KULOVOKA 30
30
Lijiko lyakulumbilevi vyalivumba lyamwaza
(Kulo. 37.25-28)
1Kaha Ukasonga lijiko lyakulumbila vize vyalivumba lyamwaza, ukalisonga lyamukexa.
2Kusuhwa calyo cikapwe kuvite yimwe, kutohwa calyo cikapwe kuvite yimwe, likapwe lyamavinji awana, kaha kuzandama calyo cikapwe jikuvite jivali. Jimbinga jalyo jikapwe jakusonga kumutondo woumwe.
3Ukalilamika ulu wakutomesa, nahelu lyalyo nahajihaci jalyo jingulwixi ndo, nahajimbinga jalyo. Ukafulilaho mucama waulu jingulwixi ndo.
4Ukalifulila makulu aulu avali, muxi yamucama walyo, ukawafulila kujipaci jalyo jivali hajihaci jalyo jivali, kaha akapwe akutwama mivanda yakuiikulikisa.
5Ukasonga mivanda yamikexa kaha Ukayilamika ulu.
6Ukalitumbika kulutwe lwalihina lyakuvatasana lize lili kucikaxa caunjiho, kulutwe lwacifwiko ca likoji cili helu lyaunjiho, kuze nangukaliwanyinanga nayove.
7Alone akalumbalumbeho vize vyalivumba lyamwaza, akavilumbe hacimene hacimene, omu mwakawahisa manongo.
8Kahomu mwakawika Alone manongo hacingoloxi, akavilumbe, vikapwe livumba lyamwaza hamakumbi osena kumeso aYehova mukusemunwina cenu cosena.
9Kanda mukalumbaho vyalivumba lyamwaza vyekako, cipwe wana wakulumba, cipwe wana wakulya, kaha kanda mukahingunwinaho wana wakuhingununako.
10Alone akalinge cakufwika xili hajimbinga jalyo namanyinga awana wahaxili wakufwika xili hamwaka kamwe hamwaka kamwe. Akalilingile cakufwika xili hamwaka kamwe hamwaka kamwe mukusemunwina cenu cosena. Linapu lyajilila Yehova cikuma.
Jimbongo jakufwika hamyono yavatu
11Yehova ahanjikile kuli Mose ngwenyi,
12Omu naukalava vana vaIsalele, nge kutesa navaze navakalava, vakamuhane Yehova mutu himutu cakufwika hamwono wenyi, omu naukavalava, kucina muli vakivo namukapwa musongo wacihita omu naukavalava.
13Munavakahana ngana, mutu himutu omu mwakasambukila kuli vaze vanalave, akahane cimbwa #30.13:Tala 21.32.caxekele yakweseka naxekele yakuzuvo yajila (xekele yimwe yinapu jingela makumi avali), akahane cimbwa caxekele kupwa wana wakuhana kuli Yehova.
14Mutu himutu uze mwakasambukila kuli vaze vanalave, ou wamyaka makumi avali nakusambula, akahane wana waYehova.
15Muka-luheto kanda akavulisako, kaha muka-kuhutwa kanda akatepululako kucimbwa caxekeleko, omu navakahana wana waYehova, nakulingila myono yenu cakuyifwika.
16Ukatambula jimbongo jakufwika xili jize kuli vana vaIsalele, ukajihane hamilimo yambalaka yakuliwanyina, mangana jikapwe jakwanukilangaho hali vana vaIsalele kumeso aYehova, nakulingila myono yenu cakuyifwika.
Mbaxiya yakusanyina
17Yehova ahanjikile kuli Mose ngwenyi,
18Ukafula nawa mbaxiya yaunengu, nalitanda lyayo lyaunengu, yakusanyina. Kaha ukayitumbika mukaci kambalaka yakuliwanyina nalijiko lyakulumbila, hikuhakamo meya.
19Alone navana venyi vakasaneko kumavoko avo nakumahinji avo,
20omu navakengila mumbalaka yakuliwanyina, vakasane meya, kucina navakafwa, cipwe omu navakapandama kulijiko lyakulumbila nakunguzacila nakulumba wana wakwoca hakakahya wakuhana kuli Yehova.
21Ngoco vakasane kumavoko avo nakumahinji avo, kucina navakafwa. Cikapwenga cilika haya myaka yosena kuli vakivo, nakuli ikiye nakuli vaka-tanga yenyi mukusemunwina cavo cosena.
Maji akuwavisa navyevi vyakulumba vyalivumba lyamwaza
22Kaha nawa, Yehova ahanjikile kuli Mose ngwenyi,
23Ukalikungulwila vyuma vyalivumba lyamwaza vize vyavilemu, #30.23:Ulilila waciputa walivumba lyamwaza.mila yakuhita yapezo yajixekele makulukaji atanu, #30.23,24: Vyula vyamitondo vyalivumba lyamwaza.nakinamone yalivumba lyamwaza yacimbwa capezo kana, ngwami, jixekele makulukaji avali namakumi atanu, #30.23: Vyuma vyalivumba lyamwaza vyakufwana nge manenga.nakalamu yalivumba lyamwaza, jixekele makulukaji avali namakumi atanu.
24 # 30.23,24: Vyula vyamitondo vyalivumba lyamwaza. nakaxa yapezo yajixekele makulukaji atanu, nge kutesa naxekele yakuzuvo yajila, namaji alive akweseka hine yimwe.
25Kaha ukavisunga kupwa maji akuwavisa ajila, maji akusunga nge omu veji kusunganga vaka-kusunga maji alivumba lyamwaza, akapwe maji akuwavisa ajila.
26Ukawavisa nawo mbalaka yakuliwanyina nacikaxa caunjiho,
27namesa navyuma vyayo vyosena, nacitumbikilo camanongo navyuma vyaco, nalijiko lyakulumbila vize vyalivumba lyamwaza,
28nalijiko lyakulumbila mawana akulumba navyuma vyalyo vyosena, nambaxiya nalitanda lyayo.
29Ukavijilika, vikapwenga vyajila cikuma. Vyexovyo navikakwata havikiko navikapwa vyajila.
30Ukawavisa Alone navana venyi, nakuvajilika mangana vakanguzacilenga milimo yaupilixitu.
31Ukahanjika kuli vana vaIsalele ngwove, Maji awa apwenga maji akuwavisa ajilila kuli Ami mukusemunwina cenu cosena.
32Kanda vakawahingunwina hamujimba wamutuko. Kanda mukasunga eka akufwana nge omu vawesekako, mwomwo anapu ajila, kaha apwenga ajila kuli enu.
33Wexowo mwakasunga eka akuwafwana, mokomoko wexowo mwakawahaka hali mutu weka, navakamuteta muli vatu vakwavo.
34Yehova ambile kuli Mose ngwenyi, Kalikungulwile vyalivumba lyamwaza, #30.34: Ulilila wamitondo wandando yayinene, wakuwema nakulovola livumba lyamwaza.nasatakate, #30.34:Cuma cacendangongi wamukalungalwiji.nalunyika, #30.34: Ulilila wamitondo wandando yayinene, wakuwema nakulovola livumba lyamwaza.nangalavanu, evi vyalivumba lyamwaza #30.34: Ulilila wamitondo wandando yayinene, wakuwema nakulovola livumba lyamwaza.nalavona yakutomesa nawa hamwe, pezo yacimwe nacimwe yoyo yimwe.
35Ukavisunga kupwa vyalivumba lyamwaza, vyakusunga nge omu veji kusunganga vaka-kusunga vyalivumba lyamwaza, vyakusunga namungwa, vitoma, vyajila.
36Kaha ukatwa vimwe vikapwe vyavilelu, hikuvihaka kulutwe lwaUnjiho mumbalaka yakuliwanyina, muze nangukaliwanyinanga nayove. Vikapwenga vyajila cikuma kuli enu.
37Kahevi vyalivumba lyamwaza, vize naukasunga, anda mukalisugilenu vavene vyeka nge omu vavyesekako. Vikapwe vyajila kuli enu vyajilila Yehova.
38Wexowo mwakasunga vyeka vyakuvifwana akevweko livumba, navakamuteta muli vatu vakwavo.
Currently Selected:
KULOVOKA 30: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
