KULOVOKA 26
26
Tavanaku
(Kulo. 36.8-38)
1Kaha ukatunga #26.1:Tala 25.9.tavanaku namahina likumi, awanda wamwaza wakuhosa utoma nawou uxikima nawou waungonyi nawou ucila. Ukawatunga #26.1:Tala 25.18.navakeluve, tungiso yaveno.
2Kusuhwa calihina limwe cikapwe jikuvite makumi avali najikuvite jitanu najitatu. Kutohwa calihina limwe cikapwe jikuvite jiwana. Mahinosena akapwe akweseka mumwe.
3Mahina atanu akapwe akununga limwe kulikwavo, mahina akwavo atanu akapwe akununga limwe kulikwavo.
4Ukalinga makulu awanda uxikima kukulo yalihina limwe, kumutwe walyo kuunungililo. Ngoco nawa mukalinga kukulo yalihina likwavo lili kusongo kuunungililo wamucivali.
5Ukalinga makulu makumi atanu kulihina limwe, kaha ukalinga makulu makumi atanu kukulo yalihina lili kuunungililo wamucivali, makulu akapwe akulitalasana.
6Kaha Ukafula jifwenete jaulu makumi atanu, ukanungasane mahina najifwenete jize, kaha tavanaku hinayikapwa yimwe.
7Ukatunga mahina amangona avapembe kupwa mbalaka helu lyatavanaku, Ukawatunga likumi lyamahina nalihina limwe.
8Kusuhwa calihina limwe cikapwe jikuvite makumi atatu. Kutohwa calihina limwe cikapwe jikuvite jiwana. Mahinaze likumi nalimwe akapwe akweseka mumwe.
9Ukanunga mahina atanu nahawo, namahina atanu nalimwe nahawo, kaha ukafunya lihina lyamusambu kulutwe lwambalaka.
10Ukalinga makulu makumi atanu kukulo yalihina lize lili kusongo kuunungililo, namakulu makumi atanu kukulo yalihina lize lili kuunungililo wamucivali.
11Ukafula jifwenete jaunengu makumi atanu, kaha ukengisa jifwenete jize mumakulu, ukanungasane mbalaka, mangana yikapwe yimwe.
12Kaha lize lyakuzezalala nalikalitulaho kumahina ambalaka, cimbwa calihina cize nacikalitulaho, cikazezalale kunyima yatavanaku.
13Kaha kuvite yimwe yize nayikalitulaho kuluhaci lumwe, nakuvite yize nayikalitulaho kuluhaci lukwavo, cize nacikalitulaho kukusuhwa camahina ambalaka, cikazezalale kujihaci jatavanaku kuluhaci kuluhaci cikayifwike.
14Ukatonga nawa cifwiko cambalaka camalambu avizamba jamikoko akulomba acila, nacifwiko camalambu avambau helu.
15Maliva atavanaku ukawasonga amikexa, akwimana.
16Kusuhwa caliliva limwe cikapwe jikuvite likumi. Kutohwa caliliva limwe cikapwe kuvite yimwe nacimbwa cakuvite.
17Kuliliva limwe kukapwe vana vavali vakununga umwe kumukwavo, ngoco munaukalinga kumaliva atavanaku osena.
18Ukasonga maliva atavanaku, maliva makumi avali kuluhaci lwasulo.
19Kaha Ukafula manevo vapalata makumi awana vakuya muxi yamalivaze makumi avali, manevo vavali muxi yaliliva limwe vakusokekela vana valyo vavali, manevo vavali muxi yaliliva likwavo vakusokekela vana valyo vavali.
20Kaha kuluhaci lwatavanaku lukwavo kuluhaci lwanote, kukapwe maliva makumi avali,
21namanevo vapalata makumi awana, manevo vavali muxi yaliliva limwe, manevo vavali muxi yaliliva likwavo.
22Kaha Ukasonga maliva atanu nalimwe akunyima yatavanaku kutala kumuyakumbi.
23Ukasonga maliva avali amujimbango jatavanaku kuze kunyima.
24Akapwe akulunjika avali kuxi, kaha ngoco nawa akapwe akuya mumwe nakwilu lyayo namucinunga cimwe. Ngoco munacikapwa kumalivosena avali. Akapwe amujimbango jivali.
25Kaha kukapwe maliva atanu naatatu, namanevo vapalata, manevo likumi navatanu naumwe, manevo vavali muxi yaliliva limwe, manevo vavali muxi yaliliva likwavo.
26Ukasonga mikambo yamikexa, mikambo yitanu yakumaliva akuluhaci lwatavanaku lumwe,
27namikambo yitanu yakumaliva akuluhaci lwatavanaku lukwavo, namikambo yitanu yakumaliva akunyima yatavanaku kutala kumuyakumbi.
28Mukambo wamukaci, uze wahakaci kamaliva, ukahitasane kusongo nasongo.
29Malivaze ukawalamika ulu, kaha Ukafula makulu awo aulu akutwama mikambo. Kaha mikambo Ukayilamika ulu.
30Ukemika tavanaku nge kutesa nakufwana cayo, eci vanakulweze hapili.
31Kaha ukatunga #Mateu 27.51; Hepe. 9.3.lihina lyakuvatasana lyawanda uxikima nawou waungonyi nawou ucila nawou wamwaza wakuhosa utoma. Vakalitunge navakeluve, tungiso yaveno.
32Ukalisukika kujipanda jamikexa jakulamika ulu jiwana. Malovo ajo akapwe aulu, jikemane hamanevo vapalata vawana.
33Ukasukika lihina lyakuvatasana lize kuxi yajifwenete, ukengise cikaxa caunjiho muze mutulo yalihina lyakuvatasana, kaha lihina lyakuvatasana likamihandunwine muze mwajila namuze mwajila cikuma.
34Cifwiko calikoji ukacihaka hacikaxa caunjiho muze mwajila cikuma.
35Ukatumbika mesa kusali yalihina lyakuvatasana nacitumbikilo camanongo kuze kwakulitalasana namesa, kuluhaci lwatavanaku kutala kusulo. Mesa ukayitumbika kuluhaci lwakunote.
36Kaha ukatunga civamba cakucikolo cambalaka, cawanda uxikima nawou waungonyi nawou ucila nawanda wamwaza wakuhosa utoma, yikapwe tongeso yavaka-kutonga nawino.
37Civamba ukacisongela jipanda jamukexa jitanu, kaha ukajilamika ulu. Malovo ajo akapwe aulu. Kaha ukajizuzulwila manevo vaunengu vatanu.
Currently Selected:
KULOVOKA 26: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.