Marako KOP KAME NYUTO
KOP KAME NYUTO
Ejiri kame Marako owandiko geo kede kop kame waco be ebedo “Kop Aber i kom Yesu Kirisito Wot ka Rubanga”. Enyuto Yesu bala dano kame keto kop i tic kede kame tie kede akarunikin. Akarunikin mere nyutere i pwony mere, i twer mere i kom jwogi kede i sasiro dub me jo. Yesu waco kop i kome kene be en Wot ka dano, kame obino pi mino kuo mere pi gonyo jo ki dub gi.
Marako mio itatam i kom Yesu i yore kame niangere oyotoyot, kede dwan atek, di esingo nyikakino yamo mere i kom gikame Yesu otimo, do weko i kom kope kede pwony mege. Ingei mino kope acegocego kame geo, kame mako Yokana Ngaibatis kede batisimu kede atama ka Yesu, ngaiwandik cucuto geo mino kop i kom tic ka Yesu me cango tuwo kede pwonyo jo. Di kare tie ot, jo kame lubo Yesu oniang i kome kiber, do jo kame dage omedo doko ger. Isulai kame cego mio gikame otimere ne Yesu i sabiti me ajikini me kuo mere i wi lobo, twatwal mere epone kame kogure kede i kom musalaba kede yaruno mere ki to.
Kope kame jiko ejiri noni tie tien are. Kotero be ngat apat en kowandiko gi do weko Marako.
Wi Kope kame tie i Ejiri noni
Agege me ejiri 1.1-13
Tic ka Yesu i dier jo i Galilaya 1.14—9.50
Yai ki Galilaya tuno Yerusalem 10.1-52
Sabiti me ajikini me kuo ka Yesu, i Yerusalem kede i ngetengete 11.1—15.47
Yaruno ka Yesu 16.1-8
Nyutere kede ot i malo me Rwot koyaruno 16.9-20
Currently Selected:
Marako KOP KAME NYUTO: BILKDC13
Highlight
Share
Copy
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.