KUPUTUKA 35
35
Kalunga mwamukisula Yakova kuMbetele
1Kalunga ambile kuli Yakova ngwenyi, Katuka, yako kuMbetele, ukatwame kuze. Ukamutungileko Kalunga lijiko lyakulumbila, Ou vene alisolwele kuli ove omu wacinyine kumeso ayayove Esau.
2Yakova ambile kuli vaze vakuzuvo yenyi nakuli vosena vaze apwile navo ngwenyi, Mbilenu tulunga veka vali muli enu, litomesenu, vwalenu mahineka.
3Kaha tukatukenu, tuyenu kuMbetele. Kuze nangukamutungila Kalunga lijiko lyakulumbila, Ou angwitavilile halikumbi lyamalwami, Ou apwile nayami mujila ngwatambukile.
4Vamuhanyine Yakova tulunga veka vosena vaze vapwile navo, natupata twaulu twakumatwitwi avo. Yakova avivumbikile muxina yamutelevinde uze wapwile kwakamwihi naXekeme.
5Vakatukile. Kaha mumembo akuvajingilika mwapwile muzuzu wakuli Kalunga, ngoco kavavahangasanyine vana vaYakovako.
6Ngoco Yakova ahetele kuLuze mulifuci lyaKanane (kukiko kuMbetele), naivene navatu vosena vaze apwile navo.
7Atungile lijiko lyakulumbila kuze, alukile kuze ngwenyi, #35.7:Nge ngwenyi, KuKalunga wakuMbetele.kuEle-Mbetele, mwomwo Kalunga alisolwele kuli ikiye kuze omu acinyine kumeso ayayenyi, xikaho.
8Ndevola, ndeji yaLaveka, afwile, kaha vamufunjile kumavu vaMbetele muxina yamutelevinde. Kaha valukile kuze lijina #35.8:Nge ngwavo, Mutelevinde wakulila.lyaAlone-mbakute.
9Kalunga alisolwele ceka kuli Yakova omu afumine kuPatane-alame, amukiswile.
10Kalunga amwambile ngwenyi, Lijina lyove yove Yakova. Kavexi kukavuluka ceka lijina lyove ngwavo, Yakovako, oloze lijina lyove lipwenga yove Isalele. Amulukile lijina lyenyi ngwenyi, Ikiye Isalele.
11Kalunga amwambile ngwenyi, Ami yami Kalunga ngukweci ngolo josena. Semunwina ukavule. Kuli ove nakukafuma muyaci naliwuka lyamiyaci, navamyangana navakafuma mumitanda yove.
12Lifuci eli ngwahanyine kuli Apalahama nakuli Isaka nangukakuha-nalyove, navaka-tanga yove navakakukava nangukavahana lifuci eli.
13Kalunga ayile mwilu nakumuseza kuze apwile nakuhanjika nenyi.
14Yakova emikile lilolwa kuze pwile nakuhanjika nenyi, lilolwa lyakwimika. Kaha ahingunwinyineho wana wakunwa, nakuhingunwinaho maji.
15Yakova alukile kuze ahanjikile Kalunga nenyi ngwenyi, KuMbetele.
Kufwa caLakele
16Vakatukile kuMbetele. Kwasalile katando nakuheta kuEfwalate. Lakele evwile misongo yakusema, kaha misongo yenyi yapwile yayinene.
17Omu evwile misongo cikuma, cifungiji amwambile ngwenyi, Kanda wivwa womako, mwomwo jino naukwata mwana walunga mukwavo.
18Omu wapwile mwono wenyi nakumufuma (mwomwo afwile), amulukile lijina lyenyi ngwenyi, #35.18:Nge ngwenyi, Mwanaluyando lwami.Mbenonyi. Oloze ise amulukile ngwenyi, #35.18:Nge ngwenyi, Mwanalivoko lyami lyacilyo.Mbenjamine.
19Lakele afwile, kaha vamufunjile mujila yakuya kuEfwalate (kukiko kuMbetelema).
20Yakova emikile lilolwa kucimbumbe cenyi, likiko lilolwa lyakwimika lyakucimbumbe caLakele nakulikumbi lyalelo.
21Isalele atambukile, alemene mbalaka yenyi oku kuhambakana kapoxi kaEtele.
22Kaha casolokele, omu atwamine Isalele mulifuci lize, Luvene engilile nakusavala naMbiliha pwevo lyaise wakwingilila, kaha Isalele acivwile.
Vana vaYakova
(Miji. 1, 2.1-2)
Jino vana valsalele vamalunga vapwile likumi navavali.
23Vana vaLeya ava, ou Luvene, mwana Yakova watwatwa, ou Ximeyone, ou Levi, ou Yuta, ou Isakale, ou Zevulune.
24Vana vaLakele ava, ou Yosefwe, ou Mbenjamine.
25Vana vaMbiliha ndungo yaLakele wapwevo ava, ou Ndane, ou Nafwatale.
26Vana vaZelepa ndungo yaLeya wapwevo ava, ou Ngate, ouAxele. Ava vakivo vana vaYakova vamalunga, vaze asemene kuPatane-alame.
Kufwa caIsaka
27Kaha Yakova ahetele kuli ise Isaka kuMamele, kuKilyate-alava (kukiko kuHevelone), kuze vazuzumanyinenga Apalahama naIsaka.
28Makumbi aIsaka ahetele mulikulukaji lyamyaka namyaka makumi atanu naatatu.
29Kaha mwono waIsaka wamufumine, afwile, vamutwalile kuli vakaka jenyi, apwile kaxinakaji wamyaka yayivulu. Kaha vana venyi Esau naYakova vamufunjile.
Currently Selected:
KUPUTUKA 35: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.