuli vaHole ava, ou mwangana Lotane, ou mwangana Xovale, ou mwangana Zeveyone, ou mwangana Ana,
30ou mwangana Njixone, ou mwangana Ezele, ou mwangana Njixane. Ava vakivo vapwile vamyangana vaze vasemukile kuli vaHole mwayile vamyangana javo mulifuci Seile.
31Vamyangana vaze vapwile nawangana mulifuci lyaEtome ximbu vapwile vana valsalele kanda vatwame namwangana ava.
32Mbela mwanaMbeyole apwile mwangana muEtome. Lijina lyanganda yenyi yapwile yikiko Njinyihava.
33Mbela afwile, kaha Yovave mwanaZela wakuMbozola amuswanyine.
34Yovave afwile, kaha Huxame wamulifuci lyaTemane amuswanyine.
35Huxame afwile, kaha Hatate mwanaMbetate amuswanyine, uze avetele vaMicane mulifuci lyaMowave. Lijina lyanganda yenyi yapwile yikiko Avite.
36Hatate afwile, kaha Samala wakuMasaleka amuswanyine.
37Samala afwile, kaha Xaule wakuLehovote kwakamwihi naKalwiji amuswanyine.
38Xaule afwile, kaha Mbale-hanane mwanaAkavole amuswanyine.
39Mbale-hanane mwanaAkavole afwile, kaha Hatale amuswanyine. Lijina lyanganda yenyi yapwile yikiko Pau. Lijina lyapwevo lyenyi apwile ikiye Mehetavele, mwanaMatalete wapwevo, ou mwanaMezahave wapwevo.
40Awa akiko majina avamyangana vaze vasemukile kuli Esau, mwaya jitanga javo, namafuci avo, kumajinavo, ou mwangana Cimina, ou mwangana Alava, ou mwangana Yetete,
41ou mwangana Oholivama, ou mwangana Ela, ou mwangana Pinone,
42ou mwangana Kenaze, ou mwangana Temane, ou mwangana Mivizale, ou mwangana Makacele, ou mwangana Hame.
43Ava vakivo vamyangana vakuEtome, nge omu vatungile membo avo mulifuci lize Vahetele. Ou ikiye Esau ise yavaEtome.
Currently Selected:
KUPUTUKA 36: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.