Matayo 19

Yesu Opwonyo kop kame mako Gonyo Nyom

(Marako 10.1-12)

1Kakame Yesu otieko waco kede kope nogi, en eko yai ki Galilaya i adul me Yudea, kame tie loka tetuca me ecilet me Yorodan. 2Ikodeta adongodongo me jo oko lube di en eko cango jotuwo ki kuno.

3Iparisayon mogo oko bino bute pi kino doge di ki penye be, “Iswil wa yei ne dano riamo dako mere pi tien kop moroni kenekene?”

4 # Ageini 1.27; 5.2 Yesu oko dwoko ne gi be, “Mam itiekunu somo iwandik kacil kame waco be, ngat kame bin ocweo jo i kare me agege ocweo gi icuo kede dako, 5#Ageini 2.24di en eko waco be, ‘Pi manoni, icuo bino weko papa mere kede toto mere, di en eko ribere kede dako mere, gin jo are go kiko doko kom acel’? 6Aso, udo doko likame kitie jo are, do udo gin kidoko kom acel. Pi mano, gikame Rubanga otieko ribo karacel, kur ngatamoro poki.”

7 # Iswilia 24.1-4; Matayo 5.31 Iparisayon oko penye be, “Do pinyo komio Musa bin oko mino cik kame waco be, dano karuno mino cege baluwa me gonyo nyom di en eko riame?”

8Yesu oko dwoko ne gi be, “Musa bin oyei ne wu pokere kede mon wu pi tek wi wu. Do oudo likame etie kamanono cako ki agege me cweno piny. 9#Matayo 5.32; 1 Jokorinti 7.10-11Pi mano, ango awaco ne wu be, tek ngat kame riamo dako mere pi kop ace apat kede kop me caro, di en eko nyomo dako ace, udo etimo adote.”

10Josiao oko waco ne be, “Ka mano en gikame tie i dier icuo kede dako mere, tikatika jo oudo wek do nyomere.”

11Do Yesu oko dwoko ne gi be, “Likame jo dedede bino yei gamo kop noni, do kenekene jo kame Rubanga omio kop noni but gi. 12Pien tie jo kame konywalo di gin kibedo abwocin, kede tie da jo mogo kame jo en komio gi kibedo abwocin, kede tie jo komito bedo abwocin ken gi pi Ajakanut me malo. Ngat kame twero yei gamo kop noni wek egami.”

Yesu Omio Idwe atino Winyo

(Marako 10.13-16; Luka 18.15-17)

13Jo mogo oko kelo idwe atino but Yesu me wek eket cinge i wi gi di eko lego ne gi. Do josiao oko donyo cokocoko gi be kiweki. 14Do Yesu oko waco be, “Wekunu idwe atino bin buta, kur igengunu gi; pien Ajakanut me malo tie pi jo kame cal bala gin.”

15En eko keto cinge i wi gi di eko yai eoto tenge.

Awobi Kobaro

(Marako 10.17-31; Luka 18.18-30)

16Kikano awobi moro kame oudo obaro oko bino but Yesu di oko penye be, “Apwony, nyo aber kame poore na timo pi udo kuo kame bedo nakanaka?”

17Yesu oko penye be, “Pinyo bo komio ipenya i kom kop kame mako gikaber? Ngat acel kenekene en kame ber. Ka imito donyo i kuo kame bedo nakanaka, poore igwok cik ka Rubanga.”

18 # Yai 20.13-16; Iswilia 5.17-20 En eko penyo Yesu be, “Cik mege?” Yesu oko dwoko ne be, “Kur ineko; Kur itimo adote; Kur ikwalo; Kur imio ijura me angalo; 19#Yai 20.12; Iswilia 5.16; Jolebi 19.18Wor papa ni kede toto ni; Imar ngakio ni bala kite kame imaro kede komi keni.”

20Awobi nono oko dwoko ne be, “Ango atieko gwoko cik go dedede; nyo kame pwodi arem kede?”

21Yesu oko waco ne be, “Ka imito bedo ngat kame ber, ot iko cato jame kame itie kede, di iko mino jocan sente kame iudo di iko bino bedo kede abar i malo, di do iko bino luba.”

22Kakame awobi nono owinyo kede kop no, en eko ot tenge di cunye owang, pien oudo ebaro twatwal.

23Yesu oko waco ne josiao mege be, “Ateteni awaco ne wu be, ebino bedo tek twatwal ne ngabar donyo i Ajakanut me malo. 24Doko awaco ne wu be, eyoyot ne aguragura donyo ki wang piso kalamo ngabar donyo i Ajakanut ka Rubanga.”

25Kakame josiao owinyo kede kop noni, gin kiko bedo kede lworo adwong di kipenyere be, “Ngai do kame twero udo alako?”

26Do Yesu oko ngino gi di eko waco be, “Man likame twerere kibut dano, do kibut Rubanga gi dedede twerere.”

27Di Petero oko dwoko be, “Neningo, wan oweko gi dedede di oko lubi. Nyo kame wan obino do udo?”

28 # Matayo 25.31; Luka 22.30 Yesu oko waco ne gi be, “Ateteni awaco ne wu be, i kare kame Wot ka dano bino bedo kede i kom mere me deyo i piny kanyen, wun jo kame ibedunu luba i ibinunu bedo i kabedo me pug tomon kiwie are pi pugo atekerin tomon kiwie are me Isirael. 29Doko ngat acelacel kame oweko ude mege, imiegu arabo amiegu mege, papa mere arabo toto mere, idwe mege arabo lobo mere pira, ebino udo gikame kalamo magonogi tien tol acel, doko en eko bino udo kuo kame bedo nakanaka. 30#Matayo 20.16; Luka 13.30Do jo atot kame nataman tie me agege bino bedo me ajikini, kede jo kame nataman tie me ajikini bino bedo me agege.

Currently Selected:

Matayo 19: BILKDC13

Highlight

Copy