Matayo 21

Yesu Odonyo Yerusalem bala Abaka

(Marako 11.1-11; Luka 19.28-40; Yokana 12.12-19)

1Kakame bin Yesu kede josiao mege onoko kede Yerusalem, di kituno i calo me Betepage, i wi moru me Olibeti, Yesu oko cwano josiao are 2di ewaco ne gi be, “Otunu i calo kame tie anyim ca, cucuto ibinunu udo punda kame otweo di etie kede atin mere i ngete. Gonyunu gi di ikounu kelo gi buta. 3Ka ngatamoro owaco ne wu kop moro, wun wacenu be, ‘Rwot en kame mito gi’; cucuto en ebino yei ne wu kelo gi.”

4Man otimere pi mino cobere kakare gikame bin enabi owaco be,

5 # Sakaria 9.9 “Wacenu nyar ka Sion be,

neningo abaka ni tie bino buti.

En emwol, etie wanano punda,

kede atin me punda nono.”

6Josiao oko ot di kiko timo bala kame Yesu oudo owaco ne gi, 7kiko kelo punda kede atin mere. Gin kiko peto igoen gi ingei punda nogo di Yesu oko bedo iye. 8Jo atot i ekodet oko peto igoen gi i yongayo, apat mege oko tongo ajange me yen kiko peto i yongayo. 9#Sabuli 118.25, 26Ekodet me jo kame oudo bin telo anyim kede kame oudo lubo Yesu ki cen oko cako ilelem be, “Osana#21.9 Osana dwong mere be lak wa nan. but wot ka Daudi! Etie kede winyo, ngat kame bino i nying Rwot! Osana i malo twal.”

10Kakame Yesu oko donyo kede Yerusalem, bomba lung oko rubere, di jo penyere be, “Ngai ine?”

11Ekodet kame oudo upere kede Yesu oko dwoko be, “Man en Yesu enabi kame owok ki bomba me Nasaret, i adul me Galilaya.”

Yesu Ooto i Tempulo

(Marako 11.15-19; Luka 19.45-48; Yokana 2.13-22)

12Yesu oko donyo i tempulo, di eko riamo jo dedede kame oudo tie cato kede wilo jame ooko. En eko rereto imesai me jo kame oudo seso sente, kede gibedo me jo kame oudo cato amam. 13#Isaya 56.7; Yeremia 7.11En eko waco ne gi be, “Kowandiko i iwandik kacil be, ‘Kobino lwongo oda be ot me ilega’; do wun ilokenu edoko kapwono me joyak.”

14Imuduka kede ingwalasa oko bino but Yesu i tempulo, en eko cango gi. 15Do kakame jodongo me josaseredoti kede jopwony me Iswil oneno kede gi me aura kame en etimo, kede di idwe tie ilelem i tempulo be, “Osana but Wot ka Daudi,” cuny gi oko wang. 16#Sabuli 8.2 Gin kiko penyo Yesu be, “Mam itie winyo gikame jogi tie waco?” Yesu oko dwoko ne gi be, “Ebo; do mam itiekunu somo iwandik kacil be, ‘In imio imukerun kede idwe adot opaki kakare’?”

17Yesu oko yai oweko gi, en eko wok ki bomba eoto Betania, di eko buto kuno.

Yesu Olamo Yat Epigi

(Marako 11.12-14, 20-24)

18Odiko kakame Yesu oudo tie dwogo kede i bomba, kec oudo oneke. 19En eko neno yat epigi ilak yongayo. En eko ot i dude, do likame eko udo anyakini moro iye kwanyo pote erume. Di do en eko waco ne yat nono be, “Likame ibino nyak bobo.” Esawa nono di yat nono oko tuo.

20Kakame josiao oneno kede gikame oudo otimere, kiko uro twatwal di kipenyere be, “Benyo benyo komio yat ni osusunyo tuo?”

21 # Matayo 17.20; 1 Jokorinti 13.2 Yesu oko dwoko ne gi be, “Ateteni awaco ne wu be, ka itienu kede yei abongo gung i cunyu, likame ibinunu timo gikame kotimo ne yat noni kenekene, do akadi iwacenu moru ni be, ‘Putere iot ipoti i nam’, ebino timere da. 22Doko ka ilegunu di itienu kede yei, ibinunu udo gi dedede kame ikwaunu.”

Peny i kom Akarunikin ka Yesu

(Marako 11.27-33; Luka 20.1-8)

23Kakame Yesu odonyo kede i tempulo, jodongo me josaseredoti kede joadongo me piny oko ot bute di oudo etie pwony. Gin kiko penye be, “Akarunikin mene en kame in itimo kede gigi? Ngai en komii akarunikin nono?”

24Yesu oko dwoko ne gi be, “Ango da ayaro penyo wu peny acel, ka imianu adwokini mere, ada ako bino waco ne wu akarunikin kame ango audo me timo gigi. 25Akarunikin kame bin Yokana batiso kede jo oudo owok ki malo arabo kibut jo?” Gin kiko cako piem ken gi ken gi be, “Ka owacunu be, ‘Ewok ki malo,’ en ebino waco ne wa be, ‘Do pinyo komio likame ikounu yei en?’ 26Do ka owacunu be, ‘Ewok kibut jo,’ otienu kede lworo i kom ekodet me jo, pien jo dedede ngeo kiber be Yokana obedo enabi.” 27Di do gin kiko dwoko be, “Wan girwa okwia.”

Yesu oko waco ne gi be, “Akadi ada likame abino waco ne wu akarunikin kame ango atie timo kede gi nogi.”

Agole me Awobe Are kede Papa gi

28Yesu oko meede kede yamo be, “Wun iparunu benyo? Icuo moro oudo bin tie kede awobe mege are; en eko ot but awobi mere me agege di eko waco ne be, ‘Woda, ape ber tin itim tic i poto me olok.’ 29Do en eko dwoko be, ‘Ango likame ayaro ot’; do i cen mere en eko loko tam mere di eko ot. 30Papa gi oko ot but awobi me are da di eko waco bobo kop acel nono; di awobi nono oko waco ne be, ‘Adwong ayaro ot’; do likame en eko gire ot. 31Awobi mene kikom awobe are go en kotimo gikame papa mere mito?”

Gin kiko dwoko be, “Awobi me agege.”

Yesu oko waco ne gi be, “Ateteni awaco ne wu be, jorar esolo kede imalayan bino cako ot ne wu i Ajakanut me malo. 32#Luka 3.12; 7.29-30Pien Yokana bin obino butu pi nyuto ne wu yongayo me ateni, do wun likame ikounu yei en, do jorar esolo kede imalayan oko yei en. Akadi i kare kame bin itiekunu neno kede gikame gin kitimo da, wun likame ikounu loko tam wu di ikounu yei en.”

Agole me Jodar Poto me Olok

(Marako 12.1-12; Luka 20.9-19)

33 # Isaya 5.1-2 Yesu oko meede kede yamo be, “Winyunu bobo agole ace. Bin tie icuo moro kopuro poto me olok, di eko luke kede awas. En eko kunyo bur me bino bwini iye, di eko gero esipet me daro poto. Di do en eko keto jo mogo daro ne poto nono, di en eko ot i piny apat. 34Kakame kare me ngwedo anyakini otuno kede, en eko cwano jotic mege but jodar poto pi omo ne anyakini kame make. 35Jodar poto oko daruno jotic mege nogo kiko bungo acel abunga, kiko neko acel, kede ocelu di kiko didipo kede kide. 36En bobo eko cwano jotic ace kame tot kalamo me agege noka; do jodar poto doko oko timo ne gi tim acel nono. 37Me ajikini mere, en eko cwano wode but gi di ewaco be, ‘Kibino bedo kede wor but woda.’ 38Do kakame jodar poto oneno kede wode nono, kiko donyo yamo ken gi ken gi be, ‘Man en musika mere, bia onekenu, me wek jame kame en epoore sikao dok megwa.’ 39Gin kiko make, di kiko uce ooko me poto di kiko neke.

40“Nan do ka won poto me olok no obino, iparunu be nyo kame en ebino timo ne jodar poto go?”

41Gin kiko dwoko ne be, “Ebino neko jo areco go iepone me to arac adikinicel, di en eko bino keto poto me olok i cing jodar ace, kame bino mine anyakini kame make i kare me ngwedo gi.”

42 # Sabuli 118.22-23 Yesu oko waco ne gi be, “Mam itiekunu somo iwandik kacil be,

“‘Kidi kame jogedo odagi

en kame olokere oko doko kidi me esonda kame pire tek;

man Rwot en kotimo,

doko i wang wa etie gi me aura’?

43“Pi mano, awaco ne wu be, kobino kwanyo Ajakanut ka Rubanga kibutu di oko mino atekerin kame nyako anyakini kabeco. 44Ngat kame poto i wi kidi noni bino ngingidun, do ka kidi noni opoto i kom dano moro, ebino nyinyito dano nono.”

45I kare kame jodongo me josaseredoti kede Iparisayon owinyo kede agole noni, gin kiko ngeno be Yesu oudo tie waco kop i kom gi. 46Di gin kiko tamo make, do oudo kilworo ekodet me jo, pien jo oudo niang be Yesu en enabi.

Currently Selected:

Matayo 21: BILKDC13

Highlight

Copy