Matayo 22
22
Agole me Ebaga me Nyom
(Luka 14.15-24)
1Yesu bobo oko yamo kede gi i agole be, 2“Okaruno poro Ajakanut me malo kede abaka kame otimo ebaga me nyom ka wode. 3En eko cwano jotic mege pi ot lwongo jo kame bin kolwongo i nyom, do likame gin kiko bino. 4Bobo en eko cwano jotic ace di ewaco ne gi be, ‘Otunu iwacenu wele kame alwongo i ebaga be ango atieko iiko cam; aneko twonin kede itobai na kame ocwe. Gi dedede do tie cuto; bianu do i ebaga me nyom.’ 5Do jo kame oudo kolwongo likame oko paro pi lwongo nono, di kiko ot tenge. Ngat acel ooto i poto mere, ocelu oko ot timo cat mere, 6di jo icegun oko mako jotic mege, kiko timo ne gi tim me lewic di kiko neko gi. 7Abaka nono oko doko ger di eko cwano isirikalen mege pi ot neko jonek nogo kede wango bomba gi. 8En eko waco ne jotic mege be, ‘Kotieko do iiko ebaga me nyom, do jo kame ango alwongo oudo likame obedo jo apoore me alwonga. 9Pi mano, otunu i akarakara me yote, di ikounu lwongo jo kame iudunu di tot bala kame itwerunu, wek kibin i ebaga me nyom.’ 10Jotic ka oko ot i yote di kiko coko jo dedede kame kiudo, jo areco kede abeco karacel, di do wele oko pongo goga me nyom.
11“Do esawa kame abaka odonyo kede pi neno wele, en eko neno icuo moro kuno kame oudo likame tie kede engape me nyom. 12Abaka oko penye be, ‘Diera, in idonyo kan benyo abongo engape me nyom?’ Kop kame edwok oko bwone. 13#Matayo 8.12; 25.30; Luka 13.28Abaka di do oko waco ne jotic mege be, ‘Tweunu cinge kede tiene ikounu uce ooko kakacol, kakame jo bino koko kede mwodo lak gi kiye.’
14“Pien kolwongo jo atot do koyero anonok.”
Peny kame mako Culo Esolo
(Marako 12.13-17; Luka 20.20-26)
15Kikano Iparisayon oko ot iiko tam pi udo epone me mako kop moro arac ki dog Yesu. 16Gin kiko cwano josiao gin, karacel kede jo me ekodet ka Erode pi ot but Yesu kede peny kame waco be, “Apwony, wan ongeo be in itie dano me ateni, doko in ipwonyo jo i yongayo ka Rubanga i ateni. In likame ilworo ngatamoro, pien in likame ineno dano kede cal mere me ooko. 17Nan do wac ne wa tam nin; benyo, iswil yei ne wa culo esolo but Kaisari arabo li?”
18Do Yesu oudo ngeo tam arac kame gin oudo kitieko iiko, en eko penyo gi be, “Wun joecuke, pinyo komio itienu tama? 19Nyutanu sente kame koculo kede esolo.”
Gin kiko kelo ne sente akaya acel. 20Yesu oko penyo gi be, “Cal kede nying ngai ine kame tie iye ni?”
21Gin kiko dwoko be, “Me ka Kaisari.” Di do en eko waco ne gi be, “Pi mano, miunu jame ka Kaisari but Kaisari, ikounu mino me ka Rubanga da but Rubanga.”
22Kakame kiwinyo kede kop mere, kiko uro, di do kiko yai kioto tenge kiweke kene.
Peny kame mako Iyarun
(Marako 12.18-27; Luka 20.27-40)
23 #
Tice 23.8
I ceng acel nono, Isadukayon, jo kame waco be iyarun me jo oto li, oko ot but Yesu di kiko penye be, 24#Iswilia 25.5“Apwony, Iswil ka Musa bin waco be, ‘Ka icuo moro oto abongo nywalo idwe, omin mere miero mak apuserut me wek enywal kede idwe ne omin mere kame oto nono.’ 25Aso, bin tie imiegu kanyaare kede wa kan. Me agege onyomere di en eko to eweko dako abongo atin. Omin mere ace oko sikao apuserut nono. 26Gi acel nono oko timere ne awobi me are, me adek tuno kede i me kanyaare. 27Ingei gin dedede to, dako nono da oko to. 28Nan do i kare me iyarun, en ebino bedo dako ka ngai? Pien cuo kanyaare nogo dedede oudo obedo kede en bala dako gi.”
29Do Yesu oko dwoko ne gi be, “Wun ipotunu, pien wun ikwianu iwandik kacil akadi twer ka Rubanga da. 30Pien i kare me iyarun cuo kede mon likame bobo bino nyomere, do kibino bedo cal bala imalaikan kame tie i malo. 31Aso, i kom kop kame mako iyarun me jo oto, mam wun itiekunu somo gikame oudo Rubanga owaco ne wu be, 32#Yai 3.6‘Ango en Rubanga ka Aburaam, Rubanga ka Isaka kede Rubanga ka Yakobo?’ En likame Rubanga me jo oto, do Rubanga me jo kakuo.”
33Kakame bin ekodet owinyo kede kop noni, gin kiko uro pwony mere adikinicel.
Cik kame Pire tek Kalamo
(Marako 12.28-34; Luka 10.25-28)
34Do kakame Iparisayon owinyo kede be Yesu omio kop otiek i dog Isadukayon, gin kiko cokere karacel. 35#Luka 10.25-28Ngat acel kibut gi, kame tie kede isoma amalo i kom kop kame mako Iswil, oko penyo Yesu di ekio kop ki doge be, 36“Cik mene en kame pire tek kalamo i Iswil wa?”
37 #
Iswilia 6.5
Yesu oko dwoko ne be, “ ‘Mar Rubanga ni kede cunyi dedede, kede kuo ni dedede kede tam ni dedede.’ 38Man en cik me agege kame pire tek kalamo. 39#Jolebi 19.18Cik me are da cal acala kede manoni: ‘Mar dano wadu bala kite kame imarere kede keni.’ 40Iswil ka Musa kede pwony me inabin dedede cungo i wi cik are nogi.”
Peny i kom Kirisito
(Marako 12.35-37; Luka 20.41-44)
41Kakame bin Iparisayon oudo ocokere kede karacel, Yesu oko penyo gi 42di ewaco be, “Nyo kame wun iparunu i kom Kirisito? En wot ka ngai?” Gin kiko dwoko ne be, “En Wot ka Daudi.”
43Yesu oko penyo gi be, “Do pinyo doko komio bin Tipo Kacil omio Daudi oko lwonge be Rwot, di ewaco be,
44 #
Sabuli 110.1
“‘Rwot Rubanga owaco ne Rwot na be:
Bed i bada tetu cam,
tuno di ango atieko mini inyono jokwor ni piny i tieni.’
45“Ka Daudi da bin olwonge be Rwot, Kirisito doko karuno bedo Wot ka Daudi benyo?”
46Di do likame tie ngatamoro kame oko karuno dwoko ne kop moro, doko da cako ceng nono likame tie ngatamoro oko dino cunye penye kop moro bobo.
Currently Selected:
Matayo 22: BILKDC13
Highlight
Share
Copy
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.
